ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କଟକ: କଟକ ଶୁଦସାଇଲୋ ଗାଁରୁ ନାବାଳିକା ନିଖୋଜ ଘଟଣାର ପର୍ଦ୍ଦାଫାସ୍। ନାବାଳିକାଙ୍କୁ ଗଣଦୁଷ୍କର୍ମ ପରେ ହତ୍ୟା କରି ପୋତା ଯାଇଥିବା ଜଣାପଡିବାପରେ ମାଜିଷ୍ଟ୍ରେଟଙ୍କ ଉପସ୍ଥିତିରେ ଖୋଳା ଆରମ୍ଭ ହୋଇଥିଲା । ଅପହରଣ ଓ ଗଣଦୁଷ୍କର୍ମର ପାଖାପାଖି ମାସକ ପରେ ମାଟିତଳୁ ଉଦ୍ଧାର ହେଲା ନାବାଳିକାର ମୃତଦେହ।</p> <p>କଟକ ଜିଲ୍ଲା ଗୋବିନ୍ଦପୁର ଥାନା ଅନ୍ତର୍ଗତ ଟୁଣ୍ଡା ଗାଁର ଏ ଘଟଣାକୁ ନେଇ ଚାଞ୍ଚଲ୍ୟ ଖେଳିଯାଇଛି। ଘଟଣାର ମାଷ୍ଟରମାଇଣ୍ଡ ସହ ପୋଲିସ୍ ୩ ଜଣଙ୍କୁ ଗିରଫ କରିଛି। ମାମଲାକୁ ରେଡ୍‌ ଫ୍ଲାଗ କାଟାଗୋରୀରେ ନିଆଯିବ ବୋଲି କଟକ ଗ୍ରାମାଞ୍ଚଳ ଏସ୍ପି ସୂଚନା ଦେଇଛନ୍ତି। ମୁଖ୍ୟ ଅଭିଯୁକ୍ତ ରାଜେଶ ପଟ୍ଟନାୟକ ଘଟଣାସ୍ଥଳକୁ ଆସି ଖୋଲିଛି ପାପର ପେଡ଼ି। ନିଜ ଜମିରେ ଦୁଷ୍କର୍ମ ପରେ କେମିତି ଅନ୍ୟ ଦୁଇ ସାଙ୍ଗଙ୍କ ସହ ମିଶି ନାବାଳିକାକୁ ଜଘନ୍ୟ ହତ୍ୟା କରି ପୋତିଥିଲା, ଗୋଟି ଗୋଟି ବର୍ଣ୍ଣନା କରିଛି ପୋଲିସ୍ ଆଗରେ।</p> <p>ଗତ ଫେବ୍ରୁଆରୀ ୧୦ ତାରିଖରେ ଘରୁ ହଠାତ୍ ନିଖୋଜ ହୋଇଯାଇଥିଲେ ଏ ନାବିଳାକା । ୧୧ ତାରିଖରେ ଥାନାରେ ଅଭିଯୋଗ ହେଲା ଏହାପରେ ଝିଅ ଫୋନ୍ କରି କହିଲା ରାଜେଶ ମୋତେ ଅପହରଣ କରି କେଉଁ ଅଜଣା ଯାଗାରେ ରଖିଛି। ବାସ୍ ଏତିକି । ଆଉ କିଛି ଖବର ନଥିଲା । ପୋଲିସ୍ ମୋବାଇଲ୍ ନମ୍ବରକୁ ଟ୍ରାକ୍ କରି ଅଭିଯୁକ୍ତ ରାଜେଶକୁ ଗିରଫ ପରେ ଖୋଲିଯାଇଥିଲା ସବୁ ରହସ୍ୟ । ହେଲେ ଝିଅ ଆଉ ଜୀବନରେ ନ ଥିଲା। ପରିବାର ଲୋକଙ୍କ ଅଭିଯୋଗ ପୋଲିସ୍ ଆଗୁଆ ପଦକ୍ଷେପ ନେଇଥିଲେ ବଂଚିଯାଇଥାନ୍ତା ଝିଅ । ଅଭିଯୁକ୍ତକୁ ଘଟଣାସ୍ଥଳକୁ ଅଣାଯିବା ବେଳେ ଏହାକୁ କେନ୍ଦ୍ର କରି ପ୍ରବଳ ଉତ୍ତେଜନା ଦେଖାଦେଇଥିଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
