ଆଇଏସ୍‌ଙ୍କ ରିପୋର୍ଟରେ ବିକାଶର ଚିତ୍ର ଏମିତି…

ଭୁବନେଶ୍ୱର (ଓଡ଼ିଶା ରିପୋର୍ଟର): ପଛୁଆ ଜିଲ୍ଲାରେ ଉନ୍ନୟନ କାର୍ଯ୍ୟ ତଦାରଖ ପାଇଁ କେନ୍ଦ୍ର ସରକାର ପ୍ରଭାରୀ ଅଫିସରଙ୍କୁ ଦାୟିତ୍ୱ ଦେବାକୁ ନେଇ ବିଜେପି ଓ ବିଜେଡି ମୁହାଁମୁହିଁ ଅବସ୍ଥାରେ ଅଛନ୍ତି। ଏପରି ସ୍ଥିତିରେ ପ୍ରଭାରୀ ଅଫିସରଙ୍କୁ ମନାକରୁଥିବା ରାଜ୍ୟ ସରକାରଙ୍କ ବିକାଶର ମୁଖା ଖୋଲିଛନ୍ତି ଖୋଦ୍ ତାଙ୍କ ଅଫିସର। ବିକାଶର ବିଗ୍ ଫାଇଟ୍ ଭିତରେ ସଚିବମାନଙ୍କ ଜିଲ୍ଲା ଗସ୍ତ ରିପୋର୍ଟରୁ ଆସିଛି ଉଦ୍‌ବେଗଜନକ ତଥ୍ୟ। ରାଜ୍ୟର ପଛୁଆ ଅଞ୍ଚଳରେ ବିକାଶ ପଛରେ ପଡ଼ିଛି ବୋଲି ସ୍ପଷ୍ଟ କରିଛନ୍ତି ନବୀନ ପଟ୍ଟନାୟକଙ୍କ ଅଫିସର। ଏବେ ଅଭିଜ୍ଞ ଅଫିସଙ୍କ ଅନୁଭବୀ ରିପୋର୍ଟ ବିକାଶର ନାରା ଦେଉଥିବା ରାଜ୍ୟ ସରକାରଙ୍କ ଚିନ୍ତା ବଢ଼ାଇ ଦେଇଛି।

ମାଲକାନାଗିରି ପୌର ପରିଷଦର ଏକ ନମ୍ବର ଓ୍ୱାର୍ଟରେ ରହୁଛନ୍ତି ରାଜେଶ ନାରାୟଣ। ବାପ ଓ ମାଆ ନାହାନ୍ତି। ଆଈ ପାଖରେ ରହୁଛନ୍ତି। ବୟସ ମାତ୍ର ୧୦ ବର୍ଷ। ଦେହ ଦେଖିଲେ ବାରି ହୋଇପଡୁଛି ଦେହର ହାଡ଼। ରାଜେଶଙ୍କ ସ୍ୱାସ୍ଥ୍ୟ ଅବସ୍ଥା ବୟାନ କରୁଛି, ଅପପୁଷ୍ଟି ରୋକିବା ପାଇଁ ରାଜ୍ୟ ସରକାର ଯୋଜନା କାର୍ଯ୍ୟକାରୀ କିଭଳି ଫେଲ୍  ମାରିଛି?

ସେହିପରି କନ୍ଧାମାଳ ଜିଲ୍ଲା ଫିରିଙ୍ଗିଆ ବ୍ଲକ ସଲାଗୁଡା ପଞ୍ଚାୟତ ଅନ୍ତର୍ଗତ ପଞ୍ଚାୟତସାହିର ବୃଦ୍ଧା ମହିଳା ସୁନ୍ଦରୀ କହଁର ଓ ଦୂତିକା କହଁର। ସେମାନେ ଗରିବ ଓ ନିଃସନ୍ତାନ। ନା ରାସନକାର୍ଡ ଅଛି ନା ପାଉଛନ୍ତି ଭତ୍ତା। ସବୁ ପ୍ରକାର ସରକାରୀ ସୁବିଧାରୁ ଏମାନେ ବଞ୍ଚିତ।

ସଚିବମାନଙ୍କ ଜିଲ୍ଲା ଗସ୍ତର ରିପୋର୍ଟରୁ ଏଭଳି ଅନେକ ଅବ୍ୟବସ୍ଥା ଓ ଅବହେଳାର ତଥ୍ୟ ରାଜ୍ୟ ସରକାରଙ୍କ ବିକାଶର ଚିତ୍ରର ଗୁମର ଖୋଲିଦେଇଛି। ଶିକ୍ଷା, ସ୍ୱାସ୍ଥ୍ୟ, ପାନୀୟଜଳ,  ଗ୍ରାମାଞ୍ଚଳରେ ବିଦ୍ୟୁତକରଣ ସମସ୍ୟା, ଡାକ୍ତର ଅଭାବ, କିଛି ସ୍ଥାନରେ ରାସ୍ତା, ବ୍ରିଜ ନିର୍ମାଣରେ  ସମସ୍ୟା ଓ ସ୍କୁଲରେ ଦେଖାଦେଇଥିବା ବିଭିନ୍ନ ସମସ୍ୟାକୁ ସଚିବମାନେ ରିପୋର୍ଟରେ ଉଲ୍ଲେଖ କରିଛନ୍ତି।

ପଛୁଆ ଅଂଚଳରେ ବିକାଶ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଭାରୀ ଅଫିସର୍ ଯୋଜନାକୁ ରାଜ୍ୟ ସରକାର ବିରୋଧ କରିଛନ୍ତି। ସେପଟେ ସଚିବମାନଙ୍କ ରିପୋର୍ଟ ଅନୁସାରେ ପଛୁଆ ଜିଲ୍ଲାର ବିକାଶର ବାସ୍ତବ ଚିତ୍ର ଓଲଟା। ଏସବୁ ଭିତରେ ପ୍ରଭାରୀ ଅଫିସଙ୍କୁ ବିରୋଧ କରିବା କେତେ ଯୁକ୍ତିଯୁକ୍ତ, ତାକୁ ନେଇ ପ୍ରଶ୍ନ  ଉଠିଛି?

Previous ArticleNext Article

Send this to a friend