ଆକ୍ରମଣ ପ୍ରତିବାଦରେ ଧାରଣାରେ ବସିଲେ ଡାକ୍ତର

କେନ୍ଦୁଝର(ଓଡ଼ିଶା ରିପୋର୍ଟର): କେନ୍ଦୁଝର ଜିଲ୍ଲା ଆନନ୍ଦପୁର ହସ୍ପିଟାଲରେ ଡାକ୍ତରମାନେ କାର୍ଯ୍ୟ ବନ୍ଦ ଧାରଣାରେ ବସିଛନ୍ତି। କାର୍ଯ୍ୟରତ ଜଣେ ଡାକ୍ତରଙ୍କୁ ଆକ୍ରମଣ ପ୍ରତିବାଦରେ ଡାକ୍ତରମାନେ ହସ୍ପିଟାଲ ଆଗରେ ଧାରଣାରେ ବସିଛନ୍ତି।

ମାଡ଼ ମାରିଥିବା ଅଭିଯୁକ୍ତଙ୍କ ବିରୋଧରେ ଦୃଢ଼ କାର୍ଯାନୁଷ୍ଠାନ ସହ ସୁରକ୍ଷା ଦାବି କରିଛନ୍ତି ଡାକ୍ତର। ଦାବି ପୂରଣ ନ ହେବା ଯାଏଁ ଆନ୍ଦୋଳନ ଜାରି ରହିବ ବୋଲି ସେମାନେ ଚେତାବନୀ ଦେଇଛନ୍ତି। ଡାକ୍ତରଙ୍କ ଆନ୍ଦୋଳନ ଯୋଗୁଁ ହସ୍ପିଟାଲରେ ରୋଗୀ ସେବା ପ୍ରଭାବିତ ହୋଇଛି।

ଗତକାଲି ଆଉଟ୍‌ଡୋରରେ ଡ୍ୟୁଟି କରୁଥିବା ବେଳେ ଜଣେ ରୋଗୀଙ୍କ କିଛି ସଂପର୍କୀୟ ଆକ୍ରମଣ କରିଥିବା ଡାକ୍ତର ରବିନାରାୟଣ ସେନାପତି ଅଭିଯୋଗ କରିଥିଲେ। ପୋଲିସ ସିସିଟିଭି ଆଧାରରେ ତଦନ୍ତ ଜାରି ରଖିଛି।

 

Previous ArticleNext Article

Send this to a friend