ବିଦ୍ୟୁତ୍‌ ଆଘାତରେ ଟଳି ପଡ଼ିଲା ଗର୍ଭବତୀ ହାତୀ!

ଢେଙ୍କାନାଳ (ରାଜଶ୍ରୀ ଶତପଥୀ): ବିପଦରେ ଗଜରାଜ। ପୁଣି ଟଳିପଡ଼ିଆ ହାତୀ। ବିଦ୍ୟୁତ୍‌ ଆଘାତରେ ଏକ ମାଈ ହାତୀର ମୃତ୍ୟୁ ଘଟିଥିବା ଅଭିଯୋଗ ହେଉଛି। ମୃତ ହାତୀଟି ଗର୍ଭବତୀ ଥିବା ଅନୁମାନ କରାଯାଉଛି। ଢେଙ୍କାନାଳ ବନ ବିଭାଗ ହାତୀର ମୃତଦେହ ଜବତ କରି ଘଟଣାର ତଦନ୍ତ ଆରମ୍ଭ କରିଛି।

ଢେଙ୍କାନାଳ ସଦର ରେଞ୍ଜ କାକୁଡ଼ିଭାଗ ପଞ୍ଚାୟତ ବୋଲୁଅ ସାହି ଅଞ୍ଚଳରେ ବହୁ ଚାଷୀ ପରିବା ଚାଷ କରନ୍ତି। ସେଥିରେ ଚଳେ ସେମାନଙ୍କ ପରିବାର। ତେବେ ହାତୀଟି ପରିବା ଖାଇବାକୁ ଆସି ବିଦ୍ୟୁତ୍‌ ଆଘାତରେ ମରିଥିବା ଅନୁମାନ କରାଯାଉଛି। ମୃତ ହାତୀର ବୟସ ୧୨ ବର୍ଷ ହେବ। ମୃତଦେହଠାରୁ ୫୦୦ ମିଟର ଦୂର ଜଙ୍ଗଲରେ ଏକ ହାତୀ ପଲ ଜଗି ରହିଛି।

ଗାଁ ଲୋକଙ୍କଠାରୁ ଢେଙ୍କାନଳ ଡିଏଫ୍‌ଓ ଓ ସଦର ରେଞ୍ଜର ଖବର ପାଇ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ପାରିପାର୍ଶ୍ୱିକ ସ୍ଥିତିରୁ ବିଦ୍ୟୁତ ଆଘାତରେ ହାତୀର ମୃତ୍ୟୁ ହୋଇଥିବା ବନ ବିଭାଗ ଅନୁମାନ କରାଯାଉଛି।

Previous ArticleNext Article

Send this to a friend