ଫେକ୍‌ ଆକାଉଣ୍ଟ ପାଇଁ ବଢୁଛି ସାଇବର କ୍ରାଇମ୍‌

crime

ଭୁବନେଶ୍ୱର (ଦେବଯାନୀ ସାମନ୍ତରାୟ): “ତା ଡୁପ୍ଲିକେଟ ଓଠକୁ, ଡୁପ୍ଲିକେଟ ଫଟୋ, ତାରି ପାଇଁ ହେଇଗଲେଣି ଲକ୍ଷେ ପୁଅ ନଷ୍ଟ”। ନିକଟରେ ଏକ ଓଡ଼ିଆ ଆଲବମ୍‌ର ଏହି ମନଲୋଭା ଗୀତଟି ଭାରି ଚର୍ଚ୍ଚିତ ହୋଇଛି। ସୋସିଆଲ ମିଡିଆରେ ପ୍ରେମ ବେଳେ ବେଳେ କେମିତି ଅନ୍ୟକୁ ଅନାୟାସରେ ବୋକା ବନେଉଛି ସେଇ କଥାଟି ଏହି ଗୀତ ମାଧ୍ୟମରେ ପ୍ରଦର୍ଶିତ ହୋଇଛି। ଆଉ ଏବେ ଏମିତି ଅଜବ ଘଟଣା ଘଟୁଛି ଯାହା ଏହି ଗୀତର ସତ୍ୟତାକୁ ପ୍ରମାଣିତ କରିଛି। ନିକଟରେ ଜଣେ ଯୁବକ ଫେସ୍‌ବୁକ୍‌ରେ ପ୍ରେମ ଜାଲରେ ପଡିବା ପରେ ପ୍ରେମିକାଙ୍କୁ ଭେଟିବାକୁ ପୁରୀ ଅସିଥିଲେ। କଳ୍ପନା କରିଥିଲେ ତାଙ୍କ ପ୍ରୀୟତମା ଜଣକ ଆଞ୍ଜେଲ ଭଳି ଅର୍ଥାତ୍ ପରୀ ଭଳି ସୁନ୍ଦରି ହୋଇଥିବେ, ହେଲେ ବାସ୍ତବତା ଦେଖି ସେ ହତବାକ୍‌ ହୋଇଗଲେ। ସତ କହିବାକୁ ଗଲେ ସେ ସେହି ତଥାକଥିତ ପ୍ରେମିକାଙ୍କ ଡୁପ୍ଲିକେଟ ଚିତ୍ର ଫେସ୍‌ବୁକ୍‌ରେ ଦେଖିଥିଲେ ବସ୍ତବତା ଦେଖି ସେ ବୋକା ହୋଇଯାଇଥିଲେ।

ପଶ୍ଚିମବଙ୍ଗ ବାଲିଗଂଜ କବଜା ଅଂଚଳର ଯୁବକ ଦେବବ୍ରତ ମଣ୍ଡଳ ଫେସବୁକ୍‌ରେ ଜଣେ ଯୁବତୀଙ୍କ ସୁନ୍ଦର ଫଟୋକୁ ଦେଖି ଫ୍ରେଣ୍ଡସିପ୍ ରଖିଲେ। ତା’ପରେ ଉଭୟଙ୍କ ମଧ୍ୟରେ ଆରମ୍ଭ ହେଲା ଚାଟିଂ। କେତେବେଳେ ଭଏସ୍ ମେସେଜ୍ ତ କେତେବେଳେ ଅଶ୍ଲୀଳ ଚିତ୍ର। ସେପଟୁ ଏଡିଟିଂ ହୋଇ ଦେବବ୍ରତଙ୍କ ପାଖକୁ ଆସୁଥାଏ ମନଲୋଭା ଫଟୋ। ଶେଷରେ ସେହି ଯୁବତୀଙ୍କୁ ଦେଖାକରିବାକୁ ପଶ୍ଚିମବଙ୍ଗରୁ ଚାଲିଆସିଥିଲେ ପୁରୀ। ଆଉ ସାମ୍ନାରେ ଯାହା ଦେଲେ ନିଜକୁ ବିଶ୍ୱାସ କରିପାରନଥିଲେ। କାରଣ ଫଟୋ ଆଉ ଅସଲି ଚେହେରାରେ ଆକାଶ ପାତାଳ ଫରକ୍ ଥିଲା।

ଏଭଳି ସାଇବର ଅପରାଧ ଏବେ ଗମ୍ଭୀର ହେବାରେ ଲାଗିଛି। ବିଧାନସଭାରେ ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ତଥ୍ୟ ରଖିଛନ୍ତି। ୨୦୧୫ ମସିହାରେ ସାଇବର ଅପରାଧୀଙ୍କ ସଂଖ୍ୟା ୩୫୬ ଏବଂ ଏବର୍ଷ ସେପ୍ଟେମ୍ବେର ୩୦ ସୁଦ୍ଧା ଏହା ୫୫୬ରେ ପହଞ୍ଚିଛି।  ତେବେ ଅନୁଧ୍ୟାନରୁ ଜଣାପଡ଼ିଛି ସଚେତନତାର ଅଭାବରୁ ଏଭଳି ସମସ୍ୟା ଉତ୍କଟ ହେବାରେ ଲାଗିଛି। ତେବେ ରାଜ୍ୟ ସୂଚନା ଓ ପ୍ରଯୁକ୍ତି ମନ୍ତ୍ରୀ କହିଛନ୍ତି, “ଯଦି ପ୍ରତି ଆକାଉଣ୍ଟକୁ ଆଧାର ଲିଙ୍କ୍ କରାଯିଅବ ତେବେ ଏଭଳି ସମସ୍ୟାକୁ ରୋକାଯାଇପାରିବ।”

ତେବେ ଆସନ୍ତୁ ଜାଣିବା, ଏଭଳି ସମସ୍ୟା ଠାରୁ ଆପଣ କେମିତି ନିରାପଦ ଦୂରତାରେ ରହିବେ।

୧- ଅଜଣା ବ୍ୟକ୍ତିଙ୍କୁ ନିଜର ଘର ଠିକଣା, ଇ-ମେଲ୍ ଆଡ୍ରେସ୍ କିମ୍ବା ମୋବାଇଲ ନମ୍ବର ଦିଅନ୍ତୁ ନାହିଁ।

୨- ସୋସିଆଲ୍ ସାଇଟ୍‌ରେ କିଛି ଭିଡିଓ ଅପଲୋଡ କରିବା ପୂର୍ବରୁ ଭଲରେ ଚିନ୍ତା କରନ୍ତୁ ।

୩- ଆପଣଙ୍କ ପାସଓ୍ୱାର୍ଡକୁ ସମ୍ପୂର୍ଣ୍ଣ ଗୋପନ ରଖନ୍ତୁ।

୪- ଅଚିହ୍ନା ବ୍ୟକ୍ତିଙ୍କ ସହ ସୋସିଆଲ୍ ସାଇଟ୍‌ରେ ବନ୍ଧୁତା ରଖନ୍ତୁ ନାହିଁ ।

୫- ଫେସ୍‌ବୁକ ଫ୍ରେଣ୍ଡସକୁ ସାକ୍ଷାତ କରିବା ପୂର୍ବରୁ ନିଜ ପରିବାର ଲୋକଙ୍କୁ ଅବଗତ କରାନ୍ତୁ।

Previous ArticleNext Article

Send this to a friend