ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): କାମାକ୍ଷା-ଯଶୋବନ୍ତପୁର ଏକ୍ସପ୍ରେସ୍‌ରେ ଜାଲ୍‌ ନୋଟ୍‌ ଚାଲାଣ ହେଉଥିଲା। ରାକେଟ୍‌ର ଚେର ବାଂଲାଦେଶରୁ ବେଙ୍ଗାଲୁରୁ ପର୍ଯ୍ୟନ୍ତ ଲମ୍ୱିଥିବା ଅନୁମାନ କରାଯାଉଛି। ରାଜସ୍ୱ ଗୋଇନ୍ଦା ନିର୍ଦ୍ଦେଶାଳୟର ଏକ ଟିମ୍‌ ଆଜି ଏହି ଘଟଣାର ପର୍ଦ୍ଦାଫାସ କରିଛି। ଏପରିକି ଟଙ୍କା ଚାଲାଣ କରୁଥିବା ଜଣେ ବାଂଲାଦେଶୀ ଯୁବକକୁ ଅଟକ ରଖି ପଚରାଉଚରା ଚଳାଇଛି।</p> <p>କିଛି ଦିନ ଧରି ଓଡ଼ିଶା ସମେତ ବିଭିନ୍ନ ରାଜ୍ୟରେ ଜାଲ୍‌ ନୋଟ୍‌ କାରବାର ଚାଲିଥିଲା। ପୋଲିସ ହେଉ ବା ରାଜସ୍ୱ ଗୋଇନ୍ଦା ନିର୍ଦ୍ଦେଶାଳୟ ମୁଖ୍ୟଅଭିଯୁକ୍ତଙ୍କୁ ଧରିବାରେ ସଫଳ ହେଉନଥିଲା। ମାତ୍ର ଛୋଟମୋଟ୍‌ ଚୋରଙ୍କୁ ଧରି ଘଟଣାରେ ଘାଣ୍ଟି ହେଉଥିଲା। ଆଜି ଏମିତି ରାକେଟ୍‌ରେ ପର୍ଦ୍ଦାଫାସ ହୋଇଛି। କାମାକ୍ଷା-ଯଶୋବନ୍ତପୁର ଏକ୍ସପ୍ରେସରେ ଜାଲ ନୋଟ୍‌ ଚାଲାଣ କରୁଥିବା ଜାଣିପାରି ରାଜସ୍ୱ ଗୋଇନ୍ଦା ନିର୍ଦ୍ଦେଶାଳୟର ଏକ ଟିମ୍‌ ଖୋର୍ଦ୍ଧା ଷ୍ଟେସନ୍‌ରେ ଟ୍ରେନ୍‌କୁ ଅଟକାଇ ଚଢ଼ାଉ କରି ୧୫୦ରୁ ଅଧିକ ୨୦୦୦ ଟଙ୍କିଆ ଜାଲ୍‌ ନୋଟ୍‌ ଜବତ କରିଥିଲା। ଯାହାର ଆନୁମାନିକ ମୂଲ୍ୟ ସାଢ଼େ ୩ ଟଙ୍କା ହେବ। ଏହି ଘଟଣାରେ ଜଣେ ବାଂଲାଦେଶୀ ଯୁବକକୁ ଅଟକ ରଖି କେତେ ଦିନ ଧରି ଜାଲ୍‌ ନୋଟ୍‌ କାରବାର ହେଉଥିଲା ଓ ଏଥିରେ ଆଉ କିଏ ସମ୍ପୃକ୍ତ ଅଛନ୍ତି ତାହା ଉପରେ ପଚରାଉଚରା କରୁଥିବା ଜଣାପଡ଼ିଛି।</p> <p>ସୂଚନାରୁ ପ୍ରକାଶ, ଗତ କିଛି ଦିନ ଧରି ବାରିପଦା, ବାଲେଶ୍ୱର, ଭଦ୍ରକ ଓ ସମ୍ୱଲପୁରରେ ଜାଲ୍‌ ନୋଟ୍‌ କାରବାର ହେଉଥିବା ଅଭିଯୋଗ ହୋଇଥିଲା। ପୋଲିସ ସେହି ଅଞ୍ଚଳରେ ଚଢ଼ାଉ କରି ଅଭିଯୁକ୍ତଙ୍କୁ ଗିରଫ କରିବା ସହିତ ଜାଲ୍‌ ନୋଟ୍‌ ଜବତ କରିଥିଲା। ମାତ୍ର ମୁଖ୍ୟ ଅଭିଯୁକ୍ତଙ୍କ ପାଖରେ ପହଞ୍ଚିପାରୁ ନଥିଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
