ଜାତୀୟ ସ୍ତରରେ ପୁରସ୍କୃତ ହେଲେ କବି ଓ ସଂଗଠକ ଡକ୍ଟର ମିହିର ସାହୁ

mihiiirooa

ଓଡ଼ିଶାର ଜଣାଶୁଣା ସାହିତ୍ୟିକ ତଥା କେନ୍ଦ୍ର ସାହିତ୍ୟ ଏକାଡେମୀର ବରିଷ୍ଠ ପୋଗ୍ରାମ୍ ଅଫିସର ଡକ୍ଟର ମିହିର ସାହୁଙ୍କୁ ଜାତୀୟ ସ୍ତରରେ ସମ୍ମାନୀତ କରାଯାଇଛି। ଆସାମର ବିଶିଷ୍ଟ ସଙ୍ଗୀତଜ୍ଞ ଡକ୍ଟର ଭୂପେନ ହଜାରିକାଙ୍କ ୯୧ତମ ଜନ୍ମ ଉତ୍ସବରେ ଡକ୍ଟର ସାହୁଙ୍କୁ ସମ୍ବର୍ଦ୍ଧିତ କରାଯିବା ସହିତ ସ୍ମୃତିଫଳକ ପ୍ରଦାନ କରାଯାଇଛି । କୋଲକାତାଠାରେ ଚଳିତ ମାସ ୮ ଓ ୯ ତାରିଖ ଦୁଇଦିନ ଧରି ଅନୁଷ୍ଠିତ ହୋଇଥିଲା ୯୧ତମ ଡକ୍ଟର ହଜାରିକାଙ୍କ ଜନ୍ମ ମହୋତ୍ସବ। ସାହିତ୍ୟ ଓ ସାହିତ୍ୟ ସଙ୍ଗଠନକୁ ଦୀର୍ଘ ବର୍ଷର ଅବଦାନ ପାଇଁ ଏଠାରେ ଡକ୍ଟର ମିହିର ସାହୁଙ୍କୁ ପୁରସ୍କୃତ କରାଯାଇଛି।

ଉଲ୍ଲେଖଯୋଗ୍ୟ ଯେ, ସାହିତ୍ୟ ଏକାଡେମୀର ଓଡ଼ିଆ ଅଧିକାରୀ ଡକ୍ଟର ମିହିର କୁମାର ସାହୁ, ଯିଏକି ଏକାଧାରରେ ଜଣେ ଲେଖକ, ସଙ୍ଗଠକ, ସଞ୍ଚାଳକ ଓ ବୃତ୍ତି ସୂତ୍ରରେ କୋଲକାତାରେ ରହୁଥିଲେ ସୁଦ୍ଧା ଜନ୍ମସ୍ଥାନ ଖୋର୍ଦ୍ଧା ଗୁରୁଜଙ୍ଗା ସହ ଓତଃପ୍ରୋତ ଭାବେ ଜଡ଼ିତ। ଓଡ଼ିଆ କବି, ସାହିତ୍ୟିକଙ୍କ ଜୀବନାଦର୍ଶ ପ୍ରତି ସେ ଛାତ୍ରାବସ୍ଥାରୁ ଆକର୍ଷିତ ହୋଇଥିବା ବେଳେ କବି ଗୁରୁ ରବୀନ୍ଦ୍ର ନାଥଙ୍କ ସାଧନା ଓ ସୃଷ୍ଟି ପ୍ରତି ବହୁଳ ଭାବେ ଅନୁପ୍ରାଣିତ ହୋଇଛନ୍ତି । ବିଶ୍ୱଭାରତୀ ଶାନ୍ତିନିକେତନ ତାଙ୍କ ଜୀବନର ଲକ୍ଷ୍ୟ ପଥକକୁ ଆହୁରି ପ୍ରସାରିତ କରିଛି ବୋଲି ଡକ୍ଟର ମିହିର ସାହୁ କୁହନ୍ତି। ବିଶ୍ୱଭାରତୀରେ ପିଏଚଡି କରିବା ସହ ପୋଷ୍ଟ ଡକ୍ଟରାଲ ରିସର୍ଚ ମଧ୍ୟ ସେ କରିଛନ୍ତି। ପରେ ଅଧ୍ୟାପନା ଓ ସାମ୍ବାଦିକତା ଭଳି କେତକେ ବୃତ୍ତିରେ  ରହିବା ସହିତ ୨୦୦୦ ମସିହାରୁ କେନ୍ଦ୍ର ସାହିତ୍ୟ ଏକାଡେମୀର ପ୍ରୋଗ୍ରାମିଂ ଅଫିସର ଭାବେ କାର୍ଯ୍ୟରତ। ଏହାସହିତ ବିଭିନ୍ନ ସାମାଜିକ, ସାଂସ୍କୃତିକ ଓ ଧର୍ମୀୟ କର୍ମକାଣ୍ଡରେ ସେ ଦୃଷ୍ଟାନ୍ତ ସୃଷ୍ଟିକାରୀ ଭୂମିକା ପାଳନ କରିଛନ୍ତି। ତାଙ୍କ ସହ ଏକ ସଂକ୍ଷିପ୍ତ ସାକ୍ଷାତକାର।

ପ୍ରଶ୍ନ: ଓଡ଼ିଆ ଭାବେ ଓଡ଼ିଆ ସାହିତ୍ୟ ପାଇଁ ଆପଣଙ୍କର ଅବଦାନ କଣ ?

ଡକ୍ଟର ସାହୁ: ମୁଁ ସାହିତ୍ୟ ଏକାଡେମୀର ଅଧିକାରୀ ଭାବେ କାର୍ଯ୍ୟ କରୁଛି। ଜଣେ ଓଡ଼ିଆ ଭାବେ ସବୁବେଳେ ଓଡ଼ିଆ ସାହିତ୍ୟକୁ ପ୍ରାଧାନ୍ୟ ଦେଇଛି। ସାହିତ୍ୟ ଏକାଡେମୀର ଯେଉଁ ୨୪ଟି ଭାଷାର ପରାମର୍ଶଦାତା କମିଟି ରହିଛି ସେଥିରେ ଓଡ଼ିଆ ଭାଷା ବି ରହିଛି। ତେଣୁ ଓଡ଼ିଆ ଭାଷା ପାଇଁ ଯେଉଁ ପରାମର୍ଶ ଦିଆଯାଏ ତାହା କାର୍ଯ୍ୟକାରୀ କରାଯାଇଥାଏ। ମୁଁ ସାହିତ୍ୟ ଏକାଡେମୀର ଯୋଗ ଦେବା ପରେ ଓଡ଼ିଆ ପୁସ୍ତକ ପ୍ରକାଶନରେ ଉଲ୍ଲେଖନୀୟ ପଦକ୍ଷେପ ଗ୍ରହଣ କରିଛି।

ପ୍ରଶ୍ନ: ଯୁବ ସାହିତ୍ୟିକଙ୍କ ରଚନାକୁ ନେଇ ଆପଣଙ୍କର ମତ କ’ଣ ?

ଡକ୍ଟର ସାହୁ: କେତେକ ଯୁବ ସାହିତ୍ୟିକ ରକ୍ଷଣଶୀଳ ଓ ଜୀବନଧର୍ମୀ ସାହିତ୍ୟ ସୃଷ୍ଟି କରୁଛନ୍ତି।  କିନ୍ତୁ ଏଥିରେ କିଛି ବ୍ୟତିକ୍ରମ ମଧ୍ୟ ଦେଖାଯାଉଛି। ଆଉ ଟିକେ ଅନୁପ୍ରେରଣା ପାଇଲେ ଆହୁରି ଭଲ ଯୁବ ସାହିତ୍ୟିକ ସୃଷ୍ଟି ହୋଇ ପାରିବେ।

ପ୍ରଶ୍ନ: ଓଡ଼ିଆ ସାହିତ୍ୟ ଓ ଅନ୍ୟ ଭାଷା ସାହିତ୍ୟ ମଧ୍ୟରେ କ’ଣ ପାର୍ଥକ୍ୟ ଦେଖୁଛନ୍ତି ?

ଡକ୍ଟର ସାହୁ: ଓଡ଼ିଆ ଓ ଭାଷା ଓ ସାହିତ୍ୟରେ ସାମ୍ପ୍ରତିକ ନିଚ୍ଛକ ଘଟଣା ରହିଛି। ଏଥିପାଇଁ ଦେଶରେ ଓଡ଼ିଆ ସାହିତ୍ୟର ଅନେକ ଗୁରୁତ୍ୱ ବି ରହିଛି। ଓଡ଼ିଆ କବିମାନେ ନିଜ ଅଞ୍ଚଳରେ ଘଟୁଥିବା ସମସ୍ତ ଛୋଟବଡ଼ ଘଟଣାକୁ ଆଖି ଆଗରେ ରଖି ସାହିତ୍ୟ ସୃଷ୍ଟି କରୁଛନ୍ତି। ଓଡ଼ିଆ ସାହିତ୍ୟରେ ନିଜ ମାଟିର ଗନ୍ଧ ରହୁଛି। ଖାଲି ଯେ ନିଜ ଅଞ୍ଚଳ କଥା ସାହିତ୍ୟରେ ସ୍ଥାନ ପାଉଛି ତାହା ନୁହଁ, ଦେଶ ବିଦେଶର ଘଟଣା ମଧ୍ୟ ଓଡ଼ିଆ ସାହିତ୍ୟରେ ସୁନ୍ଦର ଭାବେ ପ୍ରତିଫଳିତ ହେଉଛି।

ପ୍ରଶ୍ନ: ସାହିତ୍ୟ ଓ ସମାଜର କଣ ସମ୍ପର୍କ କିଛି ରହିବା ଜରୁରି କି ?

ଡକ୍ଟର ସାହୁ: ସାହିତ୍ୟ ଓ ସମାଜ ଦୁଇଟା ଯାକ ପରିପୂରକ। ସମାଜର ପ୍ରତିଛବି ସାହିତ୍ୟରେ ହିଁ ପ୍ରତିଫଳିତ ହୋଇଥାଏ। ତେଣୁ ସାହିତ୍ୟ ସମାଜ ପାଇଁ ଏକ ଦର୍ପଣ ସଦୃଶ୍ୟ । ମାନବୀୟ ମୂଲ୍ୟବୋଧକୁ ସାହିତ୍ୟରେ ଉଦ୍ଜୀବିତ କରିପାରିଲେ ସମାଜ ପାଇଁ ଏହା ଏକ ମାର୍ଗ ଦର୍ଶକ ହେବ।

Previous ArticleNext Article

Send this to a friend