କେଉଁ ପରିସ୍ଥିତିରେ ଆହତ ହେଲେ ଅନୁଭବ, ଜାଣନ୍ତୁ

ଭୁବନେଶ୍ୱର(ଓଡ଼ିଶା ରିପୋର୍ଟର): ଫିଲ୍ମ ସୁଟିଂ ବେଳେ ପଡ଼ିଯାଇ ଆହତ ହୋଇଛନ୍ତି ଓଲିଉଡ୍‌ର ସୁପରଷ୍ଟାର ଅନୁଭବ ମହାନ୍ତି। ତରଙ୍ଗ ସିନେ ପ୍ରଡକ୍‌ନ୍ସର ତିଆରି ହେଉଥିବା ଫିଲ୍ମ ‘ପ୍ରେମ କୁମାର’ର ସୁଟିଂ ବେଳେ ଏହି ଘଟଣା ଘଟିଛି। ତାଙ୍କୁ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି।  ତାଙ୍କ ପାଦରେ ଆଘାତ ଲାଗିଛି। ସୂଚନା ଅନୁଯାଈ ଆଜି କଟକର ମହାନଦୀ ବିହାରରେ ଏକ ଛାତ ଉପରେ ଏକ ଫାଇଟ୍‌ ସିନ୍ ସୁଟିଂ ହେଉଥିଲା। ଫାଇଟ୍‌ ମାଷ୍ଟର ଥିଲେ ରସିଦ୍‌ ମେହେତା। ଦୃଶ୍ୟଟି ଷ୍ଟଣ୍ଟ ଥିଲା।

ଅନୁଭବ ଉକ୍ତ ଛାତର ଶିଡ଼ି ଘର ୧୦ ଫୁଟ୍‌ ଉପରୁ ସେହି ଛାତକୁ ଡେଇଁଥିଲେ। ତେବେ ଛାତ ଉପରେ ସମସ୍ତ ପ୍ରକାର ସୁରକ୍ଷା ବ୍ୟବସ୍ଥା ଥିଲା। ହେଲେ ଡେଇଁବା ବେଳେ କୌଣସି କାରଣରୁ ଅନୁଭବଙ୍କ ଗୋଡ଼ ସାମାନ୍ୟ ମଚକି ଯାଇଥିଲା।  ତେବେ ଘଟଣା ପରେ ତାଙ୍କୁ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା।  ଏ ସମ୍ପର୍କରେ ନିଜେ ଅନୁଭବ ପ୍ରତିକ୍ରିୟା ରଖିଛନ୍ତି।

କହିଛନ୍ତି ଏହି ଖବର ଶୁଣି ସମସ୍ତେ ବ୍ୟସ୍ତ ହୋଇପଡ଼ିଥିବେ। ଷ୍ଟଣ୍ଟ ଦେବା ସମୟରେ ସାମାନ୍ୟ ଆଘାତ ହୋଇଛି। ଚିକିତ୍ସା ଚାଲିଛି। ଖୁବ ଶୀଘ୍ର ଭଲ ହୋଇଯିବି ବୋଲି ମୁଁ ଆଶା କରୁଛି।  ଆପଣମାନଙ୍କ ଭଲ ପାଇବା ଓ ଆଶୀର୍ବାଦ ଅଛି। ଖୁବ୍‌ ଶୀଘ୍ର ସୁଟିଂକୁ ଫେରୁଛି ବୋଲି ସେ କହିଛନ୍ତି। ସେ ସୁସ୍ଥ ଥିବା ନେଇ ପ୍ରଯୋଜନା ସଂସ୍ଥା ପକ୍ଷରୁ ସୂଚନା ଦିଆଯାଇଛି। ଅନୁଭବଙ୍କ ପାଖରେ ଫିଲ୍ମର ନିର୍ଦ୍ଦେଶକ ତାପସ ସରଘରିଆ ସହ ପୂରା ଟିମ୍‌ ଉପସ୍ଥିତ ରହିଛି।

Previous ArticleNext Article

Send this to a friend