ଗୋଷ୍ଠୀ ସଂଘର୍ଷରୁ ପଥର ମାଡ଼; ପୋଲିସ୍‌ ଗାଡ଼ି ଜାଳିଦେଲେ

nnmm

ରାଉରକେଲା: ସୁନ୍ଦରଗଡ଼ ଜିଲ୍ଲା କୁତ୍ରା ବ୍ଲକ ଖତକୁରବହଲରେ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଛି। ଏଥିରେ ୫ଜଣ ଆହତ ହୋଇଛନ୍ତି। ଉଭୟ ପକ୍ଷରୁ ୧୫ ଜଣଙ୍କୁ ଗିରଫ କରିଛି ପୋଲିସ୍।

ଗତକାଲି ରାତିରେ ଖତକୁରବହଲରେ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ଘଟିଥିଲା। ଉଭୟ ପକ୍ଷ ପରସ୍ପରକୁ ପଥର ମାଡ଼ ସହ ପୋଡ଼ାଜଳା କରିଥିଲେ। ସେଠାରେ ଥିବା ୩ଟି ଦୋକାନ ଘର ସହ ୬ଟି ବାଇକ୍ ଓ ଗୋଟିଏ କାର୍‌କୁ ମଧ୍ୟ ଜାଳି ଦେଇଥିଲେ। ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚିଥିଲା। ହେଲେ ଉତ୍ତ୍ୟକ୍ତ ଲୋକେ ପୋଲିସ ଗାଡ଼ିକୁ ମଧ୍ୟ ଜାଳି ଦେଇଥିବା ଅଭିଯୋଗ ହୋଇଛି। ପରିସ୍ଥିତି ନିୟନ୍ତ୍ରଣ ପାଇଁ  ଗାଁରେ ୪ ପ୍ଲାଟୁନ ପୋଲିସ୍ ମୁତୟନ କରାଯାଇଛି।

 

Previous ArticleNext Article

Send this to a friend