ଆଣ୍ଟି ପ୍ଲିଜ୍‌ ଚାବି ଦିଅ, ନ ହେଲେ ବାପା ବହୁତ ମାରିବେ…ଦେଖନ୍ତୁ ଭିଡିଓ

sambalpur-1

ବଲାଙ୍ଗିର,(ଓଡ଼ିଶା ରିପୋର୍ଟର):ଆଣ୍ଟି ଚାବି ଦେଇଦିଅ। ନାଇହେଲେ ବାପା ବହୁତ ମାରିବେ। ପ୍ଲିଜ୍‌ ଚାବି ଦେଇଦିଅ।  ଜଣେ ଛୋଟ ପିଲାର ଏହି ଦୁଇ ପଦ କଥା ଏବେ ବଲାଙ୍ଗିର ଜିଲ୍ଳାରେ ବେଶ୍ ଭାଇରାଲ ହେଉଛି । ତେବେ କ’ଣ ସେହି ଘଟଣାକ୍ରମ ଆସନ୍ତୁ ଜାଣିବା ପୂରା ଘଟଣା।  ଗତ ୮ ତାରିଖରୁ ବଲାଙ୍ଗିରରେ କଡାକଡି ହୋଇଛି ଟ୍ରାଫିକ ନିୟମ।   ଏମିତି ଏକ ସମୟରେ ଏକ ଭିଡିଓ ଭାଇରାଲ ହୋଇ ମୋବାଇଲରୁ ମୋବାଇଲକୁ ଘୁରି ବୁଲୁଛି।

ବଲାଙ୍ଗିର ଭାଗିରଥୀ ଛକର  ଗୋଟିଏ ବାଇକ୍‌ରେ ତିନି ଜଣ ନାବାଳକ ଆସୁଥିବା ସମୟରେ ଜଣେ ମହିଳା ଟ୍ରାଫିକ୍‌ କନଷ୍ଟେବଳ ଅଟକାଇଥିଲେ। ବେଆଇନ ଭାବେ ଗାଡ଼ି ଚଳେଇବା ଏବଂ ହେଲମେଟ ପିନ୍ଧି ନ ଥିବାରୁ ଟ୍ରାଫିକ୍‌ ପୋଲି ସମ୍ପୃକ୍ତ ପିଲାର ସ୍କୁଟି ଚାବିନେଇ ଯାଇଥିଲେ। ବୁଝାଉଥିଲେ କାହିଁକି ଏତେ କମ୍‌ ବୟସରୁ ବାଇକ୍‌ ଚଲାଉଛ। ତାହା ପୁଣି ବିନା ହେଲମେଟରେ ୩ ଜଣଙ୍କୁ ବସାଇ। ପରେ ବାଇକ୍‌ ଚାଳକ ନାବାଳକ ପିଲାଟି  ଚାବି ପାଇଁ ବହୁ କାକୁତି ମିନତି ହୋଇଥିଲେ।  ତେବେ  ମଜାଦାର ଲାଗୁଥିବା ଏହି ଭିଡିଓ ବେଶ୍ ଭାଇରାଲ ହୋଇଛି।  ତେବେ ଏଠାରେ ପ୍ରଶ୍ନ ଉଠୁଛି ଅଭିଭାବକମାନେ ୧୮ ବର୍ଷରୁ କମ୍‌ ଲାଇସେନ୍ସ  ନ ଥିବା ନାବାଳକମାନଙ୍କୁ  କାହିଁକି ବାଇକ ଚଲାଇବାକୁ ଦେଉଛନ୍ତି ? ସେପଟେ କେବଳ ଛୋଟ ଛୁଆ ନୁହେଁ ସମସ୍ତଙ୍କ ପାଇଁ ଟ୍ରାଫିକ ନିୟମକୁ କଡାକଡି କରିବା ପାଇଁ ଦାବି ହେଉଛି ।

ସୂଚନା ଅନୁଯାୟୀ, ଗତ ଜାନୁୟାରୀ ୧ ତାରିଖରେ ବଲାଙ୍ଗିର ପୋଲିସ ଶୋଭାଯାତ୍ରା କରି ହେଲମେଟ ପିନ୍ଧିବା ପାଇଁ ଲୋକଙ୍କୁ ସାତ ଦିନର ସମୟ ଦେଇଥିଲା।   ୮ ତାରିଖରୁ ସହରରେ କଡାକଡି ଭାବରେ ହେଲମେଟ ନିୟମ ଲାଗୁ ହୋଇଥିଲା।

Previous ArticleNext Article

Send this to a friend