ବାଲେଶ୍ୱରର ରିଅଲ୍ ପ୍ୟାଡ୍‌ମ୍ୟାନ ଜୟନ୍ତ କୁମାର: ନିଜସ୍ୱ ପ୍ରଚେଷ୍ଟାରେ କେମିତି ତିଆରି କରୁଛନ୍ତି ନାପକିନ୍ ଜାଣନ୍ତୁ

ବାଲେଶ୍ୱର(ରଣଜିତ ପାଳକ): ନିକଟରେ ବଲିଉଡରେ ରିଲିଜ ହୋଇଥିଲା ସୁପରହିଟ୍ ଫିଲ୍ମ ‘ପ୍ୟାଡ ମ୍ୟାନ୍’।  ସମାଜରେ ଅନ୍ଧ ବିଶ୍ୱାସ ଏବଂ ମହିଳାଙ୍କ ହକ୍‌ର ଲଢ଼େଇକୁ ଅତି ନିଖୁଣତାର ସହ ପରଦାରେ ଅଭିନୟ କରିଥିଲେ ଅଭିନେତା ଅକ୍ଷୟ କୁମାର। ସାନିଟାରି ପ୍ୟାଡ୍‌ର ବ୍ୟବହାରକୁ ନେଇ ଫିଲ୍ମରେ ଅକ୍ଷୟକୁ କଠିନ ପରିଶ୍ରମ କରିବାକୁ ପଡିଥିଲା। ସେହିପରି ଏବେ ସେହି ଅଭିଯାନକୁ ସଫଳ କରିବାରେ ଲାଗିପଡ଼ିଛନ୍ତି ଓଡିଶାର ପ୍ୟାଡମ୍ୟାନ ଜୟନ୍ତ କୁମାର ଦାସ।  ଆସନ୍ତୁ ଜାଣିବା ରିଲ୍ ନୁହଁ ବରଂ ରିଅଲ ଲାଇଫର ପ୍ୟାଡମ୍ୟାନ ସମ୍ପର୍କରେ।

ବାଲେଶ୍ୱର ପାତ୍ରପଡାରେ ରହୁଥିବା ଜୟନ୍ତ ଏବେ ମହିଳାଙ୍କୁ କମ୍ ଦାମରେ ସାନିଟାରି ନାପକିନ୍ ଯୋଗାଇବା ପାଇଁ ଅଣ୍ଟା ଭିଡିଛନ୍ତି।  ଗାଁରେ ଏକ ସ୍ତ୍ରୀ ସ୍ୱାଭିମାନ ସେଣ୍ଟର ଖୋଲି ମହିଳାଙ୍କୁ ସ୍ୱାବଲମ୍ୱୀ କରିବା ସହ ପ୍ରସ୍ତୁତ କରୁଛନ୍ତି କମ୍ ଦାମରେ ସାନିଟାରି ନାପକିନ୍। କେନ୍ଦ୍ର ସରକାରଙ୍କ କମନ୍ ସର୍ଭିସ ସେଣ୍ଟର ଅଧିନରେ ସେ ପାତ୍ରପଡାରେ ଖୋଲିଥିଲେ ଏହି ସେଣ୍ଟର। ଏଥିପାଇଁ ଖର୍ଚ୍ଚ କରିଥିଲେ ପ୍ରାୟ ୨ଲକ୍ଷ ୯୪ହଜାର ଟଙ୍କା।  ପରେ କିଛି ମହିଳାଙ୍କୁ ନିଯୁକ୍ତି ଦେଇ ପ୍ରସ୍ତୁତ କରିଥିଲେ ସାନିଟାରି ନାପକିନ୍।  ଏହାଦ୍ୱାରା ଜୟନ୍ତ ନିଜେ ରୋଜଗାରକ୍ଷମ ହେବା ସହ ମହିଳାଙ୍କୁ ମଧ୍ୟ ସ୍ୱାବଲମ୍ବୀ କରିପାରିଛନ୍ତି।  ଖାଲି ସେତିକି ନାହିଁ ଏହାର ବ୍ୟବହାର ନେଇ ମଧ୍ୟ ଜୟନ୍ତ ଗାଁଗାଁ ବୁଲି ଲୋକଙ୍କୁ ସଚେତନ କରୁଛନ୍ତି।  ଜୟନ୍ତଙ୍କ ଏଭଳି ପ୍ରୟାସ ପାଇଁ ପ୍ରଧାନମନ୍ତ୍ରୀଙ୍କ ସହ କେନ୍ଦ୍ର ଆଇନ ମନ୍ତ୍ରୀ ଟ୍ୱିଟ୍‌ ମାଧ୍ୟମରେ ଶୁଭେଚ୍ଛା ଜଣାଇଛନ୍ତି।

 

Previous ArticleNext Article

Send this to a friend