କୁନ୍ଦୁଲି କୋହ: କାଲି କ୍ଲିଅର, ଆଜି ଡାଉଟ୍…

kunduli

ଭୁବନେଶ୍ୱର/କୋରାପୁଟ୍‌: କୁନ୍ଦୁଲି ମାମଲାରେ ପୁଣି ଟୁଇଷ୍ଟ।  କାଲି କହିଥିଲେ ଦୁଷ୍କର୍ମ ହୋଇନି। କିନ୍ତୁ ଆଜି ନାବାଳିକା ଗଣଦୁଷ୍କର୍ମ ଅଭିଯୋଗ ମାମଲାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦେଇଛନ୍ତି ସରକାର।  ନାବାଳିକା ସହ ଦୁଷ୍କର୍ମ ହୋଇ ନ ଥିବା ଗତକାଲି ଏଚ୍‌ଆରପିସି ଏଡିଜି କହିଥିବା ବେଳେ ଆଜି ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦିଆଯିବାକୁ ନେଇ ପ୍ରଶ୍ନ ଉଠାଇଛନ୍ତି ବିରୋଧୀ ସତକୁ ଲୁଚାଇବା ଲାଗି ସରକାର ଉଦ୍ୟମ କରୁଛନ୍ତି  ବୋଲି ଅଭିଯୋଗ କରିଛି ବିଜେପି। ଅନ୍ୟପକ୍ଷରେ ବିଚାର ବିଭାଗୀୟ ତଦନ୍ତରୁ କିଛି ଫଳ ମିଳିବ ନାହିଁ ବୋଲି କଂଗ୍ରେସ କହିଛି। ଏହି ଘଟଣାର ବିଚାର ବିଭାଗୀୟ ତଦନ୍ତ ପାଇଁ  ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି। ଜଣେ ଜିଲ୍ଲା ଜଜ୍ ଘଟଣାର ଯାଞ୍ଚ କରିବେ।  କ୍ରାଇମବ୍ରାଞ୍ଚ ତଦନ୍ତ ସହିତ ସମାନ୍ତରାଳ ଭାବେ ବିଚାର ବିଭାଗୀୟ ତଦନ୍ତ ଚାଲିବ।

ତେବେ ନାବାଳିକାଙ୍କୁ ଦୁଷ୍କର୍ମ ହୋଇନାହିଁ ବୋଲି ଏଚ୍‌ଆରପିସି ଏଡିଜି କହିବାର ୨୪ ଘଣ୍ଟା ନପୁରୁଣୁ ସରକାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦେବାକୁ ନେଇ ଟାର୍ଗେଟ୍ କରିଛନ୍ତି ବିରୋଧୀ ।ଯଦି ଦୁଷ୍କର୍ମ ହୋଇ ନାହିଁ ତେବେ ବିଚାର ବିଭାଗୀୟ ତଦନ୍ତର କ’ଣ ଆବଶ୍ୟକତା ଅଛି ବୋଲି ପଚାରିଛି ବିଜେପି। ସରକାର ସତ୍ୟକୁ ଲୁଚାଇବାକୁ ଉଦ୍ୟମ କରୁଛନ୍ତି । ତେଣୁ ଘଟଣାର ସିବିଆଇ ତଦନ୍ତ କରାଯାଉ ବୋଲି ଦଳ ବରିଷ୍ଠ ନେତା ପ୍ରତାପ ଷଡଙ୍ଗୀ କହିଛନ୍ତି । ଅନ୍ୟପକ୍ଷରେ ବିଚାରବିଭାଗୀୟ ତଦନ୍ତରୁ କିଛି ଫଳ ମିଳିବ ନାହିଁ ବୋଲି କହିଛନ୍ତି ବିରୋଧୀ ଦଳ ମୁଖ୍ୟ ସଚେତକ ତାରା ପ୍ରସାଦ ବାହିନୀପତି।ଦରକାର ହେଲେ ପୀଡ଼ିତାକୁ ନେଇ କଂଗ୍ରେସ ବିଧାନସଭା ନେଇ ପ୍ରତିବାଦ କରିବ ବୋଲି ସେ ଚେତାବନୀ ଦେଇଛନ୍ତି।

ସେପଟେ ସର୍ଟ ଷ୍ଟେ ହୋମ୍‌ରେ  ଆଜି ପୀଡ଼ିତାଙ୍କୁ ଭେଟିଛନ୍ତି ତାଙ୍କ ପରିବାର ସଦସ୍ୟ। ପୀଡିତା ନିଜ ବାପା ଓ ଭାଇଙ୍କ ସହ କଥା ହେବାକୁ ଚାହୁଁଛନ୍ତି।  ତେବେ ଏଥିଲାଗି ତାଙ୍କୁ ଅନୁମତି ମିଳୁ ନ ଥିବା ତାଙ୍କ ମା’ ଅଭିଯୋଗ କରିଛନ୍ତି।  ଅନ୍ୟପକ୍ଷରେ ବିଚାର ବିଭାଗୀୟ ତଦନ୍ତ ହେଉ। କିନ୍ତୁ ପ୍ରକୃତ ସତ୍ୟ ପଦାକୁ ଆସିବା ଦରକାର ବୋଲି କହିଛନ୍ତି ପୀଡିତାଙ୍କ ଭାଇ।  ସେ ଅଭିଯୋଗ କରିଛନ୍ତି, ପୋଲିସ ଡାକ୍ତରଙ୍କୁ  ପଇସା ଦେଇ ମିଛ ରିପୋର୍ଟ ବାହାର କରିଛି।  ସେଥିଲାଗି ପୀଡିତାଙ୍କର ଅନ୍ୟ ସ୍ଥାନରେ ପୁଣି ଥିରେ ଡାକ୍ତରୀ ମାଇନା କରାଇବାକୁ ସେ ଦାବି କରିଛନ୍ତି । ତେବେ ଏ ନେଇ ପୋଲିସ୍‌ ପ୍ରତିକ୍ରିୟା ମିଳିପାରିନାହିଁ।

ଅନ୍ୟପକ୍ଷରେ ଏଚ୍‌ଆରପିସି ଏଡିଜି ଗତକାଲି ଦୁଷ୍କର୍ମ ଥିଓରୀଙ୍କୁ ଖଣ୍ଡନ କରିଥିବା ବେଳେ ସରକାର କେଉଁ ଆଧାରରେ ଆଜି ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦେଉଛନ୍ତି ପ୍ରଶ୍ନ ଉଠିଛି।  ନିଜ ପୋଲିସ୍ ଉପରେ ରାଜ୍ୟ ସରକାରଙ୍କ ଭରସା ନାହିଁ ନା ବିରୋଧୀଙ୍କୁ ଚୁପ୍ କରିବାକୁ ଏହା ଏକ ଷ୍ଟ୍ରାଟେଜୀ ନା ଆଦିବାସୀ ଅନୁକମ୍ପା ସାଉଁଟିବାକୁ ଏହା ଏକ ପ୍ରୟାସ। ତାକୁ ନେଇ ଚାଲିଛି ଚର୍ଚ୍ଚା।

 

Previous ArticleNext Article

Send this to a friend