ଆସନ୍ତା ୨୬ ପର୍ଯ୍ୟନ୍ତ ୨୨ ଜିଲ୍ଲା ପ୍ରତି ରହିଛି ବିପଦ: ଜାଣନ୍ତୁ କେଉଁଠି କ’ଣ ଘଟିବ

ଭୁବନେଶ୍ୱର,(ଓଡ଼ିଶା ରିପୋର୍ଟର): କାଳବୈଶାଖୀର ତାଣ୍ଡବରେ ବଜ୍ରପାତ ଯୋଗୁ ଗତ ଦୁଇଦିନରେ ରାଜ୍ୟର ବିଭିନ୍ନ ସ୍ଥାନରେ ୫ ଜଣଙ୍କ ମୃତ୍ୟୁ ଘଟିଲାଣି।  ମୃତକଙ୍କ ମଧ୍ୟରେ ୨ଜଣ ନାବାଳକ ଅଛନ୍ତି। ତେବେ ଭୁବନେଶ୍ୱର ପାଣିପାଗ ବିଭାଗର ସୂଚନା ଅନୁଯାୟୀ,  ଆସନ୍ତା ୨୬ ତାରିଖ ମଧ୍ୟରେ ୨୨ଟି ଜିଲ୍ଲା ପ୍ରତି ବିପଦ ରହିଛି।  ଏଥିସହ ରାଜ୍ୟରେ ଝଡତୋଫାନର ଆଶଙ୍କା ରହିଛି।  ଏନେଇ ପାଣିପାଗ ବିଭାଗ ପକ୍ଷରୁ ସତର୍କ ସୂଚନା ଜାରି କରାଯାଇଛି।

ବିଭିନ୍ନ ସ୍ଥାନରେ ପବନର ବେଗ ୫୦ରୁ ୭୦ କିଲୋମିଟର ବେଗରେ ରହିବ । ତେବେ ମୁଖ୍ୟତଃ ୨୨ଟି ଜିଲ୍ଲାଗୁଡ଼ିକରେ କାଳବୈଶାଖୀ, ବଜ୍ରପାତ ଏବଂ ପ୍ରବଳ ଘଡ଼ଘଡ଼ି ସହ ବର୍ଷା ହେବା ସମ୍ଭବାନା ରହିଛି।  ବିଶେଷ କରି ନୂଆପଡ଼ା, ନବରଙ୍ଗପୁର, ବରଗଡ଼, କଳାହାଣ୍ଡି, କୋରାପୁଟ, ମାଲକାନଗିରି ଏବଂ ରାୟଗଡ଼ା ଜିଲ୍ଲାରେ ୬୦ରୁ ୭୦ କିମି ବେଗରେ ବହିପାରେ ପବନ। ଏଥିସହ କନ୍ଧମାଳ, ବୌଦ୍ଧ, ସୋନପୁର, ବଲାଙ୍ଗିର, ଝାରସୁଗୁଡ଼ା, ସୁନ୍ଦରଗଡ଼, ରାୟଗଡ଼ା, ଦେବଗଡ଼, ଅନୁଗୁଳ, ଢେଙ୍କାନାଳ,କଟକ, ଖୋର୍ଦ୍ଧା, ପୁରୀ ଏବଂ ନୟାଗଡ଼ ଜିଲ୍ଲା ଗୁଡ଼ିକରେ  ଘଡ଼ଘଡ଼ି ସହ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି। ଅନ୍ୟପକ୍ଷରେ ପାଣିପାଗରେ ପରିବର୍ତ୍ତନ ହେଉଥିବାରୁ ପ୍ରବଳ ଗରମରୁ ଲୋକଙ୍କୁ ଆଶ୍ୱସ୍ତି ମିଳିଛି।

Previous ArticleNext Article

Send this to a friend