ପାପ ପ୍ରେମର ପୂର୍ଣ୍ଣଚ୍ଛେଦ ! ପାହିଗଲା କାଳିଆ ସାରଙ୍କ ମଧୁ ରାତି

kaliaimgae1

ନୟାଗଡ଼:(ଓଡ଼ିଶା ରିପୋର୍ଟର):ଫେଲ ମାରିଲା ରାଜନୈତିକ ସୁରକ୍ଷା। ପାପ ପ୍ରେମରେ ପଡ଼ିଲା ପୂର୍ଣ୍ଣଚ୍ଛେଦ ।  ପତ୍ନୀ ଥାଉ ଥାଉ ଛାତ୍ରୀଙ୍କ ସହ ପରକୀୟା ପ୍ରୀତିରେ ଲାଗିଲା ବ୍ରେକ୍‌। ଶେଷରେ ଗିରଫ ହେଲେ କାଳିଆ ସାର୍‌। ଯୌନ କେଳେଙ୍କାରୀରେ ସମ୍ପୃକ୍ତ ଥିବା କାଳିଆ ସାର୍‌ ଓରଫ ପିଇଟି ଶିକ୍ଷକ ସୂର୍ଯ୍ୟମଣି ପ୍ରଧାନଙ୍କୁ ପୋଲିସ ଗତକାଲି ଗିରଫ କରିଛି। ଦିନକୁ ଦିନ ନୟାଗଡ଼ କଲେଜର ପିଇଟି ଶିକ୍ଷକ ସୂଯର୍ୟମଣି ପ୍ରଧାନଙ୍କ ଅଡୁଆ  ବଢ଼ିବାରେ ଲାଗିଛି। ତାଙ୍କ ନାଁରେ ଥିବା ଏକ ହୋଟେଲରେ ମଧ୍ୟ ଚଢ଼ାଉ ହୋଇଛି । ଚଢ଼ାଉ  ବେଳେ ହୋଟେଲରୁ ବିପୁଳ ମଦ ଜବତ ହୋଇଛି । ଏହା ସହିତ କେତେକ ଜରୁରୀ  କାଗଜପତ୍ର ମଧ୍ୟ ମିଳିଛି ।  ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, ସୂର୍ଯ୍ୟମଣିଙ୍କ ହୋଟେଲର  ଲାଇସେନ୍ସ ଅବଧି ଶେଷ ହୋଇଛି।  ଅର୍ଥାତ ଲାଇସେନ୍ସ ନ ଥାଇ ଏହି ହୋଟେଲ  ଚାଲିଥିଲା  ଭାଇରାଲ ହୋଇଥିବା ଏକ ଅଡିଓ ସିଡି ଅନୁସାରେ କେତେକ ଛାତ୍ରୀଙ୍କ ସହିତ  ସୂଯର୍ୟମଣି  ପ୍ରଧାନଙ୍କ ଅନୈତିକ ସଂପର୍କ ଥିଲା

ଆହୁରି ପଢନ୍ତୁ: ଅଡିଓ ଟେପ୍‌ରେ କାଳିଆ ସାର୍‌ଙ୍କ ନଟି ଲଭ୍‌ ଷ୍ଟୋରୀ

ସୂଚନା ଅନୁଯାୟୀ, କାଳିଆ ସାର୍‌ ସ୍ଥାନୀୟ ଅଞ୍ଚଳର ବାସିନ୍ଦା ହେବା ଏବଂ ସ୍ଥାନୀୟ ବିଧାୟକଙ୍କ ସହ ଅତି ଘନିଷ୍ଟ ସମ୍ପର୍କ ଥିବାରୁ  କଲେଜରେ ତାଙ୍କର ଖୁବ୍‌ ଦବଦବା ଥିଲା। ଏହାର ଫାଇଦା ନେଇ ଛାତ୍ରୀମାନଙ୍କୁ ପରୀକ୍ଷାରେ ସହଯୋଗ କରିବା ଓ ପ୍ରାକ୍ଟିକାଲରେ ମାର୍କ ବଢାଇବାକୁ କହି ନିଜର ମନ୍ଦ ଉଦ୍ଦେଶ୍ୟ ଚରିତାର୍ଥ କରୁଥିବା ଅଭିଯୋଗ ହୋଇଥିଲା ଏହି ଅଭିଯୋଗକୁ କଂଗ୍ରେସ ଓ ବିଜେପି ଦୋହରାଇ ଥିଲେ। ଏହି ଅଡ଼ିଓ ଟେପ୍‌ଟି ସମ୍ପୃକ୍ତ ଅଭିଯୁକ୍ତଙ୍କ ସ୍ତ୍ରୀ ଓ  ପୀଡ଼ିତାଙ୍କ ବାନ୍ଧବୀଙ୍କ ମଧ୍ୟରେ କଥୋପକଥନ ରହିଥିବା ଚର୍ଚ୍ଚା ହୋଇଥିଲା।  ଯେଉଁଥିରେ ବାନ୍ଧବୀ ଜଣକ କାଳିଆ ସାରଙ୍କ କାଳାରନମାକୁ ପ୍ରକାଶ କରିଛନ୍ତି।

ଏତେବଡ଼  ଘଟଣା ଘଟିଥିଲେ ମଧ୍ୟ ପୋଲିସ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନ ଥିଲା। ଏନେଇ କଂଗ୍ରେସ ଓ ବିଜେପି ପକ୍ଷରୁ ପୃଥକ ପୃଥକ ଭାବେ ଏହି ଘଟଣାର ତିବ୍ର ନିନ୍ଦା କରାଯାଇ ଥିଲା। ସେହିପରି ନୟାଗଡ଼ କଲେଜ ପରିସରରେ ଛାତ୍ରଛାତ୍ରୀମାନେ ଏହି ଘଟଣାର ତୀବ୍ର ନିନ୍ଦା କରିବା ସହ ବିକ୍ଷୋଭ ଓ ଧାରଣା ଦେଇଥିଲେ। ଘଟଣାର ନିରପେକ୍ଷ ତଦନ୍ତ ସହ ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି କଲେଜ ଅଧ୍ୟକ୍ଷଙ୍କୁ ଏକ ଦାବିପତ୍ର ପ୍ରଦାନ କରାଯାଇଥିଲା। ଶେଷରେ ପୋଲିସ ସମ୍ପୃକ୍ତ ଅଭିଯୁକ୍ତଙ୍କୁ ଗତକାଲି ଗିରଫ କରିଛି। ଏହା ସହ ଭିଡିଓ ଦେଖନ୍ତୁ।

Previous ArticleNext Article

Send this to a friend