ପାଟଣାଗଡ: କେବିକେ ମୁଖ୍ୟ ପ୍ରଶାସକ ତାରା ଦତ୍ତ ଦୁଇଦିନିଆ ବଲାଙ୍ଗିର ଗସ୍ତରେ ଆସି ପାଟଣାଗଡ ଉପଖଣ୍ଡର ବିଭିନ୍ନ ଗାଁ ବୁଲି ଦେଖିଛନ୍ତି । ପଟଣାଗଡ-ବଲାଙ୍ଗିର ମୁଖ୍ୟରାସ୍ତା ଉପରେ ଥିବା ଧୁବଲପଡା ଗାଁରେ ବହୁମୁଖୀ ଗୋଷ୍ଠୀକେନ୍ଦ୍ର ବୁଲି ଦେଖିବା ସହ ବୁଣାକାରମାନଙ୍କ ସମସ୍ୟା ପଚାରି ବୁଝିଥିଲେ । ପାଟଣାଗଡ ବ୍ଲକ ଭଇଁଷା ଯାଇ ସେଠାରେ ତିଆରି କରାଯାଇଥିବା ନବ ନିର୍ମିତ ମଡେଲ ସ୍କୁଲ, ଉଲବା ଗାଁରେ ହିତାଧିକାରୀମାନଙ୍କୁ ଦିଆଯାଇଥିବା ଇନ୍ଦିରା ଆବାସ ଗୃହ, ସ୍ୱୟଂ ସହାୟକ ଗୋଷ୍ଠୀଙ୍କ କାମ ତଦାରଖ କରିଥିଲେ । ପରେ ପାଟଣାଗଡ ବ୍ଲକ ଡାଙ୍ଗବାହାଲ ପଞ୍ଚାୟତ ଅନ୍ତର୍ଗତ ଗଭରା ପ୍ରାଥମିକ ବିଦ୍ୟାଲୟକୁ ଯାଇ ନିମ୍ନମାନର ଏମଡିଏମ ପାଇଁ ଅଭିଭାବକମାନଙ୍କ ଦ୍ୱାରା ବନ୍ଦ କରାଯାଇଥିବା ସ୍କୁଲକୁ ଖୋଲିଥିଲେ । ସଚିବଙ୍କ ଗସ୍ତ ସମୟରେ ବଲାଙ୍ଗିର ଜିଲ୍ଲାପାଳ ଏମ. ମୁଥୁ କୁମାର, ପାଟଣାଗଡ ଉପଜିଲ୍ଲାପାଲ ଶରତ ଚନ୍ଦ୍ର ପଣ୍ଡା, ବିଡିଓ ଅମିୟ କୁମାର ସାହୁଙ୍କ ସମେତ ବହୁ ସରକାରୀ ଅଧିକାରୀ ଉପସ୍ଥିତ ଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।