କେନ୍ଦୁଝର-ଭୁବନେଶ୍ୱର ଫାଷ୍ଟ୍‌ ପାସେଞ୍ଜର ଟ୍ରେନ୍‌ରେ ନିଆଁ

train

କେନ୍ଦୁଝର (ଓଡ଼ିଶା ରିପୋର୍ଟର): କେନ୍ଦୁଝର ଚିଲିକିଦରା ଷ୍ଟେସନ୍ ନିକଟରେ କେନ୍ଦୁଝର-ଭୁବନେଶ୍ୱର ଫାଷ୍ଟ୍‌ ପାସେଞ୍ଜର ଟ୍ରେନ୍‌ରେ ଆଜି ନିଆଁ ଲାଗିଯାଇଥିଲା। ଲଗେଜ୍ ବଗିରେ ନିଆଁ ଲାଗିଥିବା ଜଣାପଡ଼ିବା ପରେ ବଗିଟିକୁ ତୁରନ୍ତ ଟ୍ରେନ୍‌ରୁ ଅଲଗା କରି ଦିଆଯାଇଥିଲା। କେନ୍ଦୁଝର, ଘଟଗାଁ ଓ  ହରିଚନ୍ଦନପୁରରୁ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇଥିଲେ। ସମସ୍ତ ଯାତ୍ରୀ ସୁରକ୍ଷିତ ଥିବା ପୂର୍ବତଟ ରେଳ ପକ୍ଷରୁ ସୂଚନା ଦିଆଯାଇଛି।

ନିଆଁ ଲାଗିଥିବା ପାର୍ସଲ ବଗିଟିକୁ ସିଆରପିଏଫ ପକ୍ଷରୁ ବୁକ୍‌ କରାଯାଇଥିବା ନେଇ ଇଷ୍ଟକୋଷ୍ଟ ରେଲୱେ ପକ୍ଷରୁ ସୂଚନା ଦିଆଯାଇଛି। ତେବେ ନିଆଁ ଲାଗିଥିବା ବଗିରେ କଣ ରହିଥିଲା ତାହା ସ୍ପଷ୍ଟ ହୋଇ ନାହିଁ।

କେନ୍ଦୁଝରରୁ ୬ଟା ୨୦ରୁ ଟ୍ରେନଟି ଛାଡିଥିଲା। ହେଲେ ଚିଲିକିଦରା ଷ୍ଟେସନରେ ଟ୍ରେନରେ ନିଆଁ ଲାଗିଥିଲା।

ଗତକାଲି  ମୁମ୍ବାଇର ଛତ୍ରପତି ଶିବାଜୀ ମହାରାଜା ଟର୍ମିନାଲ୍‌ ରେଲ୍‌ୱେ ୟାର୍ଡ୍‌ର ଥିବା ସୋଲାପୁର ଏକ୍ସପ୍ରେସ ଟ୍ରେନ୍‌ର ସ୍ପେୟାର କୋଚ୍‌ରେ ନିଆଁ ଲାଗିଯାଇଥିଲ। ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ କରିଥିଲେ। ଦୁର୍ଘଟଣା ପରେ ସଙ୍ଗେ ସଙ୍ଗେ ଷ୍ଟେସନରେ ରେଳ ସେବା ବନ୍ଦ କରି ଦିଆଯାଇଥିଲା। ଫଳରେ ଅନ୍ୟ ପ୍ଲାଟଫର୍ମରେ ଥିବା ଟ୍ରେନଗୁଡ଼ିକ ଷ୍ଟେସନ୍‌ରେ ଅଟକି ରହିଥିଲେ।

ପ୍ରଥମେ ସୋଲାପୁର ଏକ୍ସପ୍ରେସ ଟ୍ରେନ୍‌ର ସ୍ଲିପର କୋଚ୍‌ରେ ନିଆଁ ଲାଗିଯାଇଥିଲା। ପରେ ଟ୍ରେନ୍‌ର ଏୟାର କଣ୍ଡିସନ୍‌ କୋଚ୍‌କୁ ନିଆଁ ବ୍ୟାପିଥିଲା। ଏହାପରେ ଗୋଟିଏ ପରେ ଗୋଟିଏ ବଗିକୁ ନିଆଁ ବ୍ୟାପିଯାଇଥିଲା। ତୁରନ୍ତ ସୋଲାପୁର ଏକ୍ସପ୍ରେସର ଜଳିଯାଇଥିବା କୋଚକୁ ଟ୍ରେନ୍‌ରୁ ଅଲଗା କରାଯାଇଥିଲା।

ଏହାର କିଛି ଦିନ ପୂର୍ବରୁ ମଧ୍ୟପ୍ରଦେଶର ଗାୱାଲିୟର ଆନ୍ଧ୍ରପ୍ରଦେଶ ଏକ୍ସପ୍ରେସରେ ନିଆଁ ଲାଗିଯାଇଥିଲା।

 

Previous ArticleNext Article

Send this to a friend