ପକ୍ଷୀ ଗଣନା ଆରମ୍ଭ

88

ଖୋର୍ଦ୍ଧା (ଓଡ଼ିଶା ରିପୋର୍ଟର): ଚିଲିକାରେ ଚଳିତବର୍ଷର ପକ୍ଷୀ ଗଣନା ଆରମ୍ଭ ହୋଇଛି। ପକ୍ଷୀ ଗଣନାରେ ୨୧ଟି ଟିମ୍ ନିୟୋଜିତ ଅଛନ୍ତି। ପ୍ରତି ଟିମ୍‌ରେ ୫ ଗଣନାକାରୀ ଅଛନ୍ତି। ଚିଲିକାର ୫ଟି ରେଞ୍ଜରେ ପକ୍ଷୀ ଗଣନା ଚାଲିଛି। ଏହିସବୁ ରେଞ୍ଜ ହେଉଛି ଚିଲିକା, ବାଲୁଗାଁ, ସାତପଡ଼ା, ଟାଙ୍ଗୀ ଓ ରମ୍ଭା।

କଟକର ଆଠଗଡ଼ ଅଂଶୁପାରେ ବି ପକ୍ଷୀଗଣନା ଆରମ୍ଭ ହୋଇଛି। ଏଠାରେ ୩ଟି ଟିମ୍ ପକ୍ଷୀ ଗଣନା କାମରେ ନିୟୋଜିତ ହୋଇଛନ୍ତି।

ସେହିପରି ପୁରୀ ଡିଭିଜନର ୫ଟି ରେଞ୍ଜରେ ବି ପକ୍ଷୀଗଣନା ଚାଲିଛି। ଏଥିପାଇଁ ୨୫ଟି ଟିମ୍ ନିୟୋଜିତ ଅଛନ୍ତି। ବ୍ରହ୍ମଗିରି ରେଞ୍ଜରେ ବି ପକ୍ଷୀଗଣନା କରୁଛି ୩ଟି ଟିମ୍। ସକାଳ ୯ଟା ସୁଦ୍ଧା ୧୯ ପ୍ରଜାତିର ପକ୍ଷୀ ଥିବା ବନବିଭାଗ କହିଛି।

ଆସନ୍ତା ୯ ତାରିଖରେ ପକ୍ଷୀଗଣନା ରିପୋର୍ଟ ପ୍ରକାଶ ପାଇବ। ମୟୂରଭଞ୍ଜ ଜିଲ୍ଲା ଶିମିଳିପାଳକୁ ଲାଗିକରି ଥିବା ବାରିପଦା , ରାଇରଙ୍ଗପୁର ଓ କରଞ୍ଜିଆ ଆଦି ୩ଟି ଫରେଷ୍ଟ ଡିଭିଜନରେ ଥିବା ୧୦୦ରୁ ଊର୍ଦ୍ଧ୍ୱ ଆଦ୍ର ଭୂମିରେ ପକ୍ଷୀ ଗଣନା କରାଯାଉଛି। ଏହି ପକ୍ଷୀ ଗଣନା କାର୍ଯ୍ୟକ୍ରମରେ ବନ ବିଭାଗୀୟ ଅଧିକାରୀ, ବନପାଳ ଓ ଗବେଷକ ପ୍ରମୁଖ ନିୟୋଜିତ ହୋଇଛନ୍ତି।

 

Previous ArticleNext Article

Send this to a friend