ପଥର ଧସିବା ଘଟଣା:  ଉଦ୍ଧାର କାର୍ଯ୍ୟରେ ନିୟୋଜିତ ଏନ୍‌ଡିଆରଏଫ୍‌ ଟିମ୍‌ ହାତ ଟେକିଦେଲେ

koraput

ଜୟପୁର (ଟି. ଗୌରୀଶଙ୍କର): କୋରାପୁଟ ଜିଲ୍ଲା ତେଲେଙ୍ଗିରି ପ୍ରକଳ୍ପ ଅଞ୍ଚଳରେ ପଥର ଧସିବା ଘଟଣାରେ ଉଦ୍ଧାର କାର୍ଯ୍ୟରେ ନିୟୋଜିତ ଏନ୍‌ଡିଆରଏଫ୍‌ ଟିମ୍‌ ନିଜର ଅକ୍ଷମତା ପ୍ରକାଶ କରିଛନ୍ତି। ପରିସ୍ଥିତି ବିପଦଜନକ ଥିବାରୁ ମଣିଷ କିଛି କରିପାରିବନି ବୋଲି  ଏନ୍‌ଡିଆରଏଫ୍‌ ପକ୍ଷରୁ କୁହାଯାଇଛି। ଅତ୍ୟାଧୁନିକ ଯନ୍ତ୍ରପାତି ନହେଲେ ଉଦ୍ଧାର କାର୍ଯ୍ୟ ସମ୍ଭବ ନୁହେଁ, ତେଣୁ ଅତ୍ୟାଧୁନିକ ଯନ୍ତ୍ରପାତି ଲାଗି ପ୍ରଶାସନର ସହଯୋଗ ଦରକାର ବୋଲି ଉଦ୍ଧାରରକାରୀ ଦଳ କହିଛନ୍ତି।

ଗତକାଲି ପଥର ଖସିବା ପରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା। ରାତିରେ କାମ ବନ୍ଦ ରହିଥିବା ବେଳେ ଆଜି ସକାଳୁ ପୁଣି ଆରମ୍ଭ  ହୋଇଥିଲା। ଜିଲ୍ଲାପାଳ ଏବଂ ଅନ୍ୟ ପ୍ରଶାସନିକ ଅଧିକାରୀଙ୍କ ଉପସ୍ଥିତିରେ ଉଦ୍ଧାର କାର୍ଯ୍ୟ ଚାଲିଛି। ପଥର ଉଠାଇବା ପାଇଁ ଏନ୍‌ଏନ୍‌ଡିସି କମ୍ପାନୀ ତରଫରୁ ଏକ ବଡ କ୍ରେନ୍ ମଧ୍ୟ କାର୍ଯ୍ୟରେ ଲଗାଯାଇଥିଲା। ତେବେ ବିଶାଳକାୟ ପଥର ଗୁଡ଼ିକୁ ହଟାଯିବା ସମ୍ଭବ ହୋଇପାରୁନାହିଁ।

ଅନ୍ୟପକ୍ଷରେ ୪୦ରୁ ୫୦ ଟନ୍ ଓଜନ ବିଶିଷ୍ଟ ପଥର ଖଣ୍ଡର ଗଦା ଭିତରେ ଦୁଇ ଜେସିବି ଅପରେଟର୍ ଦେବଗଡ଼ର ଘନଶ୍ୟାମ ଗୁରୁ ଓ ଆଠଗଡ଼ର ସଞ୍ଜୟ ଦାସ ଫସି ରହିଛନ୍ତି। ଉଦ୍ଧାର କାର୍ଯ୍ୟ ଠିକ୍‌ରେ ହୋଇପାରୁ ନଥିବାରୁ ଏମାନଙ୍କ ଜୀବିତ ଥିବା ନେଇ ଆଶଙ୍କା ପ୍ରକାଶ ପାଇଛି।

Previous ArticleNext Article

Send this to a friend