ପ୍ରବାସୀ ଭାରତୀୟଙ୍କଠାରୁ ଲୁଟ୍‌ ପଛରେ ଲେଡି ଲୁଟେରା

lady

ଭୁବନେଶ୍ୱର (ଓଡ଼ିଶା ରିପୋର୍ଟର): ଭୁବନେଶ୍ୱର ବିମାନ ବନ୍ଦରରେ ଘାନାରୁ ଆସିଥିବା ପ୍ରବାସୀ ଭାରତୀୟ ନିରଜ ଚନ୍ଦନଙ୍କ ଠାରୁ ଲୁଟ୍‌ ଘଟଣା ପଛରେ ରହିଛି ଲେଡି ଲୁଟେରାଙ୍କ ହାତ। ସିସିଟିଭି ଫୁଟେଜ ଯାଞ୍ଚ ବେଳେ ଲେଡି ଲୁଟେରାର ଭୂମିକା ସନ୍ଦେହ ଘେରରେ ରହିଥିବା ଜଣାପଡିଛି। ନିରଜଙ୍କ ଅନ୍ୟ ମନସ୍କତାର ସୁଯୋଗ ନେଇ ଲେଡି ଲୁଟେରା ହ୍ୟାଣ୍ଡ ବ୍ୟାଗ ଲୁଟ୍‌ କରିଥିବା ଖୋଳତାଡ଼ରୁ ଜଣାପଡିଛି।

ଲୁଟ୍‌ ପୂର୍ବରୁ ଜଣେ ଯୁବକଙ୍କ ସହ ଏୟାରପୋର୍ଟର ପ୍ରସ୍ଥାନ ଗେଟ୍‌ରେ ସେ ସନ୍ଦେହଜନକ ଭାବେ ବୁଲୁଥିଲେ। ନିରଜ ବାହାରିବା ପରେ ଲେଡି ଲୁଟେରା ବ୍ୟାଗ ଲୁଟ୍‌ କରିଥିଲେ। ତେବେ ଲୁଟ୍‌ ପରେ ମହିଳାଙ୍କ ପାଇଁ ଚାଲୁଥିବା ପିଙ୍କ ଅଟୋରେ ସେ ପଳାଇଥିବା ସିସିଟିଭି ଫୁଟେଜରୁ ଜଣାପଡିଛି। ପୋଲିସ ଏୟାରପୋର୍ଟ ଅଞ୍ଚଳରେ ଅପରେଟ କରୁଥିବା ଅଟୋ ଚାଳକଙ୍କୁ ଡାକି ପଚରାଉଚରା କରିଥିବାବେଳେ, ସେହିଦିନ ଉକ୍ତ ଲେଡି ଲୁଟେରାଙ୍କୁ କିଏ ଅଟୋରେ ନେଇଥିଲା ତା’ର ଖୋଲତାଡ ଜାରି ରଖିଛି। ଅଟୋ ଚାଳକଙ୍କୁ ଠାବ କରିବା ସହ ତା’ଠାରୁ ସୂଚନା ମିଲିଲେ ପୋଲିସ ଲେଡି ଲୁଟେରାଙ୍କ ପାଖରେ ପହଞ୍ଚିପାରିବ ବୋଲି ଆଶା ରଖିଛି।

ଗତ ୨ତାରିଖରେ ନିରଜ ପରିବାର ସହ ପୁରୀ ବୁଲିବାକୁ ଆସିଥିବାବେଳେ ଭୁବନେଶ୍ୱର ଏୟାରପୋର୍ଟରେ ତାଙ୍କ ଜିନିଷ ପତ୍ର ଲୁଟ୍‌ ହୋଇଥିଲା।

Previous ArticleNext Article

Send this to a friend