ପିଲା ଚୋର ସନ୍ଦେହ: ବାନ୍ଧିଲେ, ପିଟିଲେ

<p>ସୋର (ଶଶୀକାନ୍ତ ବେହେରା): ପିଲା ଚୋରି। ରାୟଗଡ଼ା ଜିଲ୍ଲାରେ ଲାଗିଥିବା ଏହି ଭୁତ ଏବେ ବାଲେଶ୍ୱର ଜିଲ୍ଲାବାସୀଙ୍କୁ ଘାରିଛି। କିଛି ପ୍ରମାଣ ନଥାଇ ପିଲା ଚୋର ସନ୍ଦେହରେ ସୋର ଓ ଖଇରା ଥାନା ଅଞ୍ଚଳରେ ଜଣେ ଯୁବକ ଏବଂ ଜଣେ ମହିଳାଙ୍କୁ ସ୍ଥାନୀୟ ଲୋକେ ବାନ୍ଧି ବିଚ୍&zwnj; ରାସ୍ତାରେ ମାଡ଼ ମାରିଛନ୍ତି। ଏପରି ବେଆଇନ୍&zwnj; କାର୍ଯ୍ୟକୁ ସାଧାରଣ ଲୋକେ ବିରୋଧ କରିବା ପରିବର୍ତ୍ତେ ଦେଖଣାହାରୀ ସାଜି ଥିଲେ। ଏହି ସମୟରେ କିଛି ଲୋକ ମୋବାଇଲେ ଭିଡ଼ିଓ ସୁଟିଂ କରୁଥିବା ଦେଖିବାକୁ ମିଳିଛି। ଏ ସମ୍ପର୍କରେ ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଦୁଇ ଯୁବକଙ୍କୁ ଉଦ୍ଧାର କରିଛି। ମାତ୍ର କେହି ଅଭିଯୋଗ କରି ନଥିବାରୁ ପୋଲିସ ମାମଲା ରୁଜୁ କରିନି।</p><p>ପୂରା ଘଟଣା ଏମିତି। ଲାଲ୍&zwnj; ସାଢ଼ି ପାନ୍ଧିଥିବା ଜଣେ ମହିଳା କାଖରେ ଲୁଗ ଗଣ୍ଠିଲି ଜାକି ରାସ୍ତାରେ ଯାଉଥିଲା। ସୋର-ଅନନ୍ତପୁର ରାସ୍ତାର ବାଳଙ୍ଗ ଛକରେ କିଛି ଯୁବକ ତାଙ୍କୁ ଅଟକାଇ ଗଣ୍ଠିଲିରେ କ&rsquo;ଣ ଅଛି ବୋଲି ପଚାରିଥିଲେ। ମାତ୍ର ସେ କିଛି କହି ନଥିଲେ। ପରେ ଯୁବକମାନେ ଉତ୍&zwnj;କ୍ଷିପ୍ତ ହୋଇ ବିଚ୍&zwnj; ରାସ୍ତାରେ ମହିଳାଙ୍କୁ ଚାପୁଡ଼ ଓ ବିଧା ମାରିଥିଲେ। ମହିଳା ଜଣକ ଚିତ୍କାର କରୁଥିଲେ ମଧ୍ୟ କେହି ଜଣେ ହେଲେ ପ୍ରତିବାଦ କରିନଥିଲେ। ବରଂ ମାଡ଼କୁ ଉପଭୋଗ କରୁଥିଲେ। ଆଉ କିଛି ଯୁବକ ମାଡ଼ର ଦୃଶ୍ୟକୁ ନିଜ ମୋବାଇଲରେ ସୁଟିଂ କରୁଥିଲେ। ଶେଷରେ ମହିଳାଙ୍କ ଗଣ୍ଠିଲି ଖୋଲିଥିଲା। ସେଥିରେ ଆମ୍ୱ ଓ କିଛି ଶାଗ ଖିବା ଦେଖିବାକୁ ମିଳିଥିଲା। ତେବେ ଏଠି ପ୍ରଶ୍ନ ଉଠୁଛି ବିନା ଦୋଷରେ ଜଣେ ମହିଳାଙ୍କୁ ମାଡ଼ ମାରିବା କେତେଦୂର ଯୁକ୍ତି ଯୁକ୍ତ। ମାଡ଼ ମାରିଥିବା ଯୁବକଙ୍କ ବିରୋଧରେ କ&rsquo;ଣ କାର୍ଯ୍ୟାନୁଷ୍ଠାନ ଦରକାର ନାହିଁ? ତେବେ ଏ ସମ୍ପର୍କରେ ଖବର ପାଇ ସୋର ପୋଲିସ ଘଟଣାସ୍ଥଳରେ ପହଞ୍ଚି ମହିଳାଙ୍କୁ ଉଦ୍ଧାର କରିଛି।</p><p>ସେହିପରି ଆଉ ଏକ ଘଟଣା ଖଇରା ଥାନା ତୁରିଗଡ଼ିଆ ପଞ୍ଚାୟତ ଜହ୍ନିଆପାଳ ଗାଁରେ ଘଟିଛି। ଯାଜପୁର ଜିଲ୍ଲା ଅଞ୍ଚଳର ଜଣେ ଯୁବକ ଭିକ ମାଗିବା ପାଇଁ ଏହି ଗାଁକୁ ଆସିଥିଲେ। ମାତ୍ର ଗାଁ ଲୋକେ ପିଲା ଚୋର ବୋଲି ସନ୍ଦେହ କରି ଉକ୍ତ ଯୁବକଙ୍କୁ ମାଡ଼ ମାରିଥିଲେ। ଏପରିକି ଗାଁ ବୁଲାଇ ଏକ ବିଦ୍ୟୁତ ଖୁଣ୍ଟରେ ବାନ୍ଧି ପକାଇଥିଲେ। ଏ ସମ୍ପର୍କରେ ଖଇରା ପୋଲିସ ଖବର ପାଇ ଗାଁରେ ପହଞ୍ଚି ତାଙ୍କୁ ଉଦ୍ଧାର କରି ଘଟଣାର ତଦନ୍ତ ଆରମ୍ଭ କରିଛି।</p><p>ଗତ କିଛି ଦିନ ଧରି ପିଲା ଚୋରି ନାଁରେ ସୋସିଆଲ୍&zwnj; ମିଡ଼ିଆରେ ଅପପ୍ରଚାର କରାଯାଉଛି। ଯାହାଫଳରେ ରାୟଗଡ଼ା ଜିଲ୍ଲାରେ ଘଟିଥିଲା ଅବମାନବୀୟ ଘଟଣା। କିଛି ଯୁବକଙ୍କୁ ଅଟକାଇ ମାଡ଼ ମାରାଯାଇଥିଲା। ଏହି ଘଟଣାରେ ରାୟଗଡ଼ା ଏସ୍&zwnj;ପି ସ୍ପଷ୍ଟୀକରଣ ଦେବା ସତ୍ତ୍ୱେ ସାଧାରଣ ଲୋକଙ୍କ ମନରେ ଏହି ଭୁତ ଉତୁରୁନି। ଯାହା ଉପରେ ସନ୍ଦେହ ହେଲା ତାକୁ ଅଟକାଇ ମାଡ଼ ମାରାଯାଉଛି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।