ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): କୋଟି ଓଡ଼ିଆଙ୍କ ଆରାଧ୍ୟ ଦେବତା ହେଉଛନ୍ତି ମହାପ୍ରଭୁ ଶ୍ରୀ ଜଗନ୍ନାଥ। ତାଙ୍କୁ ଦର୍ଶନ କରିବା ପାଇଁ ସୁଦୂର ଘାନାରୁ ସପରିବାର ଆସିଥିଲେ ପ୍ରବାସୀ ଭାରତୀୟ ନୀରଜ ଚନ୍ଦନ। ହେଲେ ଭୁବନେଶ୍ୱରରେ ବାଟ ବଣା ହୋଇଗଲେ। ଚୋରି ହୋଇଗଲା ବ୍ୟାଗ। ପ୍ରଭୁଙ୍କୁ ଦର୍ଶନ କରିବା ପରିବର୍ତ୍ତେ ପାସ୍‌ପୋର୍ଟ ପାଇବା ପାଇଁ କମିଶନରେଟ୍‌ ପୋଲିସ ପାଖକୁ ଦୌଡ଼ି ଦୌଡ଼ି ନୟାନ୍ତ ହେଲେଣି। ହେଲେ ଆଜି ପର୍ଯ୍ୟନ୍ତ ମିଳିନି ପାସ୍‌ପୋର୍ଟ। ଯାହାଫଳରେ ଘାନା ଫେରିବା ତାଙ୍କ ପକ୍ଷେ ସମ୍ଭବ ପର ହେଉନାହିଁ। ଆଜି ସବୁଆଡ଼ୁ ନିରାଶ ହୋଇ ଜଗତର ନାଥ ଜଗନ୍ନାଥଙ୍କୁ ଗୁହାରି କରି ପାସ୍‌ପୋର୍ଟ ଫେରିପାଇବା ପାଇଁ ଭରତ ସରକାରଙ୍କ ବୈଦେଶିକ ବ୍ୟାପାର ମନ୍ତ୍ରୀ ସୁଷମା ସ୍ୱରାଜ, ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ଡିଜିପି ରାଜେନ୍ଦ୍ର ପ୍ରସାଦ ଶର୍ମାଙ୍କୁ ଟ୍ୱିଟ୍‌ କରିଛନ୍ତି ନୀରଜ। ଆଉ ସେ ନିବେଦନ କରିଛନ୍ତି, ଚୋରି ହୋଇଥିବା ମୋବାଇଲ ଓ ଟଙ୍କା ମୋର ଦରକାର ନାହିଁ। ମାତ୍ର ମୋର ପାସ୍‌ପୋର୍ଟ ଖୋଜିବାରେ ସହଯୋଗ କରନ୍ତୁ।</p> <p><a href="">(image) </a>ଘାନାରେ ଦୀର୍ଘ ୧୨ ବର୍ଷ ଧରି ବାସ କରି ଆସୁଛନ୍ତି ନୀରଜ ଚନ୍ଦନ ଓ ତାଙ୍କ ପରିବାର। ଗତ ୨ ତାରିଖରେ ସେମାନେ ଭୁବନେଶ୍ୱର ଏୟାରପୋର୍ଟରେ ପହଞ୍ଚିଥିଲେ। ଫ୍ଲାଇଟ୍‌ରୁ ଓହ୍ଲାଇ ବାହାରେ ଠିଆ ହୋଇଥିଲେ। ଏହି ସମୟରେ ତାଙ୍କ ଅନମନସ୍କତାର ସୁଯୋଗ ନେଇ ତାଙ୍କ ପତ୍ନୀଙ୍କ ବ୍ୟାଗ ଲୁଟି ନେଇଥିଲେ ଦୁର୍ବୃତ୍ତ। ଯେଉଁଥିରେ ଥିଲା ୯ଟି ପାସପୋର୍ଟ, ୩୦୦୦ ଡଲାର, ଦାମୀ ଫୋନ, ଘାନା ସିଟିଜେନ କାର୍ଡ। ଏନେଇ ସେ ଏୟାରଫିଲ୍ଡ ଥାନାରେ ଏତଲା ଦେବା ପରେ ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ହେଲେ ଏପର୍ଯ୍ୟନ୍ତ ଲୁଟେରାଙ୍କ ପତ୍ତା ପାଉନି ପୋଲିସ।</p> <p>https://youtu.be/L4UuqVz8XBs</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
