ହୋମଗାର୍ଡଙ୍କୁ ଏଟିଏମ୍‌ ଘରେ ବାନ୍ଧି ସୁନା ଦୋକାନରୁ ଲୁଟ୍‌

loot

ବାରିପଦା(ଓଡ଼ିଶା ରିପୋର୍ଟର): ମୟୂରଭଞ୍ଜ ଜିଲ୍ଲା ବେତନଟୀ ବଜାରରେ ଥିବା ଏକ ଜୁଏଲାରୀ ଦୋକାନର କାନ୍ଥ ଭାଙ୍ଗି ସୁନାଗହଣା ଲୁଟିନେଲେ ଲୁଟେରା। ଗତକାଲି ବିଳମ୍ୱିତ ରାତିରେ ଲୁଟେରାମାନେ ବଜାରରେ ଡିୟୁଟି କରୁଥିବା ୨ ଜଣ ହୋମ୍‌ଗାର୍ଡଙ୍କୁ  ଏଟିଏମ୍‌ ଘର ଭିତରେ ଭର୍ତ୍ତି କରି ବାନ୍ଧି ଦେଇଥିଲେ। ତା’ପରେ  ଦୁର୍ଗା ଜୁଏଲାରୀ ଦୋକାନ ପଛ ପଟ କାନ୍ଥକୁ ଭାଙ୍ଗି  ଲୁଟ୍‌ କରିଥିଲେ।

ଆଜି ସକାଳେ ମଣ୍ଣିଂ ୱାର୍କରେ ଯାଉଥିବା  କିଛି ଲୋକ ଏଟିଏମ୍‌ ଘର ଭିତରୁ ପାଟି ଶୁଣି ପୋଲିସକୁ ଖବର ଦେବା ସହିତ ବନ୍ଧା ହୋଇଥିବା ହୋମଗାର୍ଡଙ୍କୁ ଉଦ୍ଧାର କରିଥିଲେ। ଘଟଣାସ୍ଥଳରେ ପୋଲିସ ଓ ସାନ୍‌ଣ୍ଟିଫିକ୍ ଟିମ୍‌ ପହଞ୍ଚି ତଦନ୍ତ ଜାରି ରଖିଛନ୍ତି।

ହୋମଗାର୍ଡଙ୍କ କହିବାନୁସାରେ,“ରାତି ପ୍ରାୟ ୨ଟା ବେଳେ ଏକ ଗାଡ଼ିରେ ୧୦ ଜଣ ଲୁଟେରା ଆସି ଏହି ଘଟଣା ଘଟାଇଛନ୍ତି।”

Previous ArticleNext Article

Send this to a friend