ବିଦେଶୀ ପର୍ଯ୍ୟଟକଙ୍କଠାରୁ ଲୁଟ୍‌ ପଛରେ ଲେଡି ଡନ୍‌!

ଭୁବନେଶ୍ୱର (ଓଡ଼ିଶା ରିପୋର୍ଟ): ସୁଦୂର ଘାନାରୁ ପୁରୀ ବୁଲିବାକୁ ଆସିଥିଲେ ଜଣେ ପ୍ରବାସୀ ଭାରତୀୟ। ଭୁବନେଶ୍ୱର ବିମାନବନ୍ଦରରେ ସେ ହୋଇଛନ୍ତି ଲୁଟ୍‌ର ଶିକାର। ଇତି ମଧ୍ୟରେ ୩ ଦିନ ବିତିଯାଇଥିଲେ ମଧ୍ୟ ପୋଲିସ ଲୁଟେରାଙ୍କ ପତ୍ତା ପାଉନି। ଅନ୍ୟପକ୍ଷରେ ଲୁଟରାମାନେ ନୀରଜଙ୍କ ପାସ୍‌ପୋଟ୍‌ ନେଇଯାଇଥିବାରୁ ତାଙ୍କ ପରିବାର ଘାନା ଫେରିବା ନେଇ ଅନିଶ୍ଚିତତା ଦେଖାଦେଇଛି। ଏପଟେ ଏହି ଲୁଟ୍‌ ପଛରେ ଜଣେ ଲେଡି ଲୁଟେରାଙ୍କ ହାତ ରହିଥିବା ଅନୁମାନ କରାଯାଉଛି।

ଗତ ୨ ତାରିଖରେ ପ୍ରବାସୀ ଭାରତୀୟ ନୀରଜଙ୍କ ପରିବାର ଘାନାରୁ ଓଡ଼ିଶା ଆସିଥିଲେ। ସେମାନେ ଭୁବନେଶ୍ୱର ଏୟାରପୋର୍ଟରେ ଫ୍ଲାଇଟ୍‌ରୁ ଓହ୍ଲାଇ ବାହାରେ ଠିଆ ହୋଇଥିଲେ। ଏହି ସମୟରେ ତାଙ୍କ ଅନମନସ୍କତାର ସୁଯୋଗନେଇ ଲୁଟେରାମାନେ ତାଙ୍କୁ କଳାକନା ବୁଲାଇ ଦେଇଦେଲେ। ଆଖି ପିଛୁଳାକେ ନୀରଜଙ୍କ ବ୍ୟାଗ ଲୁଟ୍‌ କରିନେଇଥିଲେ। ଯେଉଁଥିରେ ୯ଟି ପାସପୋର୍ଟ, ୩୦୦୦ ଡଲାର, ଦାମୀ ଫୋନ, ଘାନା ସିଟିଜେନ କାର୍ଡ ମଧ୍ୟ ରହିଛି। ଏନେଇ ସେ ଏୟାରଫିଲ୍ଡ ଥାନାରେ ଏତଲା ଦେବା ପରେ ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ହେଲେ ଏପର୍ଯ୍ୟନ୍ତ ଲୁଟେରାଙ୍କ ପତ୍ତା ପାଉନି ପୋଲିସ।

ଏନଆରଆଇଙ୍କଠାରୁ ଏହି ଲୁଟପଛରେ କିଏ ଅଛି?  ତିନି ଦିନ ପରେ ବି କାହିଁକି ପୋଲିସ ହାତ ଖାଲି। ସୁରକ୍ଷା ଦାୟୀତ୍ୱରେ ଥିବା CISF ଭୂମିକାକୁ ନେଇ ମଧ୍ୟ ଉଠୁଛି ପ୍ରଶ୍ନ?  ତେବେ ସିସିଫୁଟେଜ ଯାଞ୍ଚରୁ ଲୁଟ ପଛରେ ଜଣେ ଲେଡି ଲୁଟେରାଙ୍କ ହାତ ଥିବା ବିଶେଷ ସୁତ୍ରରୁ ଜଣାପଡିଛି। ତେବେ ଏୟାରପୋର୍ଟ କର୍ତ୍ତୃପକ୍ଷ କହିଛନ୍ତି ପୋଲିସକୁ ତଦନ୍ତରେ ସମସ୍ତ ସହଯୋଗ ଦିଆଯିବ। ସେପଟେ ଡିଜିପି ଏଯୟାରଫିଲ୍ଡ ଥାନା ପୋଲିସକୁ ଘଟଣାର ଖୋଲତାଡ ପାଇଁ ନିର୍ଦ୍ଦେଶ  ଦେଇଛନ୍ତି।

Previous ArticleNext Article

Leave a Reply

Send this to a friend