ମାଗିଲେ ଗଣିତ ଓ କେମିଷ୍ଟ୍ରୀ ଖାତା, ମିଳିଲା ସଂସ୍କୃତ ଖାତା !

student

ପୁରୀ: ଉଚ୍ଚମାଧ୍ୟମିକ ଶିକ୍ଷା ପରିଷଦର ବିଚିତ୍ର ନୀତି। ଯୁକ୍ତ ଦୁଇ ପରୀକ୍ଷାରେ କେମିଷ୍ଟ୍ରୀ ଓ ଗଣିତ ଖାତାର ରି-ଚେକିଂ ଲାଗି  ଆବେଦନ କରାଯାଇଥଲେ ମଧ୍ୟ ମିଳିଛି ସଂସ୍କୃତ ଖାତା। ଏ ଭଳି ଏକ ଘଟଣା ଦେଖିବାକୁ ମିଳିଛି ପୁରୀ ଜିଲ୍ଲାରେ ଥିବା ସାମନ୍ତ ଚନ୍ଦ୍ରଶେଖର ଜୁନିୟର କଲେଜର ଛାତ୍ର ପ୍ରସାଦ କୁମାର ସାହୁଙ୍କ କ୍ଷେତ୍ରରେ। ପ୍ରସାଦ ଯୁକ୍ତଦୁଇରେ ୭୦ ପ୍ରତିଶତ ମାର୍କ ରଖିବା ଲାଗି ଆଶା କରିଥିଲେ। ହେଲେ କେମିଷ୍ଟ୍ରୀରେ ୫୪  ଓ ଗଣିତରେ ମାତ୍ର ୪୨ ନମ୍ବର ରହିଥିଲା। ମାର୍କ ରିଚେକିଂ ଲାଗି ଷ୍ଟେଟ୍‌ ବ୍ୟାଙ୍କ ଅଫ୍‌ ଇଣ୍ଡିଆ ଶାଖାରେ ଖାତା ପିଛା ୨୦୦ ଟଙ୍କା ଡିପୋଜିଟ୍‌ କରି ଉଚ୍ଚମାଧ୍ୟମିକ ଶିକ୍ଷା ପରିଷଦକୁ ନିଜର ଇ-ମେଲ୍‌ ଠିକଣା ଦେଇଥିଲେ। ହେଲେ ତାଙ୍କ ପାଖକୁ ଆସିଛି ସଂସ୍କୃତ ଖାତା। ଯାହାକୁ ନେଇ ହତାଶ ହୋଇପଡିଛନ୍ତି ପ୍ରସାଦ।

ଏନେଇ ପ୍ରସାଦ କୁମାର ସାହୁ କହିଛନ୍ତି,“ମୁଁ ସାମନ୍ତ ଚନ୍ଦ୍ରଶେଖର ଜୁନିୟର କଲେଜର ବିଜ୍ଞାନର ଛାତ୍ର। ମୁଁ ଚଳିତବର୍ଷ କେମିଷ୍ଟ୍ରି ଓ ଗଣିତରେ ଭଲ ମାର୍କ ଆଶା କରିଥିଲି। କିନ୍ତୁ ମତେ ଏହି ଦୁଇ ବିଷୟରେ ଆଶାନୁରୂପ ମାର୍କ ମିଳି ନ ଥିବାରୁ ରିଚେକିଂ ପାଇଁ ଆବେଦନ କରିଥିଲି। କିନ୍ତୁ ମତେ ଏହି ଦୁଇ ବିଷୟ ବଳଦରେ ସଂସ୍କୃତର ଖାତା ଦିଆଯାଇଛି।”

Previous ArticleNext Article

1 Comment

  1. Ehb bhul hauachi ganita magile sanskrit khata dekhaiba.ehi pilati khata recheking kala bali emanta katha jani parila jeunmane pass karibaku chesta karithibe tahele semane to fail haijibe.

Send this to a friend