କେମିତି ହେବ ବିଜେଡିର ‘ମହାନଦୀ ଯାତ୍ରା’, ଆରମ୍ଭରୁ କଥା କଟାକଟି

ଭୁବନେଶ୍ୱର(ଓଡ଼ିଶା ରିପୋର୍ଟର): ମହାନଦୀ ସୁରକ୍ଷା ଯାତ୍ରା ଆରମ୍ଭକୁ ନେଇ ବିଜେଡିରେ ଦ୍ୱନ୍ଦ୍ୱ ଦେଖାଦେଇଛି। ଦଳର ଉପ ସଭାପତି ତଥା ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ରଙ୍କ ସୂଚନାକୁ ଦଳର ମୁଖପାତ୍ର ପ୍ରତାପ ଦେବ ଖଣ୍ଡନ କରିଛନ୍ତି। ଆସନ୍ତା ୭ ତାରିଖରୁ ମହାନଦୀ ସୁରକ୍ଷା ଯାତ୍ରା ଆରମ୍ଭ ହେବା ନେଇ ସୂଚନା ଦେଇଥିଲେ ସୂର୍ଯ୍ୟ। କହିଥିଲେ,“ମହାନଦୀର ଉଭୟ ପଠାରେ ଶୋଭାଯାତ୍ରା ଓ ସଭା ହେବ। ଦିନ ତମାମ ଶୋଭାଯାତ୍ରା ପରେ ସଂଧ୍ୟାରେ ସଭା ହେବ। ମହାନଦୀ ପ୍ରବାହିତ ହେଉଥିବା ୧୫ଟି ଜିଲ୍ଲାରେ ୧୫ ଦିନ ଧରି ସୁରକ୍ଷା ଯାତ୍ରା ଚାଲିବ।”

ତେବେ ସୂର୍ଯ୍ୟଙ୍କ ଏହି ଉକ୍ତିକୁ ଖଣ୍ଡନ କରିଛନ୍ତି ଦଳର ମୁଖପାତ୍ର ପ୍ରତାପ ଦେବ। ସେ କହିଛନ୍ତି-“ମହାନଦୀ ସୁରକ୍ଷା ଆନ୍ଦୋଳନ ରୂପରେଖ ସମ୍ପର୍କରେ ଆଲୋଚନା ହୋଇଛି। ହେଲେ କେବେ ଆରମ୍ଭ ହେବ ଓ କେମିତି ହେବ ସେ ସମ୍ପର୍କରେ ସାମ୍ବାଦିକ ସମ୍ମିଳନୀରେ ବିସ୍ତୃତ ଭାବେ ସୂଚନା ଦିଆଯିବ। ତେଣୁ ଏ ନେଇ ଯିଏ ମନ୍ତବ୍ୟ ଦେଇଛନ୍ତି ତାହା ତାଙ୍କ ବ୍ୟକ୍ତିଗତ ମତ।”

ତେବେ ମହାନଦୀ ସୁରକ୍ଷା ଯାତ୍ରାକୁ ନେଇ ଦଳର ଦୁଇ ନେତାଙ୍କ ମତରେ ଦ୍ୱନ୍ଦ୍ୱକୁ ନେଇ ଏବେ ରାଜ୍ୟ ରାଜନୀତିରେ ଚର୍ଚ୍ଚା ଜୋର ଧରିଛି। ଏବେ ଦେଖିବାର  କଥା କାହା ମତ ଠିକ୍‌ ଏବଂ କାହା ମତ ରହୁଛି। ୟ’ ବି ଦେଖିବାର କଥା ଯେ, ବିଜେଡିର ଏହି ପ୍ରୟୋଜିତ ମହାନଦୀ ଆନ୍ଦୋଳନ ବାସ୍ତବରେ କି ରୂପ ନେଉଛି।

 

Previous ArticleNext Article

Send this to a friend