ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପୁରୀ (ଓଡ଼ିଶା ରିପୋର୍ଟର): ପ୍ରଭୁ ଜଗନ୍ନାଥ ହେଉଛନ୍ତି ସେବକ ପ୍ରିୟ ମାଧବ। ତାଙ୍କ ଅବଢ଼ା ପାଇବାରୁ ଭକ୍ତ ବଞ୍ଚିତ ହୋଇଛନ୍ତି। ୪ ଦିନ ପରେ ଆଜି ବାହାରିବ ମହାପ୍ରଭୁଙ୍କ ଅବଢା। ଏନେଇ ଗତକାଲି ସୁଆର ନିଯୋଗ ସ୍ପଷ୍ଟ କରିଛି। ଏଥିପାଇଁ ମହାପ୍ରଭୁଙ୍କ ସବୁ ନୀତି ଠିକଠାକ ଚାଲିଛି।</p> <p>ପୂର୍ବରୁ ସୁଆର ମହାସୁଆର ସେବାୟତଙ୍କ ଦାବି ପୂରଣ ହେଉନଥିବାରୁ ସେମାନେ ଭୋଗ ମଣ୍ଡପରେ ମହାପ୍ରସାଦ ସେବାରୁ ନିବୃତ୍ତ ରହିବାକୁ ନିଷ୍ପତ୍ତି ନେଇଥିଲେ। ଏଥିଯୋଗୁ ଭକ୍ତମାନେ ମହାପ୍ରଭୁଙ୍କୁ କେବଳ ଦର୍ଶନ କରି ଆନନ୍ଦ ବଜାରରୁ ଖାଲି ହାତରେ ଫେରିବାକୁ ବାଧ୍ୟ ହେଉଥିଲେ।</p> <p>ଏନେଇ ସୁଆର-ମହାସୁଆର ନିଯୋଗ ସଭାପତି ଦାମୋଦର ମହାସୁଆର-“ପ୍ରଭୁ ଜଗନ୍ନାଥ ହେଉଛନ୍ତି ସେବକ ପ୍ରିୟ ମାଧବ। ତାଙ୍କୁ ମୋର ପ୍ରଣାମ। ସେ ସବୁ ସମୟରେ ସେବକଙ୍କୁ ରକ୍ଷା କରିଆସିଛନ୍ତି। ୩ କଳାପାହାଡ଼ (ଶ୍ରୀମନ୍ଦିର ମୁଖ୍ୟପ୍ରଶାସକ, ଜିଲ୍ଲାପାଳ ଓ ଏସ୍‌ପି) ମିଥ୍ୟା ତଥ୍ୟ ଦେଇ ସମଗ୍ର ଭାରତ ବର୍ଷରେ ସୁଆର-ମହାସୁଆରଙ୍କୁ ନିନ୍ଦିତ କଲେ। ଏଥିପାଇଁ ଆମେ ବହୁ ମର୍ମାହତ। ଦୋଷ ନକରି ଦୋଷୀ ହେଲୁ। ତିନି ଦିନ ଧରି ଜଗନ୍ନାଥ ମହାପ୍ରଭୁଙ୍କୁ କୋଠ ଭୋଗ ଦେଲୁ, କିନ୍ତୁ ସେମାନେ ପ୍ରଚାର କଲେ ପ୍ରଭୁ ଖାଇନାହାନ୍ତି। ଏପରିକି ଆମକୁ ଧମକ ଚମକ ଦେଲେ। ପବ୍ଲିକ ଭୋଗ ନରାନ୍ଧିବାକୁ ବାରଣ କଲେ।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
