ମାଲକାନଗିରି/ନାରାୟଣପାଟଣା: ମାଓ ପ୍ରବଣ ମାଲକାନଗିରି ଜିଲ୍ଲାରେ ଜୁଲାଇ ୨୮ରୁ ଅଗଷ୍ଟ ୩ ତାରିଖ ଯାଏଁ ମାଓବାଦୀ ସହିଦ ସପ୍ତାହ ଦିବସ ପାଳନ କରିବେ । ଏନେଇ ଜିଲ୍ଲାର ବିଭିନ୍ନ ସ୍ଥାନରେ ମାଓ ବ୍ୟାନର ଦେଖିବାକୁ ମିଳିଛି । ସେହିପରି ଛତିଶଗଡର ସୁକୁମା ଜିଲ୍ଲାରେ ମଧ୍ୟ ବିଭିନ୍ନ ମାଓ ପୋଷ୍ଟର ଦେଖିବାକୁ ମିଳିଛି। ମାଓ ବିରୋଧୀ ଅପରେସନ୍ ବନ୍ଦ କରିବା ଓ ଆତ୍ମ ସମର୍ପଣ ନୀତି ବିରୋଧରେ ଏହି ସହିଦ ସପ୍ତାହ ପାଳନ କରୁଛନ୍ତି ମାଓବାଦୀ।
ମାଲକାନଗିରି ଜିଲ୍ଲା ସିପିଆଇ ମାଓବାଦୀ ଡିଭିଜନାଲ୍ କମିଟି ପକ୍ଷରୁ ଏକ ପ୍ରେସ ବିଜ୍ଞପ୍ତି ଜାରି ହୋଇଛି । ଏଥିରେ ଉଲ୍ଲେଖ କରାଯାଇଛି ଯେ, ଅପରେସନ ଗ୍ରୀନ ହଣ୍ଟ୍ ବନ୍ଦ କରିବା ଓ ନିରିହ ଆଦିବାସୀଙ୍କୁ ନକ୍ସଲ ଆଖ୍ୟା ଦେଇ ଜେଲରେ ଭର୍ତ୍ତି କରିବାକୁ ସଙ୍ଗଠନ ବିରୋଧ କରିଛି । ମାଓବାଦୀଙ୍କ ସହିଦ ସପ୍ତାହକୁ ଦୃଷ୍ଟିରେ ରଖି ଜିଲ୍ଳା ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ପୋଲିସ ପକ୍ଷରୁ ଅପରେସନକୁ ଜୋରଦାର କରାଯାଇଛି ବୋଲି ଏସପି ମିତ୍ରଭାନୁ ମହାପାତ୍ର କହିଛନ୍ତି ।
ଅନ୍ୟପକ୍ଷରେ ଆଜି କୋରାପୁଟର ନାରୟଣପାଟଣା ନିକଟସ୍ଥ ପିଣ୍ଡାମାଲ ଜଙ୍ଗଲରେ କମ୍ବିଂ ବେଳେ ବିଏସଏଫ ଯବାନମାନେ ଉଦ୍ଧାର କରିଛନ୍ତି୨୫ କେଜି ଓଜନର ଜୀବନ୍ତ ଲ୍ୟାଣ୍ଡମାଇନ୍ସ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
