ଘରୁ ଡାକି ନେଇ ମାରିଦେଲେ

maoist

ମାଲକାନଗିରି: ମାଲକାନଗିରି ଜିଲ୍ଲା ମାଥିଲି ଥାନା ଅନ୍ତର୍ଗତ ମହୁପଦର ଜନ୍ଦ୍ରାଗୁଡ଼ା ଗାଁରେ ମାଓ ତାଣ୍ଡବ। ରାତିରେ ଘରୁ ଡାକି ନେଇ ଜଣଙ୍କୁ ହତ୍ୟା କରିଛନ୍ତି ମାଓବାଦୀ। ତାଙ୍କ ନାଁ ମୁୟା କାବାସି (୨୨)। ପୋଲିସ ଇନଫର୍ମର ସନ୍ଦେହରେ ତାଙ୍କୁ ହତ୍ୟା କରିଥିବା ସନ୍ଦେହ କରାଯାଉଛି।

ଗତକାଲି ବିଳମ୍ୱିତ ରାତିରେ ପ୍ରାୟ ୧୫ରୁ ୨୦ ମାଓବାଦୀ ମୁୟାଙ୍କ ଘରକୁ ଯାଇ ତାଙ୍କୁ ଡାକି ନେଇଥିଲେ। ଆଜି ସକାଳେ ତାଙ୍କ ମୃତଦେହ ପଡ଼ିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ମୃତଦେହ ନିକଟରୁ ଏକ ପୋଷ୍ଟର ମିଳିଛି। ପୋଲିସ ଇନଫର୍ମର ସନ୍ଦେହରେ ମୁୟାଙ୍କୁ ହତ୍ୟା କରାଯାଥିବା ପୋଷ୍ଟରରେ ଉଲ୍ଲେଖ କରାଯାଇଛି। ଗତ କିଛି ଦିନ ହେବ ଏଠାରେ ମାଓବାଦୀମାନେ ଗୋଟିଏ ପରେ ଗୋଟିଏ ହିଂସା କାଣ୍ଡ ଘଟାଇ ନିଜ ସ୍ଥିତି ଜାହିର କରିବାକୁ ଚାହୁଁଛନ୍ତି।

ସୂଚନାଯୋଗ୍ୟ, ଡିସେମ୍ୱର ୯ ତାରିଖରେ ମାଲକାନଗିରି ଜିଲ୍ଲା ସୀମାନ୍ତ ଆନ୍ଧ୍ର ବିଶାଖାପାଟନମ୍‌ ଜିଲ୍ଲା ମାଡେଗାରେଲୁ ଗାଁରେ ୨ ଜଣଙ୍କୁ ନିର୍ମମ ଭାବେ ହତ୍ୟା କରିଥିଲେ ମାଓବାଦୀ।  ପୋଲିସ ଇନଫର୍ମର ସନ୍ଦେହରେ କଲାକାନି ସୂରିୟା ଏବଂ ମୁକଲା କିଶୋରଙ୍କୁ ଗୁଳି କରି ହତ୍ୟା କରିଥିଲେ ମାଓବାଦୀ।

Previous ArticleNext Article

Send this to a friend