ଜାଳି ଦେଲେ ଠିକା କ୍ୟାମ୍ପ

maoisti

ମାଲକାନଗିରି(ଓଡ଼ିଶା ରିପୋର୍ଟର): ମାଲିକାନଗିରିରେ ପୁଣି ମାତିଲେ ମାଓବାଦୀ। ଗତକାଲି ବିଳମ୍ୱିତ ରାତିରେ ବଣ୍ଡାଘାଟିର ଥଣ୍ଡାହାଲରେ ରାସ୍ତା କାମରେ ନିୟୋଜିତ ଥିବା ସମସ୍ତ ଗାଡ଼ିକୁ ମାଓବାଦୀମାନେ ପୋଡ଼ି ଦେଇଛନ୍ତି । ୫୦ରୁ ଅଧିକ ମାଓବାଦୀ ଠିକା କ୍ୟାମ୍ପକୁ ଆସି କର୍ମଚାରୀମାନଙ୍କୁ ଡାକି ଏଠାରେ କାମ କରିବାକୁ  କିଏ କହିଲା କହି ଧମକ ଦେଇଥିଲେ। ଏହାପରେ  କ୍ୟାମ୍ପରେ ଥିବା ୪ଟି ଟ୍ରାକ୍ଟର,ଗୋଟିଏ ଜେସିଭି, ଗୋଟିଏ ପ୍ରୋକଲିନ୍, ଗୋଟିଏ ଟିପର ଓ ଗୋଟିଏ  ରୋଲ୍‌ର ସହ କ୍ୟାମର ଅନେକ ସାମଗ୍ରୀରେ ନିଆଁ ଲଗାଇ ଦେଇଥିଲେ।

ଗତକିଛି ଦିନ ତଳେ ମାଓବାଦୀମାନେ ରାସ୍ତା କାର୍ଯ୍ୟକୁ ବିରୋଧ କରି ଘାଟିରେ ପୋଷ୍ଟର ଲଗାଇଥିଲେ। ଏହି ରାସ୍ତାଟି ଆନ୍ଧ୍ର ପ୍ରଦେଶକୁ ସଂଯୋଗ ହେବା ସହ ବିଚ୍ଛିନ୍ନାଞ୍ଚଳ ନିକଟ ଦେଇ ଯାଇଛି। ଦେଖିବାକୁ ଗଲେ ବିଭିନ୍ନ ହିଂସାକାଣ୍ଡ ଘଟଣାଇ ମାଓବାଦୀମାନେ ବିଚ୍ଛିନ୍ନାଞ୍ଚଳରେ ସେମାନଙ୍କର ସ୍ଥିତି ଜାହିର କରି ଆସୁଛନ୍ତି।

ସୂଚନାଯୋଗ୍ୟ, ୩ ଦିନ ତଳେ ଚିତ୍ରକୋଣ୍ଡାର ଲୁଚାପାଣି ଜଙ୍ଗଲରେ ସୁରକ୍ଷାକର୍ମୀ-ମାଓବାଦୀ ମୁହାଁମୁହିଁ ହୋଇଛଥିଲେ। ସୁରକ୍ଷାକର୍ମୀଙ୍କ ଗୁଳିରେ ଜଣେ ମାଓବାଦୀ ନିହତ ହୋଇଥିଲେ।। ଘଟଣାସ୍ଥଳରୁ ଗୋଟିଏ ଏସ୍ଏଲ୍‌ଆର ବନ୍ଧୁକ ଏବଂ ବହୁ ମାଓ ସାମଗ୍ରୀ ଜବତ କରାଯାଇଥିଲା।।

 

Previous ArticleNext Article

Send this to a friend