ଏମିତି ବି ଆସେ ମୃତ୍ୟୁ: ସାବିତ୍ରୀକୁ ବଞ୍ଚାଇବାକୁ ଯାଇ ଜୀବନ ହାରିଲେ ସତ୍ୟବାନ

ସମ୍ବଲପୁର: ସାବିତ୍ରୀ ବ୍ରତ ପାଳନ କରି ଚାରିଆଡ଼େ ସ୍ୱାମୀଙ୍କ ଶୁଭ କାମନା କରୁଛନ୍ତି ପତ୍ନୀ। ଉପବାସ ଏବଂ ବ୍ରତ ଧାରଣ କରି ସାବିତ୍ରୀଙ୍କ ତ୍ୟାଗ ଏବଂ ସଂଘର୍ଷର ଗାଥାକୁ ସ୍ମରଣ କରୁଛନ୍ତି। ହେଲେ ସମ୍ବଲପୁରରେ କିନ୍ତୁ ସତ୍ୟବାନ ରୂପୀ ସ୍ୱାମୀ ଚାଲିଯାଇଛନ୍ତି ଆରପାରିକୁ। ପତ୍ନୀଙ୍କୁ ମୃତ୍ୟୁ ମୁଖରୁ ବଞ୍ଚାଇ ନିଜେ ପାଲଟି ଯାଇଛନ୍ତି ଶବ। ସମ୍ବଲପୁର ସହରର କମିଶନର କଲୋନୀରେ ଘଟିଥିବା ଏହି ଦୁଃଖ ଦାୟକ ଘଟଣା ପୂରା ସହରକୁ ସ୍ତବ୍ଧ କରିଦେଇଛି।

ମିଳିଥିବା ସୂଚନା ଅନୁଯାୟୀ, ଆଜି ସମୟ ମଧ୍ୟାହ୍ନ ପ୍ରାୟ ୧୦ଟାରେ ଘରେ କାମ କରୁଥିବା ଜଣେ ସହାୟିକା ଲୁଗା ଶୁଖାଇବାକୁ ଯାଇ ପ୍ରଥମେ ବିଦ୍ୟୁତ ତାର ସଂସ୍ପର୍ଶରେ ଆସିଥିଲେ। ସେ ଚିତ୍କାର କରି ଛଟପଟ ହେଉଥିବା ଦେଖି ପତ୍ନୀ ସରୋଜିନୀ ତାଙ୍କୁ ଉଦ୍ଧାର କରିବାକୁ ଯାଇ ସେ ମଧ୍ୟ ବିଦ୍ୟୁତ୍‌ ସଂସ୍ପର୍ଶରେ ଆସି ଛଟପଟ୍‌ ହେଉଥିଲେ।

ସ୍ତ୍ରୀ ଓ ସହାୟିକା ଛଟପଟ ହେଉଥିବା ଦେଖି ଉଭୟଙ୍କୁ ଉଦ୍ଧାର କରିବାକୁ ସ୍ୱାମୀ ବୃନ୍ଦାବନ ପଧାନ ଚେଷ୍ଟା କରିଥିଲେ। ଶେଷରେ ସେ ମଧ୍ୟ ବଦ୍ୟୁତ୍ ସଂସ୍ପର୍ଶରେ ଆସିଥିଲେ। ସହାୟିକା ଏବଂ ତାଙ୍କ ପତ୍ନୀ ସିନା ବର୍ତ୍ତିଗଲେ, ହେଲେ ଆଖି ବୁଜିଦେଲେ ସ୍ୱାମୀ ବୃନ୍ଦାବନ।

ମୃତ୍ୟୁ ମୁଖରୁ ଅଳ୍ପକେ ବର୍ତ୍ତିଯାଇଥିବା ବୃନ୍ଦାବନଙ୍କ ପତ୍ନୀ ସରୋଜିନୀ ଏବଂ ଘରୋଇ ସହାୟିକାଙ୍କ ଅବସ୍ଥା ଗୁରୁତର ରହିଛି। ଉଭୟଙ୍କୁ ବୁର୍ଲା ଡାକ୍ତରଖାନାରେ ଭର୍ତ୍ତି କରାଯାଇଛି। ଉଭୟଙ୍କ ଅବସ୍ଥା ସ୍ଥିର ଥିବା ଜଣାପଡ଼ିଥିବା ବେଳେ ପୋଲିସ ଘଟଣାର ଅନୁଧ୍ୟାନ କରୁଛି। ସାବିତ୍ରୀ ଓଷା ଭଳି ଦିନରେ ଏଭଳି ଅଭାବନୀୟ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।

ସାବିତ୍ରୀଙ୍କ ପାଇଁ ଜୀବନ ଦେଲେ ସତ୍ୟବାନ

ସମ୍ବଲପୁର: ପତ୍ନୀଙ୍କୁ ବଞ୍ଚାଇବାକୁ ଯାଇ ମୃତ୍ୟୁ ମୁଖରେ ପଡ଼ିଲେ ସ୍ୱାମୀ। ପତ୍ନୀ ଓ ଘରେ କାମ କରୁଥିବା ଜଣେ ସହାୟିକା ବଦ୍ୟୁତ୍‌ ତାର ସଂସ୍ପର୍ଶରେ ଆସି ଛଟପଟ ହେଉଥିଲେ। ଉଭୟଙ୍କୁ ରକ୍ଷା କରିବାକୁ ଉଦ୍ୟମ କରି ସ୍ୱାମୀ ନିଜେ ବିଦ୍ୟୁତ୍‌ ସଂସ୍ପର୍ଶରେ ଫସିଯାଇଥିଲେ।

Posted by Odisha Reporter on 15 मे 2018

Previous ArticleNext Article

Send this to a friend