ବଣ୍ଡାଘାଟିରୁ ହାଇକୋର୍ଟ ଭାୟା ଭୁବନେଶ୍ୱର; କିସ୍‌ ଛାତ୍ର ରାମଚନ୍ଦ୍ରଙ୍କ ନିଖୋଜ ଘଟଣାରେ ନୂଆ ଟୁଇଷ୍ଟ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ମାଲକାନଗିରିର ବଣ୍ଡା ଛାତ୍ର ରାମଚନ୍ଦ୍ର ମାନ୍ଦ୍ରା କିସ୍&zwnj;ରୁ ନିଖୋଜ ହୋଇଥିଲେ। ରାମଚନ୍ଦ୍ରଙ୍କ ମାଆ ଓ ଭାଇଙ୍କଠାରୁ ସୂଚନା ପାଇ ତର୍ଜମା କରି ଓଟିଭି ଖବର ପରିବେଷଣ କରିଥିଲା। ମାତ୍ର ଏହା ମିଥ୍ୟା ଖବର ବୋଲି ଆଜି ଅଭିଯୋଗ ଆଣିଛି ମାଲକାନଗିରି କିସ୍ ଛାତ୍ରଛାତ୍ରୀ ଅଭିଭାବକ ସଂଘ। ଏହାର ପ୍ରତିବାଦରେ ଆଜି ସଂଘ ପକ୍ଷରୁ ମାଲକାନଗିରିରେ ଏକ ଶୋଭାଯାତ୍ରା କରାଯାଇଥିଲା। ରାମଚନ୍ଦ୍ର କିସ୍&zwnj;ରୁ ନୁହେଁ, ଘରକୁ ଆସି ନିଖୋଜ ହୋଇଯାଇଛି ବୋଲି ସଂଘର ସଭାପତି କରିଛନ୍ତି। ତେଣୁ କିସ୍ ବିରୋଧରେ ଅପପ୍ରଚାର ବନ୍ଦ କରିବାକୁ ସେ ଦାବି କରିଛନ୍ତି। ପରେ ସଂଘର କର୍ମକର୍ତ୍ତାମାନେ ମାଲକାନଗିରି ଏସ୍&zwnj;ପିଙ୍କୁ ଭେଟି ଏକ ଦାବିପତ୍ର ଦେଇଥିଲେ।</p><p>ଏନେଇ ମାଲକାନଗିରି ଏସ୍&zwnj;ପି ଜଗମୋହନ ମୀନା କହିଛନ୍ତି,&ldquo;ପୋଲିସର ପ୍ରଥମ କାମ ହେଲା ରାମଚନ୍ଦ୍ରଙ୍କୁ ଖୋଜିବା। ଏସ୍&zwnj;ଡିପିଓଙ୍କ ନେତୃତ୍ୱରେ ତଦନ୍ତ ଆରମ୍ଭ ହୋଇଛି। ରାମଚନ୍ଦ୍ର ମିଳିବା ପରେ ପ୍ରକୃତ ତଥ୍ୟ ପଦାକୁ ଆସିବ। ଆଉ ଏଥିରେ ଯିଏ ଦୋଷୀ ଥିବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ।&rdquo;</p><p>&lt;span style=&quot;color: #ff0000;&quot;&gt;ପୂରା ଘଟଣା ଏମିତି&lt;/span&gt;</p><p>କିସ୍ ଶିକ୍ଷାନୁଷ୍ଠାନରୁ ବଣ୍ଡା ଛାତ୍ର ରାମଚନ୍ଦ୍ର ନିଖୋଜ ଘଟଣା ନେଇ ପ୍ରଥମେ ରାମଚନ୍ଦ୍ରଙ୍କ ମାଆ ଓ ତାଙ୍କ ପରିବାର ଓଟିଭି ପ୍ରତିନିଧିଙ୍କୁ ଜଣାଇଥିଲେ। ତା&rsquo;ପରେ ଓଟିଭି ପ୍ରତିନିଧି ବଣ୍ଡା ଉନ୍ନୟନ ସଂସ୍ଥା ଓ କିସ୍ କର୍ତ୍ତୃପକ୍ଷଙ୍କ ପ୍ରତିକ୍ରିୟା ନେଇଥିଲେ। ସମସ୍ତଙ୍କଠାରୁ ପ୍ରତିକ୍ରିୟା ନେଇ ତର୍ଜମା କରି ଗତ ୨୬ ତାରିଖରେ ଖବର ପ୍ରସାରଣ କରାଯାଇଥିଲା। ଗତ ୨୮ ତାରିଖରେ ରାମଚନ୍ଦ୍ରଙ୍କ ମାଆ, ପୁଅ ନିଖୋଜ ସଂପର୍କରେ ମୁଦୁଲିପଡ଼ା ଥାନାରେ ଏତଲା ଦେବା ସହ ଗତକାଲି ହାଇକୋର୍ଟରେ ପିଟିସନ୍ ଦାୟର ହୋଇଥିଲା।</p><p>ଆଜି ବଣ୍ଡା ଜନଜାତି ସମାଜ ପକ୍ଷରୁ ରାମଚନ୍ଦ୍ରଙ୍କ ମାଆ ବୁଦାଇ ମାନ୍ଦ୍ରା ଓ ଭାଇ ସନିଆ ମାନ୍ଦ୍ରାଙ୍କୁ ଗତ ୨୯ ତାରିଖରେ&nbsp; ଅପହରଣ କରାଯାଇଛି ଓ ଏଥିରେ ଓଟିଭିର ଜଣେ କ୍ୟାମେରାମ୍ୟାନଙ୍କ ସମେତ ୪ ଜଣଙ୍କ ହାତ ଥିବା ଥାନାରେ ଲିଖିତ ଅଭିଯୋଗ କରାଯାଇଛି। ତେବେ ଏହି ଅଭିଯୋଗ ସଂପୂର୍ଣ୍ଣ ନିରାଧାର। ଏହା ପଛରେ କୌଣସି ସତ୍ୟତା ନାହିଁ ଓଟିଭି ପକ୍ଷରୁ ସ୍ପଷ୍ଟ କରାଯାଇଛି। ଗୋଟିଏ ପଟେ ରାମଚନ୍ଦ୍ରଙ୍କ ମାଆ ଗଣମାଧ୍ୟମ ଆଗରେ ଖୋଲାଖୋଲି ଅଭିଯୋଗ କରିବା ସହିତ ଭୁବନେଶ୍ୱରରେ ମନ୍ତ୍ରୀଙ୍କୁ ଭେଟୁଥିବା ବେଳେ ତାଙ୍କୁ ଅପହରଣ କରାଯାଇଥିବା ଅଭିଯୋଗ ଯେ, ମିଥ୍ୟା ତାହା ଜଳଜଳ ଦିଶୁଛି। ଅଭିଯୋଗକାରୀଙ୍କ ପଛରେ କୌଣସି ପ୍ରରୋଚନା ଥିବା ସନ୍ଦେହ ହେଉଛି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।