ପରୀକ୍ଷା କେନ୍ଦ୍ରକୁ ଯାଇପାରିବନି ମୋବାଇଲ ଫୋନ

ଭୁବନେଶ୍ୱର(ଓଡ଼ିଶା ରିପୋର୍ଟର): ମାଟ୍ରିକ୍ ପ୍ରଶ୍ନପତ୍ର ଭାଇରାଲ ପରେ ଯୁକ୍ତ ଦୁଇ ପରୀକ୍ଷାକୁ କିଭଳି ଶୃଙ୍ଖଳିତ ଭାବେ ପରିଚାଳନା କରାଯିବ ସେ ନେଇ ଯୁକ୍ତ ଦୁଇ ପରିଷଦ ପକ୍ଷରୁ ଜାରି ହୋଇଛି ଗାଇଡ ଲାଇନ୍। ଏହି ୬ ସୂତ୍ରୀ ଗାଇଡ୍ ଲାଇନ୍‌ରେ ପରୀକ୍ଷା ସମୟରେ କେନ୍ଦ୍ରକୁ ମୋବାଇଲ ଓ ସ୍ମାର୍ଟ ଫୋନ୍ ନେବା ଉପରେ ରୋକ୍ ଲାଗିଛି। ଏପରିକି ପରୀକ୍ଷକମାନେ ମଧ୍ୟ ମୋବାଇଲ୍ ଫୋନ୍ ବ୍ୟବହାର କରିପାରିବେ ନାହିଁ। ପରୀକ୍ଷା କେନ୍ଦ୍ର ସୁରକ୍ଷା ଓ ସୁପରିଚାଳନା ପାଇଁ ସମସ୍ତ ବ୍ୟବସ୍ଥା ଗ୍ରହଣ କରିବା ଲାଗି ନିର୍ଦ୍ଦେଶ ରହିଛି। ଏଥିରେ ଖିଲାପ ହେଲେ କାର୍ଯ୍ୟାନୁଷ୍ଠାନ ନିଆଯିବ। ରାଜ୍ୟର ସମସ୍ତ ଯୁକ୍ତ ଦୁଇ କେନ୍ଦ୍ରର ସୁପରିଟେଣ୍ଡେଣ୍ଟଙ୍କ ଉଦ୍ଦେଶ୍ୟରେ ଏହି ଗାଇଡ୍ ଲାଇନ୍ ଜାରି କରାଯାଛି।

Previous ArticleNext Article

Send this to a friend