ଗ୍ରାହକ ଓ ବ୍ୟବସାୟୀ ଉଭୟଙ୍କୁ ଖୁସି କରୁଛି ମୋମୋ

momo

ଭୁବନେଶ୍ୱର(ଓଡିଶା ରିପୋର୍ଟର): ଶୀତୁଆ ସନ୍ଧ୍ୟା। ଥଣ୍ଡାରେ ଟିକେ ଗରମା ଗରମ ଜଳଖିଆ ଖାଇବା ପାଇଁ ସମସ୍ତଙ୍କର ମନହୁଏ। ସେଥିପାଇଁ ରାସ୍ତା କଡର ଜଳଖିଆ ଦୋକାନରେ ଭିଡ ଜମିଛି। ମୋମୋ ଷ୍ଟଲ ପାଖରେ କିନ୍ତୁ ଏହି ଭିଡ ଟକେ ଅଧିକ। କାହିଁକି ଜାଣିଛନ୍ତି? ଏହି ଚାଇନିଜ୍‌ ଡିସ୍‌ଟି କୁଆଡେ ଏବେ ରାଜଧାନୀବାସୀଙ୍କ ପ୍ରଥମ ପସନ୍ଦ ।

ରାଜଧାନୀ ରାସ୍ତା କଡରେ ଶୀତୁଆ ସନ୍ଧ୍ୟାର ମଜା ନେଉଛନ୍ତି ଲୋକେ, ତାହା ପୁଣି ମୋମୋ ସହ। ଏହି ଚାଇନିଜ୍‌ ଖାଦ୍ୟଟି ପିଲାରୁ ବୁଢା ସମସ୍ତଙ୍କୁ କିମିଆଁ କଲାଣି। କେବଳ ଯୁବପୀଢି ନୁହେଁ କିଛି ବୟସ୍କ ଲୋକ ମଧ୍ୟ ଏହାର ମଜା ନେଉଛନ୍ତି। ଷ୍ଟିମ, ଫ୍ରାଏଡ୍, ଭେଜ୍ ,ନନ୍-ଭେଜ୍ ଓ ପନିର ଏମିତି ଭିନ୍ନ ଭିନ୍ନ ପ୍ରକାରର ମୋମୋ ପ୍ରସ୍ତୁତ ହୋଇଥାଏ। କିନ୍ତୁ ତାଭିତରୁ ଲୋକମାନଙ୍କର ବେଶୀ ପସନ୍ଦ ଦେଉଛି ଫ୍ରାଏଡ୍ ମୋମୋ।

ମୋମୋ ଏକ ଏମିତି ଖାଦ୍ୟ ଯାହାକୁ ନେଇ କେବଳ ଗ୍ରାହକ ଖୁସି ତା ନୁହେଁ ବ୍ୟବସାୟୀ ମଧ୍ୟ ଏଥିରୁ ଲାଭବାନ୍ ହେଉଛନ୍ତି। ବ୍ୟବସାୟୀଙ୍କ କହିବା ଅନୁଯାୟୀ ୧କେଜି ଚିକେନ୍‌ରେ ପାଖାପାଖି ୧୫୦ରୁ ୨୦୦ ପିସ୍ ମୋମୋ ତିଆରିହୁଏ । ଚିକେନ୍ କେଜି ୧୮୦ଟଙ୍କା। ମୋମୋ ୬ପିସ୍‌କୁ ୩୦ଟଙ୍କା। ଏମିତି ଦେଖିବାକୁ ଗଲେ ୧୫୦ ମୋମସ୍ ବିକ୍ରି କଲେ ଲାଭ ମିଳିବ ପାଖାପାଖି ୫୦୦ଟଙ୍କା। ତେବେ ଗ୍ରାହକ ଓ ବ୍ୟବସାୟୀ ଉଭୟଙ୍କୁ ଖୁସି କରିବାରେ ସଫଳ ହେଉଛି ମୋମୋ।

Previous ArticleNext Article

Send this to a friend