ନୟାଗଡ଼: ବକେୟା ପ୍ରାପ୍ୟ ଦାବି ଓ ଚିନିକଳ ଖୋଲିବା ଦାବିରେ ନୟାଗଡ଼ ଚିନିକଳ ବଞ୍ଚାଅ କ୍ରିୟାନୁଷ୍ଠାନ କମିଟି ତରଫରୁ ଆଇନ ଅମାନ୍ୟ ଆନ୍ଦୋଳନ କରାଯାଇଛି। ଚିନିକଳ ଚାଷୀ, କର୍ମଚାରୀ, ଆଖୁ ଚାଷୀ ମହାସଂଘ ଓ କୃଷକ ସଂଘ ମିଳିତ ଭାବେ ନୟାଗଡ଼ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଆଇନ ଅମାନ୍ୟ ଆନ୍ଦୋଳନ କରିବା ସହ ଜିଲ୍ଲାପାଳଙ୍କ କାର୍ଯ୍ୟାଳୟକୁ ବନ୍ଦ କରିଛନ୍ତି। ଫଳରେ କର୍ମଚାରୀମାନେ ଜିଲ୍ଲାପାଳଙ୍କ କାର୍ଯ୍ୟାଳୟ ଭିତରକୁ ଯାଇପାରିନାହାନ୍ତି। ସୁରକ୍ଷାକୁ ଦୃଷ୍ଟିରେ ରଖି ୪ ପ୍ଲାଟୁନ ପୋଲିସ ମୁତୟନ କରାଯାଇଛି।
ମାର୍ଚ୍ଚ ୪ ତାରିଖ ଠାରୁ ବିଭିନ୍ନ ସମସ୍ୟା ନେଇ ନୟାଗଡ଼ ଚିନିକଳକୁ କର୍ତ୍ତୃପକ୍ଷ ଲକ୍ ଆଉଟ ଘୋଷଣା କରିବା ପରଠାରୁ ଚାଷୀ ଓ କର୍ମଚାରୀ ମାନଙ୍କ ପକ୍ଷରୁ ଆନ୍ଦୋଳନ ଜାରି ରହିଛି। ଏ ନେଇ ଚିନିକଳ କର୍ମଚାରୀ ଓ ଚାଷୀ ମାନଙ୍କ ଅନଶନ ଅଗଷ୍ଟ ୧୭ ତାରିଖରୁ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଜାରି ରହିଛି। ଏ ମଧ୍ୟରେ ସରକାର, ପ୍ରଶାସନ ସ୍ତରରେ ବିଭିନ୍ନ ସମୟରେ ଚାଷୀ, ଚିନିକଳ କର୍ତ୍ତୃପକ୍ଷ ପ୍ରତିନିଧିମାନଙ୍କର ଆଲୋଚନା ହୋଇଥିଲେ ମଧ୍ୟ କୌଣସି ସୁଫଳ ମିଳିନାହିଁ। ତେଣୁ ଆଜି ଜିଲ୍ଲାପାଳଙ୍କ କାର୍ଯ୍ୟାଳୟକୁ ବନ୍ଦ କରି ତାଲାବନ୍ଦ ଆନ୍ଦୋଳନ କରାଯାଇ ଆଇନ ଅମାନ୍ୟ ଆନ୍ଦୋଳନ କରଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
