ସରକାରୀ ନିର୍ଦ୍ଦେଶକୁ ଏସ୍‌ସିବି କର୍ତ୍ତୃପକ୍ଷଙ୍କ ବେଖାତିର, ଟଙ୍କା ଦେଇ ଗଙ୍ଗା-ଯମୁନାଙ୍କ ରକ୍ତ ପରୀକ୍ଷା କଲେ ବାପା

child

ନୟାଗଡ଼: ନୟାଗଡ଼ର ଯୋଡ଼ା ପେଟ ଶିଶୁ ଗଙ୍ଗା-ଯମୁନାଙ୍କ କଟକ ଶିଶୁଭବନରେ ଚିକିତ୍ସା ଚାଲିଛି। ଏହି ଦୁଇ ପିଲାଙ୍କର ସମସ୍ତ ଚିକିତ୍ସା ଖର୍ଚ୍ଚ ରାଜ୍ୟ ସରକାର ବହନ କରିବେ ବୋଲି ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା ଘୋଷଣା କରିସାରିଛନ୍ତି। ହେଲେ ସରକାରଙ୍କ ଏହି ଘୋଷଣାକୁ ଏସ୍‌ସିବି କର୍ତ୍ତୃପକ୍ଷ ଭୃକ୍ଷେପ କରୁ ନଥିବା ଅଭିଯୋଗ ଆସିଛି। ଏପରି ଅଭିଯୋଗ ଗଙ୍ଗା-ଯମୁନାଙ୍କ ବାପା ଆଣିଛନ୍ତି।

ସରକାର ମାଗଣା ଚିକିତ୍ସା କଥା କହୁଥିବା ବେଳେ ଗଙ୍ଗା-ଯମୁନାଙ୍କ ବାପା ଅଶୋକ ଦତ୍ତ ଟଙ୍କା ଦେଇ ଦୁଇ ଶିଶୁଙ୍କ ରକ୍ତ ପରୀକ୍ଷା କରିଥିବା ଅଭିଯୋଗ କରିଛନ୍ତି।

ଅଶୋକ କହିଛନ୍ତି- “ରକ୍ତ ପରୀକ୍ଷା ପାଇଁ ସାମ୍ପୁଲ ନେଇ ଏସ୍‌ସିବି ମେଡିକାଲକୁ ଯାଇଥିଲି। ସାଙ୍ଗରେ ମାଗଣା ପରୀକ୍ଷା ପାଇଁ ଚିଠା ମଧ୍ୟ ନେଇଥିଲି। ହେଲେ ସେଠାରେ କାର୍ଯ୍ୟରତ କର୍ମଚାରୀ ୮୫୦ଟଙ୍କା ନ ଦେଲେ ରକ୍ତ ପରୀକ୍ଷା ହୋଇପାରିବ ନାହିଁ ବୋଲି ରୋକ୍‌ଠୋକ୍‌ କହିଥିଲେ। ଚିଠା ଦେଖାଇବା ପରେ ମଧ୍ୟ ସେ କିଛି ଶୁଣି ନଥିଲେ। ଶେଷରେ ଟଙ୍କା ଦେବା ପରେ ହିଁ ରକ୍ତ ପରୀକ୍ଷା କରାଯାଇଥିଲା।”

ସୂଚନାଯୋଗ୍ୟ,  ନୟାଗଡ଼ର ଏକ ଘରୋଇ ହସ୍ପିଟାଲ୍‌ରେ ଜନ୍ମ ନେଇଥିଲେ ଯୋଡ଼ା ପେଟ ଶିଶୁକନ୍ୟା ଗଙ୍ଗା-ଯମୁନା।  ଉଭୟଙ୍କ ପେଟ ଓ ଛାତି ଯୋଡ଼ି ହୋଇ ରହିଛି। ଜନ୍ମ ହେବା ପରେ ଦୁହିଁଙ୍କୁ କଟକ ଶିଶୁଭବନ ସ୍ଥାନାନ୍ତର କରାଯାଇଥିଲା।

Previous ArticleNext Article

Send this to a friend