କାଳିଆ ସାର୍‌ଙ୍କ କେଳି ପଛରେ ପଲିଟିକାଲ୍‌ ଲିଙ୍କ୍, ଦେଖନ୍ତୁ ଭିଡିଓ

k-lll

ନୟାଗଡ,(ଓଡ଼ିଶା ରିପୋର୍ଟର): ନୟାଗଡ କଲେଜ ଖେଳ ଶିକ୍ଷକଙ୍କ ଯୌନ କେଳେଙ୍କାରୀ ଭାଇରାଲ ଅଡ଼ିଓକୁ ନେଇ ଝଡ଼।  ଘଟଣା ପଦାକୁ ଆସିବା ପରେ ନୟାଗଡ଼ରେ ରାଜନୀତି ସରଗରମ ହୋଇଛି ।  ଏହି ଘଟଣା ପଛରେ ପଲିଟିକାଲ ଲିଙ୍କ ଥିବା ଅଭିଯୋଗ ହୋଇଛି। ଯୌନ କେଳେଙ୍କାରୀରେ କାଳିଆ ସାରଙ୍କ ନାମ ଉଠିଥିବା ବେଳେ  ସ୍ଥାନୀୟ ବିଧାୟକ ତାଙ୍କୁ ସୁରକ୍ଷା ଦେଉଥିବା ଅଭିଯୋଗ ହେଉଛି। ଏନେଇ କଂଗ୍ରେସ ଓ ବିଜେପି ପକ୍ଷରୁ ପୃଥକ ପୃଥକ ଭାବେ ଏହି ଘଟଣାର ତିବ୍ର ନିନ୍ଦା କରାଯାଇଛି। ଏଥିରେ ସ୍ଥାନୀୟ ବିଧାୟକଙ୍କ ସମ୍ପୃକ୍ତିକୁ ନେଇ  ଉଭୟ ଦଳ ପ୍ରଶ୍ନ ଉଠାଇଛନ୍ତି। ସେହିପରି ନୟାଗଡ଼ କଲେଜ ପରିସରରେ ଛାତ୍ରଛାତ୍ରୀମାନେ ଏହି ଘଟଣାର ତୀବ୍ର ନିନ୍ଦା କରିବା ସହବିକ୍ଷୋଭ ଓ ଧାରଣା ଦେଇଥିଲେ।

ଘଟଣାର ନିରପେକ୍ଷ ତଦନ୍ତ ସହ ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି କଲେଜ ଅଧ୍ୟକ୍ଷଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି। ଏହି ଭାଇରାଲ ଅଡ଼ିଓଟି ସୋସିଆଲ ମିଡିଆରେ ଏବଂ ବିଭିନ୍ନ ଗଣମାଧ୍ୟମରେ ପ୍ରସାରଣ ପରେ ନୟାଗଡ଼ରେ ଚହଳ ସୃଷ୍ଟି କରିଛି। କାଳିଆ ସାରଙ୍କ ନାମରେ ପରିଚିତ ଥିବା ଏହି ଖେଳ ଶିକ୍ଷକଙ୍କ କଳାକାରନାମା ପଦାକୁ ଆସିବା ପରେ କଲେଜରେ ଛାତ୍ରଛାତ୍ରୀଙ୍କ ସୁରକ୍ଷାକୁ ନେଇ ପ୍ରଶ୍ନ  ଉଠିଛି।

ଆହୁରି ପଢନ୍ତୁ: ଅଡିଓ ଟେପ୍‌ରେ କାଳିଆ ସାର୍‌ଙ୍କ ନଟି ଲଭ୍‌ ଷ୍ଟୋରୀ: ପଢ଼ନ୍ତୁ ପ୍ରେମ କାହାଣୀ ଓ ଶୁଣନ୍ତୁ ଫୋନ୍ ବାର୍ତ୍ତାଳାପ

କାଳିଆ ସାର୍‌ ସ୍ଥାନୀୟ ଅଞ୍ଚଳର ବାସିନ୍ଦା ହେବା ଏବଂ ସ୍ଥାନୀୟ ବିଧାୟକଙ୍କ ସହ ଅତି ଘନିଷ୍ଟ ସମ୍ପର୍କ ଥିବାରୁ  କଲେଜରେ ତାଙ୍କର ବେଶ ଦବଦବା ଥିଲା। ଏହାର ଫାଇଦା ନେଇ ଛାତ୍ରୀମାନଙ୍କୁ ପରୀକ୍ଷାରେ ସହଯୋଗ କରିବା ଓ ପ୍ରାକ୍ଟିକାଲରେ ମାର୍କ ବଢାଇବାକୁ କହି ନିଜର ମନ୍ଦ ଉଦ୍ଦେଶ୍ୟ ଚରିତାର୍ଥ କରୁଥିବା ଏହି ଅଡ଼ିଓ ଟେପରେ ଖୁଲାସା ହୋଇଛି। ଏହି ଅଭିଯୋଗକୁ କଂଗ୍ରେସ ଓ ବିଜେପି ଦୋହରାଇଛନ୍ତି। ଏହି ଘଟଣାର ତଦନ୍ତ କରି ତୁରନ୍ତ ଅଭିଯୁକ୍ତଙ୍କୁ ଗିରଫ ପାଇଁ ଦାବି କରାଯାଇଛି।  ସୂଚନାଯୋଗ୍ୟ ଯେ, ଏହି ଅଡ଼ିଓ ଟେପ୍‌ଟି କୁଆଡ଼େ ସମ୍ପୃକ୍ତ ଅଭିଯୁକ୍ତଙ୍କ ସ୍ତ୍ରୀ ଓ  ପୀଡ଼ିତାଙ୍କ ବାନ୍ଧବୀଙ୍କ ମଧ୍ୟରେ କଥୋପକଥନ ରହିଛି। ବାନ୍ଧବୀ ଜଣକ କାଳିଆ ସାରଙ୍କ କାଳାରନମାକୁ ପ୍ରକାଶ କରିଛନ୍ତି। ଏତେବଡ଼  ଘଟଣା ଘଟିଥିଲେ ମଧ୍ୟ ପୋଲିସ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନାହିଁ।

ସେପଟେ କଲେଜକୁ ଅଯଥାରେ ବଦନାମ କରାଯାଉଛି ବୋଲି କଲେଜ ଅଧ୍ୟକ୍ଷ ଦାଶରଥୀ ବିଶ୍ୱାଳନିଜର ପ୍ରତିକ୍ରୟା ରଖିଛନ୍ତି । ଘଟଣାରେ କଲେଜର କୌଣସି ଛାତ୍ରୀ ଏବଂ ଅଧ୍ୟାପକଙ୍କ ଏଥିରେ ହାତ ନାହିଁ ବୋଲି ଜଣାଇଛନ୍ତି ।  ଘଟଣା ସମ୍ପର୍କରେ ସ୍ଥାନୀୟ ବିଧାୟକଙ୍କ ପ୍ରତିକ୍ରିୟା ମିଳିପାରି ନାହିଁ।

Previous ArticleNext Article

Send this to a friend