ନୂଆଦିଲ୍ଲୀ: କେନ୍ଦ୍ର ବାଣିଜ୍ୟ ମନ୍ତ୍ରୀ ସୁରେଶ ପ୍ରଭୁଙ୍କୁ ବେସାମରିକ ବିମାନ ଚଳାଚଳ ମନ୍ତ୍ରାଳୟର ଅତିରିକ୍ତ ଦାୟିତ୍ୱ ମିଳିଛି । ତେଲୁଗୁ ଦେଶମ ପାର୍ଟିର ଅଶୋକ ଗଜପତି ରାଜୁଙ୍କ ଇସ୍ତଫା ପରେ ଏହି ପଦ ଖାଲି ପଡ଼ିଥିଲା। ଆଜି ପ୍ରଭୁଙ୍କୁ ଏ ଅତିରିକ୍ତ ଦାୟିତ୍ୱ ମିଳିବା ନେଇ ରାଷ୍ଟ୍ରପତିଙ୍କ ଅଫିସ ପକ୍ଷରୁ ଟ୍ୱିଟ୍ କରି ଜଣାଇ ଦିଆଯାଇଛି। ସ୍ୱତନ୍ତ୍ର ରାଜ୍ୟ ପାହ୍ୟା ମାନ୍ୟତା ଦାବିରେ ରାଜୁ କ୍ୟାବିନେଟ୍ ପଦରୁ ଇସ୍ତଫା ଦେଇଥିଲେ । ବାଣିଜ୍ୟ ମନ୍ତ୍ରାଳୟ ପୂର୍ବରୁ ପ୍ରଭୁ ପ୍ରଥମେ ରେଳ ମନ୍ତ୍ରୀ ଥିଲେ । କିନ୍ତୁ ବାରମ୍ବାର ରେଳ ଦୁର୍ଘଟଣାକୁ ନେଇ ଗତବର୍ଷ ସେ ଇସ୍ତଫା ଦେଇଥିଲେ ଏହାପରେ ପ୍ରଭୁଙ୍କୁ ବାଣିଜ୍ୟ ମନ୍ତ୍ରାଳୟ ଦାୟିତ୍ୱ ମିଳିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
