ସୋନାଙ୍କୁ ସହିପାରୁନ, ଓଡ଼ିଶା ମୁଖ୍ୟଙ୍କୁ କେମିତି ସହୁଛ?

ଭୁବନେଶ୍ୱର (ଓଡ଼ିଶା ରିପୋର୍ଟର): ମହାପ୍ରଭୁ ଜଗନ୍ନାଥଙ୍କ ଉପରେ ଆଧାରିତ ଲୋକପ୍ରିୟ ଜଣାଣ ‘ଆହେ ନୀଳ ଶୈଳ’କୁ ଭିନ୍ନ ଢଙ୍ଗରେ ଗାଇଥିଲେ ବଲିଉଡ୍‌ ପ୍ରସିଦ୍ଧ କଣ୍ଠଶିଳ୍ପୀ ସୋନା ମହାପାତ୍ର। ଭଜନରେ ଥିବା କେତେକ ଶବ୍ଦକୁ ସେ ଠିକ୍ ଭାବେ ଉଚ୍ଚାରଣ କରିଥିଲେ। ଏହାକୁ ନେଇ ବିବାଦ ଦେଖାଦେଇଥିଲା। ଏପରିକି ପୁରୀ ସିଂହଦ୍ୱାର ଥାନାରେ ଏତଲା ଦିଆଯାଇଥିଲା। କିନ୍ତୁ ଆଜି ସୋନାଙ୍କ ସପକ୍ଷରେ ଯୁକ୍ତି ବାଢ଼ିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ। ସେ କହିଛନ୍ତି ସୋନା ଅଶ୍ଲୀଳ ଗୀତ ଗାଇନାହାନ୍ତି ବରଂ ଓଡ଼ିଆ ହୋଇ ଓଡ଼ିଶାର ମୁଖ୍ୟ ଅଶ୍ଲୀଳ କହୁଛନ୍ତି।

ସେ କହିଛନ୍ତି, “ବଲିଉଡ୍‌ ସିଙ୍ଗର ସୋନା ମହାପାତ୍ର ଅଶ୍ଲୀଳ ଗୀତ ଗାଇନାହାଁନ୍ତି। ଓଡ଼ିଆ ଭାଷାକୁ ଟିକେ ବଙ୍କେଇ ଉଚ୍ଚାରଣ କରିଛନ୍ତି। ତାହା ମାନେ କ’ଣ ସେ ଅଶ୍ଲୀଳ କଥା କହିଲେ? ହେଲେ ସେ ଓଡ଼ିଆ ଝିଅଟିଏ। ଓଡ଼ିଶାରେ ଜନ୍ମ ହୋଇନି, ଓଡ଼ିଆ ଶିଖିନି ଓ ଓଡ଼ିଆ ପଢ଼ିନି। ତାହା ସତ୍ତ୍ୱେ ସେ ଓଡ଼ିଆ ଭଜନ ଗାଉଛି। ଗୀତ ଗାଇବାରେ ଭାଷାର କିଛି ଏପାଖ ସେପାଖ ହୋଇପାରେ। କଥାରେ ଅଛିନା ‘ସ୍ୱର୍ଗକୁ ନିଶୁଣୀ ନାହିଁ, ବଡ଼ ଲୋକଙ୍କୁ ଉତ୍ତର ନାହିଁ’। ଓଡ଼ିଆକୁ ଅଶ୍ଲୀଳ ଭାଷାରେ କହୁଥିବା ଲୋକଙ୍କୁ ସହୁଛନ୍ତି। ସେତେବେଳେ କେହିତ ଜଣେ ହେଲେ ଏତଲା ଦେବାକୁ ଯାଉନାହାନ୍ତି। ସେ କଥାତ କେହି ଉଠାଉ ନାହାନ୍ତି? ଝିଅଟିଏ ଗାଇଦେଲା ସେଇଟା ଆଖିକୁ ଦେଖାଗଲା। ସେ ଓଡ଼ିଆ ଝିଅ, ତାର ଓଡ଼ିଆ ଭାଷା ପାଇଁ କେତେ ଶ୍ରଦ୍ଧା। ସେଥିପାଇଁ ଓଡ଼ିଶା ବାହାରେ ମୁମ୍ୱାଇରେ ଓଡ଼ିଆ ଗୀତ ଗାଉଛି। ଏହି ସମୟରେ କ’ଣ ଗୋଟିଏ ବା ଦୁଇଟି ଶବ୍ଦ ଏପାଖ ସେପାଖ ହୋଇଗଲା। କିନ୍ତୁ ଓଡ଼ିଶାର ମୁଖ୍ୟ ନବୀନ ପଟ୍ଟନାୟକ ଓଡ଼ିଆ ହୋଇ ଓଡ଼ିଆରେ କହିନପାରି ଭାଷାକୁ ଅଶ୍ଲୀଳରେ କହୁଛନ୍ତି। ସେତେବେଳେ ସବୁ ଓଡ଼ିଆ ତାଳି ମାରୁଛନ୍ତି। କେହି ଜଣେ ହେଲେ ଏତଲା ଦେଉ ନାହାନ୍ତି।”

niranjanମହାପ୍ରଭୁ ଜଗନ୍ନାଥଙ୍କ ଉପରେ ଆଧାରିତ ଲୋକପ୍ରିୟ ଜଣାଣ ‘ଆହେ ନୀଳ ଶୈଳ’କୁ ଭିନ୍ନ ଢଙ୍ଗରେ ଗାଇ ବିବାଦ ଘେରକୁ ଆସିଛନ୍ତି ସୋନା। ଭଜନର କେତେକ ଶବ୍ଦକୁ ସେ ଠିକ୍ ଭାବେ ଉଚ୍ଚାରଣ କରିନାହାନ୍ତି। ଯେପରିକି ସାଲବେଗକୁ ସାଲେବେଗ, ମତ୍ତକୁ ମାତ୍ର, ଚରଣକୁ ଚରଣେ, ଶ୍ରୀଅଙ୍ଗକୁ ଛିରଙ୍ଗା ଆଦି ଭୁଲ ଉଚ୍ଚାରଣ କରିଛନ୍ତି। ଜଗନ୍ନାଥଙ୍କ ଏଭଳି ଲୋକପ୍ରିୟ ଜଣାଣକୁ ଭୁଲଭାଲ ଗାଇବା ନେଇ ସୋନାଙ୍କୁ ବିଭିନ୍ନ ମହଲରେ ବିରୋଧ କରାଯାଇଛି।

Previous ArticleNext Article

Send this to a friend