ବଦଳିବ ପୋଲିସ୍‌ ବାବୁଙ୍କ କାର୍ଯ୍ୟଶୈଳୀ: ଧରିବେ ଲାପ୍‌ଟପ୍‌

Police

ଭୁବନେଶ୍ୱର (ଓଡ଼ିଶା ରିପୋର୍ଟର): ଆହୁରି ହାଇଟେକ୍ ହେବ ପୋଲିସ ବ୍ୟବସ୍ଥା। ଥାନାବାବୁ ଲାପ୍‌ଟପ୍‌ ଧରିବେ। ଏଥିରେ ଇଣ୍ଟରନେଟ୍ ସୁବିଧା ରହିବ। ଏହାସହ ଟାବ୍ ଓ ସ୍ମାର୍ଟଫୋନ୍ ଭଳି ଯୋଗାଯୋଗର ଅତ୍ୟାଧୁନିକ ସୁବିଧା ମଧ୍ୟ ରହିବ।

ପୋଲିସ୍ ଡିଜିଙ୍କ କ୍ୟାମ୍ପ ଅଫିସ୍‌ରେ ଅନୁଷ୍ଠିତ ସିସିଟିଏନ୍ଏସ୍ (ଅପରାଧ, ଅପରାଧୀ ନେଟ୍ଓ୍ୱାର୍କ ସିଷ୍ଟମ୍ ଏମ୍ପାଓ୍ୱାର୍ଡ କମିଟି) ବୈଠକରେ ଏହି ନିଷ୍ପତ୍ତି ନିଆଯାଇଛି। ଏହାସହ ଥାନାରୁ ଦୂରରେ ଥାଇ ବି ତଦନ୍ତକାରୀ ଅଧିକାରୀ ତଦନ୍ତ ସଂପର୍କିତ ରିପୋର୍ଟ ପ୍ରସ୍ତୁତ କରିପାରିବେ ଓ ଅପରାଧ ଏବଂ ଅପରାଧୀ ସଂପର୍କିତ ତଥ୍ୟ କିପରି ସୁବିଧାରେ ପାଇପାରିବେ ତା ଉପରେ ବୈଠକରେ ଗୁରୁତ୍ୱ ଦିଅଆଯାଇଛି।

ଏଥିସହ ଆସନ୍ତାବର୍ଷ ଆରମ୍ଭରୁ ଥାନାରୁ ମାନୁଆଲ ରେଜିଷ୍ଟରକୁ ହଟାଇ ଦିଆଯିବ। ଷ୍ଟେସନ୍ ଡାଏରୀ ମଧ୍ୟ କମ୍ୟୁଟର ଦ୍ୱାରା କରାଯିବ।

ସିସିଟଏନଏସ୍ ଅଧୀନରେ ସିଟିଜେନ୍ ପୋର୍ଟାଲ୍ ମାଧ୍ୟମରେ ନାଗରିକଙ୍କୁ  ଯୋଗାଇଦିଆ ଯାଉଥିବା ଅନ୍‌ଲାଇନ୍‌ ଏଫ୍ଆଇଆର୍, ଅଭିଯୋଗ ପଞ୍ଜିକରଣ, ନିଖୋଜ ବ୍ୟକ୍ତି ସଂପର୍କିତ ରିପୋର୍ଟ ପଞ୍ଜିକରଣ ଭଳି ୧୩ଟି ସେବାକୁ ଅଧିକ ଲୋକାଭିମୁଖୀ କରିବାକୁ ଶୀଘ୍ର ଏକ ଆପ୍ ଆଣିବାକୁ ଯୋଜନା କରାଯାଉଛି।

ରାଜ୍ୟରେ ଥିବା ୬୧୨ଟି ଥାନା ମଧ୍ୟରୁ ବର୍ତ୍ତମାନ ସୁଦ୍ଧା ୫୮୯ଟି ଥାନାରେ କମ୍ପୃଟରୀକରଣ କାମ ସରିଛି। ମୋରାଇନ ଥାନା ଓ ବିଦ୍ୟୁତ୍ ଥାନା ଭଳି ବାକି ୨୩ଟି ଥାନାର କମ୍ପ୍ୟୁଟରୀକରଣ ଉପରେ ଜୋର ଦିଆଯାଉଥିବା ପୋଲିସ୍‌ ବିଭାଗ ପକ୍ଷରୁ କୁହାଯାଇଛି।

Previous ArticleNext Article

Send this to a friend