ଧାନ ଦୁର୍ନୀତି ନେଇ ଏମିତି ହଡ଼ବଡ଼େଇ ଗଲେ ବିଜେଡି ଜିଲ୍ଲା ସଭାପତି : ବିଧାୟକ ଅଂଶୁମାନଙ୍କୁ ଟାର୍ଗେଟ୍

ଭୁବନେଶ୍ୱର:(ଓଡ଼ିଶା ରିପୋର୍ଟର): କେନ୍ଦ୍ରାପଡ଼ାରେ ଧାନ କିଣା ବିବାଦ ତେଜିବା ପରେ ମୁହଁ  ଖୋଲିଲେ ଜିଲ୍ଲା ସଭାପତି ଧ୍ରୁବ ସାହୁ।  ଧ୍ରୁବଙ୍କ ନାଁରେ ମୁଖ୍ୟମନ୍ତ୍ରୀଙ୍କ  ପାଖରେ ଅଭିଯୋଗ କରିଥିବା ରାଜନଗର ବିଧାୟକ ଅଂଶୁମାନ  ମହାନ୍ତିଙ୍କୁ ଟାର୍ଗେଟ କରିବା ସହ ଖବର ପ୍ରସାରଣ କରିଥିବା ଓଟିଭି  ନାଁକୁ ଯୋଡି ସାଂସଦ ବୈଜୟନ୍ତ ପଣ୍ଡାଙ୍କୁ ବି ଟାଣିଛନ୍ତି ଧ୍ରୁବ । ତେବେ  ସାମ୍ବାଦିକ ସମ୍ମିଳନୀରେ ଧ୍ରୁବଙ୍କ ନାଁରେ ଥିବା ଦସ୍ତାବିଜ ଦେଖାଇ  ସାମ୍ବାଦିକ ପ୍ରଶ୍ନ କରିବାରୁ ହଡବଡେଇ ଯାଇ ପ୍ରଶ୍ନର ଉତ୍ତର ନ ରଖି  ଉଠି ଯାଇଥିଲେ ଧ୍ରୁବ।

ନିଜ  ସଫେଇରେ ଧ୍ରୁବ କହିଛନ୍ତି ଧାନକିଣା ଦୁର୍ନିତିରେ ତାଙ୍କର କୌଣସି  ସଂପୃକ୍ତି ନାହିଁ । ପାଲଟା ଅଭିଯୋଗ  କରିଛନ୍ତି, ଦୁର୍ନୀତିର ସୁତ୍ରଧର ହେଉଛନ୍ତି ବିଧାୟକ ଅଂଶୁମାନ ମହାନ୍ତି।  ଅଂଶୁମାନଙ୍କ ପ୍ରରୋଚନାରେ  ମାର୍କେଫେଡ ମ୍ୟାନେଜର ଓ ମିଲର ମିଶି କୋଟି କୋଟି ଟଙ୍କା ହଡପ  କରିଥିବା ଧ୍ରୁବ ଅଭିଯୋଗ କରିଛନ୍ତି।  ତେବେ ଅଂଶୁମାନ, ଧ୍ରୁବଙ୍କ  ସଂପୃକ୍ତି ନେଇ ମୁଖ୍ୟମନ୍ତ୍ରୀଙ୍କ ପାଖରେ କରିଥିବା ଅଭିଯୋଗ  ସଂପର୍କରେ ଓଟିଭି ଖବର ପ୍ରସାରଣ କରିଥିବାରୁ ବୈଜୟନ୍ତଙ୍କୁ  ଟାର୍ଗେଟ କରିଛନ୍ତି ଧ୍ରୁବ।  ତେବେ ଧ୍ରୁବଙ୍କ ନାଁରେ ପୁଣି ଲମ୍ବା ଅଭିଯୋଗ  ଆଣି ପ୍ରତିକ୍ରିୟା ଦେଇଛନ୍ତି ଅଂଶୁମାନ।

୨୦୧୫-୧୬ରେ ମାର୍କଫେଡକୁ ମୋହରା କରି  କେନ୍ଦ୍ରାପଡାରେ ଧାନକିଣାରେ ବ୍ୟାପକ ଅନିୟମିତତା ହୋଇଥିଲା।   ଅଭିଯୋଗ  ଅନୁଯାୟୀ, ଧାନ କିଣିବା ପାଇଁ କିଛି ଜାଲ ଚାଷୀଙ୍କ  ତାଲିକା ପ୍ରସ୍ତୁତ କରିଥିଲେ ଧ୍ରୁବ ସାହୁ । ଯାହାକୁ ସେତେବେଳେ  ମାର୍କଫେଡର ମ୍ୟାନେଜର ଉପରିସ୍ଥ ଅଧିକାରୀଙ୍କୁ ଅବଗତ କରିଥିଲେ। ତେବେ ସାମ୍ବାଦିକ ସମ୍ମିଳନୀରେ ଧ୍ରୁବଙ୍କ ନାଁରେ ଥିବା ଦସ୍ତାବିଜ  ଦେଖାଇ ସାମ୍ବାଦିକ ପ୍ରଶ୍ନ କରିବାରୁ ହଡବଡେଇ ଯାଇଥିଲେ ଧ୍ରୁବ।  ନିଜ  ସ୍ଥାନରୁ ଉଠି ବଡ଼ ପାଟି କରିଥିଲେ। ପୁଣି ସବୁ ପ୍ରଶ୍ନର  ଉତ୍ତର ବି ଦେଇ ନଥିଲେ ସେ। ଏପରିକି ପ୍ରେସ୍‌ମିଟ୍‌ରୁ ଉଠିଯାଇଥିଲେ  ଧ୍ରୁବ।  ତେବେ ଧ୍ରୁବ ନିଜ ପ୍ରେସ ନୋଟରେ କରିଥିବା  ସ୍ୱାକ୍ଷର ଓ ତାଙ୍କ ନାଁରେ ପୂର୍ବତନ ମାର୍କେଫଡ ଅଧିକାରୀ ଦେଇଥିବା  ଦସ୍ତାବିଜର ସ୍ୱାକ୍ଷର ମିଶିଯାଇଥିବା ଦେଖି ଚମକି ଉତକ୍ଷିପ୍ତ  ହୋଇଯାଇଥିଲେ।  ପ୍ରଶ୍ନ ଉଠୁଛି ସରକାରୀ ଅଧିକାରୀ  ତାଙ୍କ ନାଁରେ ଦେଇଥିବା ଦସ୍ତାବିଜକୁ ଜାଲ ବୋଲି କହି ସବୁ  ଅଭିଯୋଗ କାହିଁକି ଫାଙ୍କୁଛନ୍ତି ଧ୍ରୁବ।  ଚୋର ମଚାଏ ଶୋର ପରି  ଆଭିମୁଖ୍ୟ ଗ୍ରହଣ କରୁନାହାଁନ୍ତି ତ’ ଧ୍ରୁବ। ନା ଗଣମାଧ୍ୟମ ଉପରେ  ଦୋଷ  ଦେଇ ନିଜ ଉପରେ ଆସିଥିବା କଳଙ୍କ ଅଭିଯୋଗକୁ ଲିଭାଇବାକୁ  ଚାହୁଁଛନ୍ତି । ଧାନିକିଣା ଦୁର୍ନିତିରେ ଭିଜିଲାନ୍ସ ତଦନ୍ତ ଚାଲିଥିବା  ବେଳେ ପ୍ରଶ୍ନ ଉଠୁଛି  ବିଜେଡି କ୍ଷମତାରେ ଥିବାରୁ ଏବଂ ଧ୍ରୁବ ଜିଲ୍ଲା  ସଭାପତି ଥିବାରୁ ତାଙ୍କ ପ୍ରଭାବରେ ପାଖ ମାଡୁନି କି ଭିଜିଲାନ୍ସ ?

Previous ArticleNext Article

Send this to a friend