ଆନନ୍ଦପୁର(ମୁନା ସିଂ): ଅଜଣା ପାର୍ସଲକୁ ନେଇ କେନ୍ଦୁଝର ଜିଲ୍ଲା ଘସିପୁରା ଡାକଘରେ ଆତଙ୍କ ଖେଳିଯାଇଛି। କାରଣ ଡାକଘରକୁ ଆସିଥିବା ଏକ ପାର୍ସଲରୁ ଧୂଆଁ ବାହାରିଥିଲା। ଫଳରେ ଡାକ କର୍ମଚାରୀମାନେ ଭୟଭୀତ ହୋଇପଡ଼ିଥିଲେ। ଖବର ପାଇ ପୋଲିସ ଓ ଦମକଳ ବାହିନୀ ପହଞ୍ଚି ଅନୁଧ୍ୟାନ କରିଛନ୍ତି। ବର୍ତ୍ତମାନ ପାର୍ସଲଟିକୁ ଏକ ଖୋଲା ସ୍ଥାନରେ ରଖାଯାଇଛି।
ଆଜି ସକାଳେ ଘସିପୁରା ଡାକଘରକୁ ପାର୍ସଲ ଆସିଥିଲା। ସେହି ପାର୍ସଲକୁ ଦେଓଗାଁ ଡାକଘରକୁ ଆଜି ପଠା ଯାଇଥାନ୍ତା। କିନ୍ତୁ ପାର୍ସଲରୁ ଧୂଆଁ ବାହୁରୁଥିବା ଦେଖି ଡାକ କର୍ମଚାରୀ ଆତଙ୍କିତ ହୋଇ ପଡ଼ିଥିଲେ। ଡାକ କର୍ତ୍ତୃପକ୍ଷ ସଙ୍ଗେ ସଙ୍ଗେ ପୋଲିସ୍ ଓ ଦମକଳ ବାହିନୀକୁ ଖବର ଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।