ପିସିସି ମୁଖିଆଙ୍କ ଆଗ୍ରେସିଭ୍‌ ମୁଡ୍‌

congress

ଭୁବନେଶ୍ୱର (ଓଡ଼ିଶା ରିପୋର୍ଟର): ପିସିସି ମୁଖିଆ ଦାୟିତ୍ୱ ନେଉ ନେଉ ନିରଞ୍ଜନ ପଟ୍ଟନାୟକ ଦେଖାଇଛନ୍ତି ଆଗ୍ରେସିଭ୍ ମୁଡ୍‌। ସିଧାସଳଖ କହିଛନ୍ତି ହାରିବା ପାଇଁ ନୁହେଁ, ଆଗାମୀ ନିର୍ବାଚନକୁ ଦଳ ଜିତିବା ପାଇଁ ଲଢୁଛି। ଏଥିପାଇଁ ଆରମ୍ଭରୁ ରୋଡମ୍ୟାପ୍‌ ପ୍ରସ୍ତୁତିରେ ବି ଲାଗି ପଡିଛି ଟିମ୍ ନିରଞ୍ଜନ। ପୂର୍ବ ଭୁଲକୁ ସୁଧାରି ଲୋକଙ୍କ ଆସ୍ଥାଭାଜନ ହେବା ଉପରେ ଜୋର୍ ଦେବା ସହ ଆସନ୍ତା ଦୁଇମାସ ଭିତରେ ସବୁ ଦଳୀୟ ଟିକେଟ୍ ଚୂଡ଼ାନ୍ତ ପାଇଁ ଯୋଜନା ବି ହୋଇଛି।

ନିରଞ୍ଜନଙ୍କ ଟାର୍ଗେଟ୍‌ରେ ମିଶନ ୨୦୧୯। ଆଜି ସକାଳୁ ପୁରୀ ଯାଇ ଜଗନ୍ନାଥ ଦର୍ଶନ ପରେ ପହଞ୍ଚି ଯାଇଥିଲେ ରାଜ୍ୟ କଂଗ୍ରେସ ଭବନରେ। ଆରମ୍ଭ କରିଦେଥିଲେ ସବୁ ବର୍ଗର ନେତା ଓ କର୍ମୀଙ୍କ ସହ ମାନସ ମନ୍ଥନ। ପ୍ରଥମେ ହୋଇଥିଲା ବିଧାୟକ ଦଳ ବୈଠକ। ତା’ପରେ ଯୁବ ଓ ଛାତ୍ର କଂଗ୍ରେସ, ମହିଳା କଂଗ୍ରେସ, ସେବାଦଳଠୁ ନେଇ ବିଭିନ୍ନ ଜିଲ୍ଲା ସଭାପତି ଓ ଅନ୍ୟ ଦଳୀୟ ନେତାଙ୍କ ସହ ମାରାଥନ୍ ବୈଠକ କରିଥିଲେ। ଏସବୁ ଭିତରେ କଂଗ୍ରେସ ଲୁଜିଂ ନୁହେଁ, ଓ୍ୱିନିଂ ବ୍ୟାଟଲ ଲଢୁଥିବା କହି ଗଣମାଧ୍ୟମ ଆଗରେ ଉଭୟ ବିଜେଡି ଓ ବିଜେପିକୁ ବି ଟାର୍ଗେଟ୍ କରିବାକୁ ଭୁଲି ନଥିଲେ ନିରଞ୍ଜନ।

ନିରଞ୍ଜନଙ୍କ ସହ ସ୍ୱର ମିଶାଇଥିଲେ ଓଡ଼ିଶା ପ୍ରଭାରୀ ଜିତେନ୍ଦ୍ର ସିଂ। ସେ କହିଥିଲେ- “ଏବେଠାରୁ ରାଜ୍ୟ ସରକାରଙ୍କର ଓଲଟା ଗଣତି ଆରମ୍ଭ ହେଲା। ଆସନ୍ତା ଦୁଇମାସ ମଧ୍ୟରେ ସମସ୍ତ ଦଳୀୟ ଟିକେଟ୍ ଚୂଡାନ୍ତ ହେବ। ଯୁବବର୍ଗ ଓ ମହିଳାଙ୍କୁ ଟିକେଟ ବଣ୍ଟନ କ୍ଷେତ୍ରରେ ଅଧିକ ଗୁରୁତ୍ୱ ଦିଆଯିବ। ସାଧାରଣ ଲୋକଙ୍କଠାରୁ ଦୂରେଇ ଯାଇଥିବା କଂଗ୍ରେସକୁ ପୁଣି ଥରେ ଲୋକଙ୍କ ଆସ୍ଥାଭାଜନ କରାଯିବାକୁ କାର୍ଯ୍ୟକ୍ରମ ଆରମ୍ଭ ହେବ। କେନ୍ଦ୍ର ଓ ରାଜ୍ୟ ସରକାରଙ୍କ ବିଫଳତାକୁ ଲୋକଲୋଚନକୁ ଆଣିବାକୁ ପ୍ରୟାସ କରାଯିବ।

ବୈଠକରେ ନବନିଯୁକ୍ତ ପ୍ରାୟ ସମସ୍ତ କର୍ମକର୍ତ୍ତା ଉପସ୍ଥିତ ଥିଲେ ବି କୋର୍ କମିଟି ଅଧ୍ୟକ୍ଷ ଜୟଦେବ ଜେନା ଓ ଇସ୍ତାହାର କମିଟି ଅଧ୍ୟକ୍ଷ ଶ୍ରୀକାନ୍ତ ଜେନାଙ୍କୁ ଦେଖିବାକୁ ମିଳି ନଥିଲା। ଅପରପକ୍ଷେ ୧୯ ନିର୍ବାଚନକୁ ଆଖିରେ ରଖି ଟିମ୍ ନିରଞ୍ଜନ ଷ୍ଟ୍ରାଟେଜି ଆରମ୍ଭ କରିଥିଲା ବେଳେ କୋରାପୁଟରେ ଦଳକୁ ଝଟକା ଲାଗିଛି। ଜିଲ୍ଲାର ବରିଷ୍ଠ ନେତା ଶିବପ୍ରସାଦ ପଟ୍ଟନାୟକ ଇସ୍ତଫା ଦେଇଛନ୍ତି।

Previous ArticleNext Article

Send this to a friend