ସାବଧାନ! ମାତିଛନ୍ତି ପିଲା ଚୋର: ଯୁପିରୁ ଆସୁଛନ୍ତି ଗ୍ୟାଙ୍ଗ

ରାୟଗଡ଼ା(ଓଡ଼ିଶା ରିପୋର୍ଟର): ରାୟଗଡ଼ା ଜିଲ୍ଲାରେ ପିଲାଚୋର ଆତଙ୍କ। ସୋସିଆଲ୍ ମିଡିଆରେ ଏନେଇ ପ୍ରଚାର ହେବା ପରେ ଗତକାଲି ୫ରୁ ୬ ଜଣ ବ୍ୟକ୍ତିଙ୍କୁ ଗାଁ ଲୋକେ ଧରି ନିସ୍ତୁକ ମାଡ଼ ମାରିବା ସହ ପୋଲିସ ଜିମାରେ ଦେଇଛନ୍ତି। ଆଉ କିଛି ବ୍ୟକ୍ତିଙ୍କୁ ଲୋକଙ୍କ ନିକଟରୁ ଉଦ୍ଧାର କରି ପୋଲିସ ଥାନାରେ ଅଟକ ରଖିଛି।

ଗତକାଲି ସକାଳେ ଶେଷଖାଲ ଥାନା ଅନ୍ତର୍ଗତ ଜେମାଦେଇପେଣ୍ଠ ଏବଂ ସହର ଉପକଣ୍ଠ ରାଣୀଗୁଡ଼ା ଫାର୍ମ ଅଞ୍ଚଳରେ ୨ଜଣ ବ୍ୟକ୍ତିଙ୍କୁ ଧରି ପୋଲିସ ଜିମାରେ ଦେଇଥିଲେ। ସେମାନଙ୍କୁ ପିଲା ଚୋରି କରୁଥିବା ଆଶଙ୍କା କରି ଲୋକେ ନିସ୍ତୁକ ମାଡ଼ ମାରିଥିଲେ।

ସୂଚନାଯୋଗ୍ୟ, କେବଳ ଏହି ଅଞ୍ଚଳ ନୁହେଁ ଜିଲ୍ଲାର ଅନ୍ୟାନ୍ୟ ସ୍ଥାନରେ ମଧ୍ୟ ଏଭଳି ପିଲା ଚୋର ଆତଙ୍କ ଜାରି ରହିଛି। ଏପରିକି ରାୟଗଡ଼ା ଥାନାରେ ୨ଟି ମାମଲା ମଧ୍ୟ ରୁଜୁ ହୋଇଛି।

ରାୟଗଡ଼ା ଏସଡିପିଓ  ରାଜ କିଶୋର ଦାସ କହିଛନ୍ତି,“ପିଲା ଚୋରରେ ଆଶଙ୍କାରେ ଦୁଇ ଜଣ ଲୋକଙ୍କୁ ପୋଲିସ୍‌ ଜିମାରେ ଦେଇଛନ୍ତି ଗାଁ ଲୋକେ। ସେମାନଙ୍କ ଘର ଉତ୍ତର ପ୍ରଦେଶର ବୋଲି ଜଣାପଡ଼ିଛି। ଏହି ଦୁଇ ଜଣ ବ୍ୟକ୍ତି ପିଲା ଚୋରି କରିବାକୁ ଆସିଥିବା ଗାଁ ଲୋକେ ଅଭିଯୋଗ କରିଛନ୍ତି। ଘଟଣାର ତଦନ୍ତ  ଚାଲିଛି।”

 

 

Previous ArticleNext Article

Send this to a friend