ପୋଖରୀ ଖୋଳୁ ଖୋଳୁ ଜେସିବି ଡ୍ରାଇଭରଙ୍କୁ କରେଣ୍ଟ ମାରିଲା, ଆଉ ତା ପରେ କ’ଣ ହେଲା ପଢନ୍ତୁ

ସାଲେପୁର (ମନୋଜ ଆଚାର୍ଯ୍ୟ): “୭ଦିନ ହେବ ଆମେ ପୋଖରୀ ଖୋଳିବା କାମରେ ଲାଗିଛୁ। ହେଲେ ଆଜି ହଠାତ୍‌ ଖୋଳୁ ଖୋଳୁ କିଛି ଗୋଟେ ବଡ଼ ଧରଣର ଶବ୍ଦ ହେଲା। ମୁଁ ଡରିଗଲି। ଲାଗିଲା ଯେମିତି ମତେ କରେଣ୍ଟ ମାରିଲା। ଦେଖିଲା ବେଳକୁ ଜେସିବି ଚକା ତଳୁ ମିଳିଥିଲା ଗୋଟେ ଗଣେଶ ମୂର୍ତ୍ତି। ମୁଁ ଭିଷଣ ଡରିଗଲି।”

କଟକ ଜିଲ୍ଲା ସାଲେପୁରର ଲୁଣାହାର ଫ୍ରେଣ୍ଡସ କଲୋନୀ ନିକଟ ବଡ଼ପୋଖରୀ ଖନନ ବେଳେ ଏମିତି କିଛି ଅନୁଭବ କରିଛନ୍ତି ବୋଲି କହିଛନ୍ତି ଜେସିବି ଡ୍ରାଇଭର ସନ୍ତୋଷ ମହାପାତ୍ର। ତାଙ୍କ କଥା ଶୁଣିବା ପରେ ଏବେ ପୋଖରୀ ଖନନ ସ୍ଥଳରେ ଜମିଛି ଲୋକଙ୍କ ଭିଡ। ଏହି ସ୍ଥାନରେ ପୂର୍ବରୁ କୌଣସି ମନ୍ଦିର ରହିଥିବା ବିଶ୍ୱାସ କରି ଆରମ୍ଭ ହୋଇଛି ପୂଜାପାଠ। ଏପରିକି ଏଠାରେ କୌଣସି ଅଲୌକିକ ଶକ୍ତି ରହିଥିବା କଥା କହୁଛନ୍ତି ସ୍ଥାନୀୟ ଲୋକେ।

ଖନନ ବେଳେ କେବଳ ଗଣେଶ ମୂର୍ତ୍ତି ନୁହେଁ ପୁରାତନ ପ୍ରସ୍ତର ସ୍ତମ୍ଭ, ମନ୍ଦିରର କଳାକୃତି ତଥା ବିଭିନ୍ନ ପ୍ରସ୍ତର ମୂର୍ତ୍ତି ଆବିଷ୍କୃତ ହୋଇଛି। ଏହାକୁ ନେଇ ଗାଁ ଲୋକେ ବହୁ ଉତ୍ସାହିତ ଥିବା କହିଛନ୍ତି ଧୀରେନ୍ଦ୍ର ସେଠୀ।  ଏବେ ସେସବୁ ଦେଖିବା ପାଇଁ ବହୁ ଲୋକଙ୍କ ସୁଅ ଛୁଟୁଥିବା ସେ କହିଛନ୍ତି।

Previous ArticleNext Article

Leave a Reply

Send this to a friend