ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡିଶା ରିପୋର୍ଟର): କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ କୃଷି ମନ୍ତ୍ରୀ ପ୍ରଦୀପ ମହାରଥୀ ଖୋଜୁଛନ୍ତି। କଥା କଥାକେ ଖୋଜା ପଡିଲେଣି ପ୍ରଧାନ ବାବୁ। ଆପଣ ଭାବୁଥିବେ ଏମିତି କ’ଣ ହେଲା ଯେ, ବିଜେଡି ଶିବିରରେ ଧର୍ମେନ୍ଦ୍ର ଖୋଜା ପଡିଲେ? କ’ଣ ବିଜେଡିକୁ ଢଳୁଛନ୍ତି କି ବାବୁ?<br /> ଏମିତି ଯାବତୀୟ ପ୍ରଶ୍ନ ଆପଣଙ୍କ ମୁଣ୍ଡକୁ ଜୁଟୁଥିବ। ହେଲେ ସେମିତି କିଛି ନାହିଁ। କଥା ହେଲା ବାବୁ ମହାରଥୀଙ୍କ ଯାତ୍ରା ଅନ୍ଦାଜଟା ଆଜି ପୁଣି ଦେଖିବାକୁ ମିଳିଛି। ବିଜେପୁର ନିର୍ବାଚନ ପରାଜୟ ପରେ ପଦ୍ମଦଳିଆ ଏବେ ଲାଙ୍ଗୁଡ ଜାକିଛନ୍ତି ବୋଲି କହୁଛି ବିଜେଡି। ଏହି ପ୍ରସଙ୍ଗରେ ଗୁରୁବାରିଆ କିଛି ସାମ୍ବାଦିକ ବନ୍ଧୁ ମହାରଥୀଙ୍କୁ ପ୍ରଶ୍ନ କରିଥିଲେ। ଯାହାକୁ ଶୁଣି ବାବୁ ପୁରା ଯାତ୍ରା ମାର୍କା ଉତ୍ତର ଦେଇଥିଲେ। ଉତ୍ତର ନୁହେଁ ତ ପ୍ରଶ୍ନ ମାର୍କା ଉତ୍ତର କହିଲେ ବି ଚଳିବ।<br /> ମହାରଥୀ କହିଥିଲେ- “କୁଆଡେ ଗଲେ ଧର୍ମେନ୍ଦ୍ର, ବିଜେପୁର ନିର୍ବାଚନ ପରେ କାଇଁ ଦେଖା ନାଇଁ ତ, କୁଆଡେ ଗଲେ ....?? ” ଏଇ କେଇପଦ କଥାକୁ ଶୁଣି ସାମ୍ବାଦିକ ବନ୍ଧୁମାନେ ଠୋ ଠୋ ହସିଥିଲେ। ଆଉ ବିଜେପି ପ୍ରତି ମହାରଥୀଙ୍କ ତାଚ୍ଛଲ୍ୟକୁ ଠିକ୍‌ ବୁଝି ପାରିଥିଲେ। ଏହି ଘଟଣା ପରେ ଧର୍ମେନ୍ଦ୍ରଙ୍କ ପ୍ରତିକ୍ରିୟା ମିଳି ନ ଥିବା ବେଳେ ବିଜେପି ଶିବିରରୁ କି ପ୍ରତିକ୍ରିୟା ମିଳିଛି ଦେଖନ୍ତୁ ଏହି ଭିଡିଓରେ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
