ପିଲା କହୁଛନ୍ତି, ଦିଦିଙ୍କର ଆଉ ପାୱାର ନାହିଁ

<p>ପୁରୀ(ଓଡିଶା ରିପୋର୍ଟର): &ldquo;ଗୋଟେ ବ୍ରାହ୍ମଣ ପିଲାର ଜଟ କ&rsquo;ଣ ମୁଁ କାଟିପାରିବି। ଆପଣମାନେ କହିଲେ ଦେଖି କ&rsquo;ଣ ମୁଁ ସେମିତି କରିପାରିବି? ପାଠପଢିଲା ବେଳେ ଛୁଆ ଯେମିତି ଢଙ୍ଗରେ ସ୍କୁଲ ଆସିବା କଥା ଆସୁ ନ ଥିଲା। ଚୁଟି ରଖି, ଜେଲ୍&zwnj; ମାରି ଆସୁଥିଲେ। ବାରମ୍ବାର କହିଲା ପରେ ନିଜ ପିଲା ଭାବି ଦଣ୍ଡ ଦେଲି, ଚୁଟି କାଟିଦେଲି ଲଣ୍ଡା ତ କରିନି । ନିଜ ଛୁଆ ଭାବି ଦଣ୍ଡ ଦେଇଥିଲି, ହେଲେ ମତେ ଦୋଷୀ କରିଦେଲେ ଆପଣମାନେ&rdquo;।</p><p>ଏମିତି କିଛି ମାଇକ୍&zwnj; ଲଗେଇ କହୁଥିଲେ ଶ୍ୟାମା ଗୁରୁମା ବା ଶ୍ୟାମା ଦିଦି । ଯାହାକୁ ଶୁଣି ସେଠାରେ ଉପସ୍ଥିତ ଗ୍ରାମବାସୀ ତଥା ସମବେତ ମହିଳା କାନ୍ଦୁଥିବା ଦେଖା ଯାଇଥିଲା। ଶ୍ୟାମା ଦିଦି ବି କାନ୍ଦୁଥିଲେ। ଆଉ ତାଙ୍କ କାନ୍ଦ ଶୁଣି ସମଗ୍ର ଅଞ୍ଚଳରେ ଏକ ଭିନ୍ନ ପରିବେଶ ସୃଷ୍ଟି ହୋଇଥିଲା।</p><p>ଘଟଣାଟି ହେଉଛି ପୁରୀ ଜିଲା ରଘୁରାଜପୁର ଅଞ୍ଚଳର। ଏହି ଗ୍ରାମରେ ଥିବା ଏକ ସ୍କୁଲରେ ଜଣେ ଶିକ୍ଷୟିତ୍ରୀ କେତେକ ଛାତ୍ରଙ୍କ ଛୁଟି କାଟିବା ଘଟଣାକୁ ନେଇ ଗତକାଲି ଗଣମାଧ୍ୟମରେ ଚର୍ଚ୍ଚା ଜୋର ଧରିଥିଲା। ସମ୍ପୃକ୍ତା ଶିକ୍ଷୟିତ୍ରୀଙ୍କ ଲାଗି କଠୋର ଦଣ୍ଡ ବିଧାନର ବ୍ୟବସ୍ଥା କରିବାକୁ ଦାବି ହୋଇଥିଲା। ମାତ୍ର ବାସ୍ତବ କଥା ଥିଲା ଭିନ୍ନ। ଯାହାକୁ ନେଇ ରଘୁରାଜପୁର ଅଞ୍ଚଳରେ ତୁମ୍ବିତୋଫାନ ହେଉଛି।</p><p>ଶିକ୍ଷୟିତ୍ରୀ ଜଣଙ୍କ କଥାରେ ମଧ୍ୟରେ ପ୍ରାସଙ୍ଗିକତା ରହିଥିବା ଅନେକ ଅଭିଭାବକ କହିଛନ୍ତି। ନିଜ ଛାତ୍ରମାନଙ୍କୁ ଶୃଙ୍ଖଳିତ କରିବାକୁ ଏଭଳି ଦଣ୍ଡବିଧାନ କିଛି ବଡ଼ କଥା ନୁହେଁ ହେଲେ ଜଣେ ଶିକ୍ଷୟିତ୍ରୀଙ୍କ ବିରୋଧରେ ଯେଭଳି ପ୍ରଚାର କରାଗଲା ତାହାକୁ ଆଦୌ ଗ୍ରହଣ କରିପାରୁ ନାହାଁନ୍ତି। ଯାହା ଶିକ୍ଷୟିତ୍ରୀ ଜଣଙ୍କୁ ମାନସିକ ଆଘାତ ଦେଇଛି ବୋଲି ଚର୍ଚ୍ଚା ହେଉଛି।</p><p>ଦିଦି କାନ୍ଦିକାନ୍ଦି ଏମିତି ମଧ୍ୟ କହିଛନ୍ତି, ଯାହାକୁ ଶୁଣି ଆପଣ ମଧ୍ୟ ତାଙ୍କ କଥାରେ ଏକମତ ହୋଇପାରନ୍ତି। ସେ କହିଛନ୍ତି &ldquo;ମୁଁ କ&rsquo;ଣ ଏ ଗାଁ ପାଇଁ କିଛି କରିନି ? ହେଲେ ମତେ ଏମିତି ଭାବେ ଦଣ୍ଡିତ କରାଗଲା। ମିଡିଆରେ ଭୁଲ ମାଗିବା ବେଳେ ଆପଣ ହୁଏତ ଅଳ୍ପ ଲୋକେ ମୋ ପାଖରେ ଥିଲେ ହେଲେ ଏ ଘଟଣାକୁ କୋଟି କୋଟି ଲୋକ ଟିଭିରେ ଦେଖିଲେ। ଯାହା ମତେ କିଛି ନ କରି ବି ଦୋଷି କରିଦେଲା। ଯୋଉ ଗୁରୁମା ଚାଲିଗଲେ ପିଲା ଡରେର ବହି ଧରି ପକାଉଥିଲେ ସେମାନେ ମତେ ଆଉ ଡରିବେନି। କଥା କଥାକେ ପିଲାଏ ଏବେ ଏମିତି ବି କହିଲେଣି &ldquo;ସେ ଦିଦି ଆଉ କିଛି କରିପାରିବେନି।&rdquo;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।