ରଘୁନାଥ ମହାନ୍ତିଙ୍କୁ ନୂଆ ଦାୟିତ୍ୱ

raghumohanty

ଭୁବନେଶ୍ୱର (ଓଡ଼ିଶା ରିପୋର୍ଟର): ବିଜେଡି ନେତା ତଥା ପୂର୍ବତନ ମନ୍ତ୍ରୀ ରଘୁନାଥ ମହାନ୍ତିଙ୍କୁ ନୂଆ ଦାୟିତ୍ୱ ଦେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ତାଙ୍କୁ ରାଜ୍ୟ ଉଠା ଜଳସେଚନ ନିଗମର ଅଧ୍ୟକ୍ଷ କରାଯାଇଛି। ତା’ସହିତ ତାଙ୍କୁ କ୍ୟାବିନେଟ ପାହ୍ୟା ମିଳିଛି।

ଏହା ପୂର୍ବରୁ ଗତ ମାର୍ଚ୍ଚ ମାସରେ ରଘୁଙ୍କୁ ବିଜେଡିର ଉପ-ସଭାପତି ଦାୟିତ୍ୱ ଦିଆଯାଇଥିଲା। ତା’ସହିତ ଢେଙ୍କାନାଳ ଜିଲ୍ଲା ବିଜେଡିର ପର୍ଯ୍ୟବେକ୍ଷକ ଭାବେ ଦାୟିତ୍ୱ ଦିଆଯାଇଥିଲା।

ବାଲେଶ୍ୱର ଜିଲ୍ଲାର ଏହି  ଟାଣୁଆ ବିଜେଡି ନେତା ରଘୁନାଥ ମହାନ୍ତି ୨୦୧୩ରେ ବୋହୂ ବର୍ଷା  ସୋନୀ ଯୌତୁକ ନିର୍ଯାତନା ମାମଲାରେ ଛନ୍ଦି ହେବା ପରେ ତାଙ୍କୁ ମନ୍ତ୍ରୀ ପଦରୁ ବିଦା ହେବାକୁ ପଡ଼ିଥିଲା। ସେ ଜେଲ୍ ବି ଯାଇଥିଲେ। ୨୦୧୪ ନିର୍ବାଚନରେ ଟିକେଟ୍‌ ପାଇବାରୁ ବି ବଞ୍ଚିତ ହୋଇଥିଲେ।

୨୦୧୬ ମସିହା ମାର୍ଚ୍ଚ ୨୫ ତାରିଖରେ ବର୍ଷା ସୋନୀ ଓ  ରଘୁନାଥଙ୍କ ପରିବାର ଭିତରେ ଥିବା ତିକ୍ତତାର ଅନ୍ତ ହେଲା।  ଏକାଠି ହେଲେ ରଘୁନାଥଙ୍କ ପୁଅ ରାଜାଶ୍ରୀ ଓ ବୋହୂ ବର୍ଷା ସୋନୀ ।  ଏବେ ତାଙ୍କ ପୁଅବୋହୂ ଏକାଠି ରହୁଛନ୍ତି।

Previous ArticleNext Article

Send this to a friend