ବିଜେଡିକୁ ରଘୁ ରିଟର୍ଣ୍ଣସ: ନବୀନଙ୍କ ପୁରୁଣା ସାଥୀ ଖୋଜାକୁ ନେଇ କଳ୍ପନା ଜଳ୍ପନା, ଟିକେଟକୁ ନେଇ କ’ଣ କହିଲେ ରଘୁ ପଢନ୍ତୁ

<p>ଭୁବନେଶ୍ୱର: ଫେରିବେ ପୁରୁଣାସାଥୀ । ଗତ ବର୍ଷେ ଧରି ବିଜେଡିରେ ଏଭଳି ଚର୍ଚ୍ଚା ଚାଲିଥିଲେ ବି ପ୍ରଥମ ପାଳି ପଡିଲା ପୂର୍ବତନ ମନ୍ତ୍ରୀ ରଘୁନାଥ&nbsp; ମହାନ୍ତିଙ୍କର। &nbsp;&nbsp;ବହୁଚର୍ଚ୍ଚିତ ବର୍ଷାସୋନି ନିର୍ଯାତନା ମାମଲାରେ ଛନ୍ଦି ହୋଇ ଜେଲ ଯିବାର ଦୀର୍ଘ ୫ ବର୍ଷ ପରେ ତାଙ୍କ ଉପରେ ପୁଣି ଆସ୍ଥା ପ୍ରକଟ କରି ନବୀନ ଗୁରୁଦାୟିତ୍ୱ ଦେଇଛନ୍ତି। &nbsp;&nbsp;ତେବେ ପୁଅବୋହୁ ଏକାଠି ହେବା, ନବୀନଙ୍କ ଗ୍ରୀନ୍ ସିଗନାଲ୍ ମିଳିବା ପରେ ବି ରଘୁଙ୍କ ବାଟରେ କିଏ ସାଜୁଥିଲା ବାଧକ? ଆଉ ରଘୁଙ୍କ ପରେ କେଉଁ ପୁରୁଣାସାଥୀଙ୍କର ପଡିବ&nbsp; ପାଳି? ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା।</p><p>ମାର୍ଚ୍ଚ ୩୦ ୨୦୧୩ । &nbsp;ବୋହୁ ବର୍ଷାସୋନୀଙ୍କୁ ଯୌତୁକ ନିର୍ଯାତନା ଦେବା ଅଭିଯୋଗରେ ଜେଲ ଯାଇଥିଲେ ପୂର୍ବତନ ଆଇନ ମନ୍ତ୍ରୀ ରଘୁନାଥ ମହାନ୍ତି। &nbsp;ଆଉ ୨୦୧୬ ମାର୍ଚ୍ଚ ୨୫ରେ ବର୍ଷା ସୋନୀ ଓ&nbsp; ରଘୁନାଥଙ୍କ ପରିବାର ଭିତରେ ଥିବା ତିକ୍ତତାର ଅନ୍ତ ହେଲା। &nbsp;ଏକାଠି ହେଲେ ରାଜାଶ୍ରୀ ଓ ବର୍ଷା ସୋନୀ । &nbsp;&nbsp;ମେ ୩, ୨୦୧୭ରେ ନବୀନ&nbsp; ପୁରୁଖା ପ୍ଲେୟାରଙ୍କୁ ଟିମକୁ ଫେରାଇବାକୁ ଗ୍ରୀନ ସିଗନାଲ ଦେଇଥିଲେ। &nbsp;ହେଲେ ଏହା ପରେ ବି ରଘୁଙ୍କୁ ଅପେକ୍ଷା କରିବାକୁ ପଡିଲା ପାଖାପାଖି ଗୋଟିଏ ବର୍ଷ। &nbsp;&nbsp;ଚର୍ଚ୍ଚା ହେଉଥିଲା&nbsp; ବାଲେଶ୍ୱର ଜିଲ୍ଲା ସଭାପତି ତଥା ସାଂସଦ ରବୀନ୍ଦ୍ର ଜେନା ଓ ମନ୍ତ୍ରୀ ଅନନ୍ତ ଦାସ, ରଘୁ କ୍ରିଜକୁ ଫେରି ବ୍ୟାଟିଂ କରନ୍ତୁ ଚାହୁଁନଥିଲେ।</p><p>ଶେଷରେ ରଘୁ ଫେରିଲେ ଓ&nbsp; ଏକା ଥରକେ ସୁପ୍ରିମୋ ତାଙ୍କୁ ଦେଲେ ଉପସଭାପତି । ଖାଲି ସେତିକି ନୁହଁ ଢେଙ୍କାନାଳ ପର୍ଯ୍ୟବେକ୍ଷକ ପରି ଡବଲ ଦାୟିତ୍ୱ ଫେରିବା ରଘୁ ତାଙ୍କ ପରି ପୁରୁଖା ନେତା ଦଳକୁ ବାହୁଡ଼ିବା ସପକ୍ଷରେ ବି ମତ ଦେଇଛନ୍ତି। ତେବେ ପୁରୁଣା ସାଥୀଙ୍କୁ ଫେରାଇବାର ଫର୍ମୁଲାକୁ ବିଜେଡି ସୁପ୍ରିମୋ ଆପଣାଇବା ପଛରେ କୁହାଯାଉଛି ୧୯ର ଫାଇନାଲରେ ପୁଣି ଅପରାଜେୟ ହେବାର ରଣନୀତି। ପଞ୍ଚାୟତ ଝଟ୍&zwnj;କା ପରେ ଦଳ ଭିତରେ ଓ ବାହାରେ ରହିଥିବା କିଛି ହେଭିୱେଟ୍&zwnj;ଙ୍କୁ ଆଣିବା ପାଇଁ ଚାହୁଁଛନ୍ତି ସୁପ୍ରିମୋ। &nbsp;&nbsp;ବିଜେପିର ଶକ୍ତି ବୃଦ୍ଧି ସହ&nbsp; କିଛି ନେତା ବିଜେପି ଆଡ଼କୁ ଢଳୁଥିବା କାରଣରୁ ନବୀନ ପୁରଣା ସାଥିୀଙ୍କୁ ଖୋଜିବା ଚର୍ଚ୍ଚା ବି ହେଉଛି । ଏମିତି ଦେଖିଲେ ନବୀନଙ୍କ ସହ ପୂର୍ବରୁ ରହିଥିବା ପ୍ରଫୁଲ୍ଲ ଘଡ଼େଇ, ବିଜୟ ମହାପାତ୍ର, ପଞ୍ଚାନନ କାନୁନଗୋ, ଦିଲ୍ଲୀପ ରାୟଙ୍କ ପରି ନେତା ସମୟ କ୍ରମେ ନବୀନଙ୍କ ଠାରୁ ଦୁରେଇ ଯାଇଛନ୍ତି। ଅନ୍ୟପକ୍ଷରେ&nbsp; ଟିକେଟ୍ ମିଳିଲେ ଲଢ଼ିବି&nbsp; ବୋଲି କହିଛନ୍ତି ରଘୁ ମହାନ୍ତି ।</p><p>ତେଣୁ ଲୋକଙ୍କ ମଧ୍ୟରେ ପ୍ରଭାବ ଥିବା ଏମିତି କିଛି ନେତାଙ୍କୁ ପୁଣି ନିଜ ଦଳକୁ ଫେରାଇବାକୁ ପ୍ରୟାସ ଚାଲିଛି ବୋଲି ଚର୍ଚ୍ଚା&nbsp; ହେଉଛି। ପରିସ୍ଥିତି ବେଳେ ବେଳେ ପୂର୍ବ ତିକ୍ତତାକୁ ଭୁଲିବା ବାଧ୍ୟ କରାଏ। &nbsp;ବିଜେଡି ଆଗକୁ ବଡ଼ ଲଢ଼େଇର ସାମ୍ନା କରିବାକୁ ଏଭଳି ତିକ୍ତତା ଭୁଲାଇ ରଘୁଙ୍କ ପରି ଆଉ କାହାକୁ ଆଉ ଆପଣାଉଛି, ତା&rsquo; ଉପରେ ନଜର।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।