୩ଟି ଜିଲ୍ଲାର ୩୦ହସ୍ପିଟାଲରେ ଚଢ଼ାଉ

mm

ଭୁବନେଶ୍ୱର (ଓଡ଼ିଶା ରିପୋର୍ଟ): ୩ଟି ଜିଲ୍ଲାର ୩୦ହସ୍ପିଟାଲରେ ଅଗ୍ନିଶମ ବିଭାଗ ପକ୍ଷରୁ ଚଢ଼ାଉ କରାଯାଇଛି।  ଅଗ୍ନି ନିରାପତ୍ତା ଏବଂ ସୁରକ୍ଷା ଆଇନ ପାଳନ କରାଯାଉଛି କି ନାହିଁ, ତାହାର ଯାଞ୍ଚ ପାଇଁ ନୟାଗଡ଼, ଢେଙ୍କାନାଳ ଓ ଜଗତସିଂହପୁରର ବିଭିନ୍ନ ହସ୍ପଟାଲରେ ଏହି ଚଢ଼ାଉ କରାଯାଇଛି। ଏ ନେଇ ଅଗ୍ନିଶମ ବିଭାଗ ଡିଜି ବିଜୟ କୁମାର ଶର୍ମା ସୂଚନା ଦେଇଛନ୍ତି।  ଫାୟାର ସେଫ୍ଟି ଓ ପ୍ରିଭେନ୍ସନ ନିୟମ ପାଳନ ହେଉ ନ ଥିଲେ ହସ୍ପିଟାଲକୁ ପ୍ରଥମ ପର୍ଯ୍ୟାୟରେ ନୋଟିସ୍ କରାଯିବ। ନିର୍ଦ୍ଦିଷ୍ଟ ସମୟସୀମାରେ ନିୟମ ପାଳନ ପୂରଣ ନ ହେଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଅଗ୍ନିଶମ ଡିଜି କହିଛନ୍ତି।

ଯାଞ୍ଚ ବେଳେ ନୟାଗଡ଼ରେ ଅନେକ ଘରୋଇ ହସ୍ପିଟାଲରେ ଫାୟାର ସେଫ୍ଟି ନ ଥିବା ଜଣାପଡ଼ିଛି। ଯେଉଁଠି ଫାୟାର ସେଫ୍ଟି ଅଛି, ସେଠାରେ କର୍ମଚାରୀଙ୍କୁ ପ୍ରଶିକ୍ଷଣ ଦିଆଯାଇନାହିଁ।

ସେହିପରି ଢେଙ୍କାନାଳର ବିଭିନ୍ନ ଘରୋଇ ହସ୍ପିଟାଲ ଓ ନର୍ସିଂହୋମରେ ଅଗ୍ନିଶମ ବିଭାଗ ଚଢ଼ାଉ କରିଛି।  କଟକ ଡିଭିଜନ ଡେପୁଟି ଫାୟାର ଅଫିସର ତୈଲୋକ୍ୟ ବାବୁଙ୍କ ଅଧୀନରେ ୧୩ ଜଣିଆ ଟିମ୍‌ ଏହି  ଚଢ଼ାଉ କରିଛନ୍ତି।

Previous ArticleNext Article

Send this to a friend