ଭୁବନେଶ୍ୱର(ଓଡ଼ିଶା ରିପୋର୍ଟର):ସୋମବାର ରବୀନ୍ଦ୍ର ମଣ୍ଡପରେ ଏକ ବିରଳ ସଂଯୋଗ ଦେଖିବାକୁ ମିଳିଥିଲା। ସାହିତ୍ୟ, ସଙ୍ଗୀତ ଓ ନୃତ୍ୟର ଥିଲା ମହାମିଳନ। ଓଡିଶା ସାହିତ୍ୟ ଓ ସଂସ୍କୃତିର ତିନି ମହାନ ବ୍ୟକ୍ତିତ୍ୱଙ୍କୁ ଏକାଠି ଦେଖିଥିଲେ ଦର୍ଶକ। ଏହି ତିନିଜଣ ହେଲେ ବିଶିଷ୍ଟ ଔପନ୍ୟାସିକ ପଦ୍ମଶ୍ରୀ ପ୍ରତିଭା ରାୟ, ପ୍ରଖ୍ୟାତ ଓଡ଼ିଶୀ ନୃତ୍ୟଶିଳ୍ପୀ ପଦ୍ମଶ୍ରୀ କୁମ କୁମ ମହାନ୍ତି ଓ ପ୍ରସିଦ୍ଧ ଗୀତିକାର, ଗାଳ୍ପିକ ତଥା ସ୍ତମ୍ଭକାର ପଦ୍ମଶ୍ରୀ ପ୍ରଫୁଲ୍ଲ କର।
ପ୍ରତିଭା ରାୟଙ୍କ ବହୁଚର୍ଚ୍ଚିତ ‘ଯାଜ୍ଞସେନୀ’ ରଚନାକୁ ନୃତ୍ୟଶୀଳ୍ପୀ କୁମ କୁମ ମହାନ୍ତି ନୃତ୍ୟରେ ବଖାଣିଥିଲେ। ଯାହାକୁ ସଙ୍ଗୀତ ରଚନା ଓ ନିର୍ଦ୍ଦେଶନା ଦେଇଥିଲେ ପ୍ରଫୁଲ୍ଲ କର। ନୃତ୍ୟାଭିନୟରେ କୁମ କୁମ ମହାନ୍ତି କେତେବେଳେ ଦ୍ରୌପଦୀ ତ’ କେତେବେଳେ ଭୀମ ଅଭିନୟରେ ଦର୍ଶକଙ୍କୁ ସ୍ତମ୍ବିଭୁତ କରିଥିଲେ। ଏହି ଯାଜ୍ଞସେନୀ ଉପନ୍ୟାସ ପାଇଁ ପ୍ରତିଭା ରାୟ ୧୯୯୦ରେ ଶାରଳା ପୁରସ୍କାର ଓ ୧୯୯୧ରେ ମୂର୍ତ୍ତୀଦେବୀ ପୁରସ୍କାର ଲାଭକରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
